Reġistrazzjoni - Żanżan Kelma 2026

Imla din il-formola sabiex tipparteċipa fl-edizzjoni ta' Żanżan Kelma (ŻK) 2026, spelling bee għat-tfal li għandhom bejn 8 snin u 13-il sena.

Il-kompetizzjoni se tinqasam fi tliet kategoriji: 

Kategorija A: Bejn 8 u 9 snin (Y3-Y4 l-Iskola)
Kategorija B: Bejn 9 u 10 snin (Y5-Y6 l-Iskola)
Kategorija Ċ: Bejn il-11 u t-13-il sena (Y7-Y9 l-Iskola)

Il-kliem tal-kategoriji taż-żgħar se jkun eħfef mill-kliem li l-kbar iridu jispellu.

Din is-sena, se nkomplu nespandu l-inizjattiva tagħna billi nerġgħu norganizzaw it-tliet sessjonijiet ta’ preparazzjoni fuq l-ortografija matul ix-xhur tas-sajf (Lulju – Settembru 2026). Dawn is-sessjonijiet għandhom l-għan li jgħinu lit-tfal li qegħdin bejn it-3 u d-9 sena tal-iskola sabiex itejbu l-ħiliet tagħhom fl-ortografija bil-Malti, qabel is-semifinali u l-finali li huma skedati għal Ottubru. Dawn is-sessjonijiet se jseħħu ONLINE. Biex tieħu sehem fis-semifinali u l-finali, m'hemmx għalfejn tkun attendejt is-sessjonijiet preparatorji, u jekk tiddeċiedi tattendi, m'hemmx għalfejn tirreġistra għal kollha kemm huma. 

Intom qed timlew din il-formola u tirreġistraw it-tfal tagħkom għas-semifinali u l-finali, u l-interess tagħkom għas-sessjonijiet tas-sajf. Ladarba jkollna kollox konfermat, nibagħtulkom email bl-informazzjoni kollha relevanti għal dawn it-tliet sessjonijiet. 

Is-semifinali għandha ssir fl-24 ta' Ottubru 2026 (POST IMĦABBAR AKTAR TARD), u l-finali fil-25 ta' Ottubru 2026 ġewwa l-Università l-Antika fil-Belt Valletta.

Il-parteċipanti u r-rebbieħa li ħadu sehem fis-snin preċedenti jistgħu jerġgħu jieħdu sehem. Il-parteċipanti kollha jingħataw ċertifikat ta’ parteċipazzjoni, u se jkun hemm ukoll rigali sbieħ x’jintrebħu! Il-parteċipanti mhumiex se jingħataw lista ta' kliem minn qabel biex jistudjawha imma jridu jkunu preparati għal kollox. Nitolbukom tavżawna f'każ li l-parteċipant ikollu xi impediment fit-taħdit jew impediment ieħor ħalli nagħmlu l-arranġamenti meħtieġa. Nitolbukom taqraw id-dokument tar-REGOLAMENTI UFFIĊJALI (DOKUMENT TA' REGOLAMENTI) qabel tapplikaw sabiex kollox ikun ċar għalikom u għal uliedkom. 

Aktar dettalji fuq l-attività fuq Facebook.
Sign in to Google to save your progress. Learn more
Taqsima 1: Informazzjoni tal-Ġenituri
Isem u Kunjom tal-Ġenitur/Kustodju   *
Numru tal-Mobile *
Indirizz Elettroniku *
Taqsima 2: Informazzjoni tat-Tifel/Tifla  
Isem u Kunjom tat-Tifel/Tifla   *
Sena tat-Twelid *
Liem sena kienu/qegħdin waqt is-Sena Skolastika 2025-2026? *
L-Iskola tat-Tifel/Tifla
Taqsima 3: Is-Sessjonijiet tal-Ortografija
Dawn it-tliet sessjonijiet se jkunu ONLINE u l-ħolqa tal-laqgħa tintbagħat qrib is-sessjoni nnifisha. 

Mar-reġistrazzjoni għas-sessjonijiet, kull parteċipant jirċieve ktejjeb ta' noti, imqassam skont il-livelli tal-kompetizzjoni. 
Tixtieq li tipparteċipa fit-tliet sessjonijiet tal-ortografija? (B'XEJN u ONLINE) *
PRIMARJA (Y3-6): Agħżel sa 3 sessjonijiet skont is-sena li fiha kien/et it-tifel/tifla tiegħek l-iskola. 

N.B. Jekk it-tifel/tifla tiegħek għadhom kemm/se jtemmu s-6 sena (Y6) l-iskola, applikalhom mal-grupp Y3-6. Jiġifieri applika sena b'lura. 
SEKONDARJA (Y7-9): Agħżel sa 3 sessjonijiet skont is-sena li fiha kien/et it-tifel/tifla tiegħek l-iskola. 

N.B. Jekk it-tifel/tifla tiegħek għadhom kemm/se jtemmu s-6 sena (Y6) l-iskola, applikalhom mal-grupp Y3-6. Jiġifieri applika sena b'lura. 
Taqsima 4: Kunsens
Nifhem li din hija formola ta' reġistrazzjoni finali għall-programm u ladarba napplika u/jew nattendi għas-sessjonijiet, irrid nattendi għas-semifinali u/jew għall-finali. *
Billi timla din il-formola qiegħed/qiegħda tikkonferma li tagħti permess li jittieħdu ritratti tat-tifel/tifla tiegħek waqt l-attività Żanżan Kelma. B'hekk inti tkun qed tifhem u taċċetta li dawn ir-ritratti jistgħu jidhru fuq il-mezzi soċjali tal-Għaqda, primarjament Facebook u Instagram. 
Clear selection
Billi timla din il-formola qiegħed/qiegħda tikkonferma li qrajt il-ktejjeb tar-regolamenti. 
Clear selection
Submit
Clear form
Never submit passwords through Google Forms.
This form was created inside of Għaqda tal-Malti - Università.

Does this form look suspicious? Report

Google Forms