2014 - Sjúkra - Fjölskyldu- og erfðaréttur

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/5/prof/51 .

1. Tveir einstaklingar í óvígðri sambúð:

1 point

a) Geta skráð sambúð sína í þjóðskrá.

b) Verða að vera af gagnstæðu kyni.

c) Eru framfærsluskyldir hvor gagnvart öðrum ef þeir skrá sambúð sína.

d) Verða að vera eldri en 18 ára.

e) Allt ofangreint á við.

Clear selection

2. Einstaklingum í óvígðri sambúð:

1 point

a) Ber skylda til að sýna hvorum öðrum trúmennsku.

b) Ber skylda til að gæta sameiginlega hagsmuna fjölskyldunnar.

c) Ber skylda til að ganga frá eignaskiptum við slit á sambúð ef hún er skráð í þjóðskrá.

d) Er heimilt að óska opinberra skipta ef ágreiningur verður um fjárskipti.

e) Svör c. og d. eru rétt.

Clear selection

3. Hver eftirtalinna fullyrðinga er rétt?:

1 point

a) Í óvígðri sambúð geta einstaklingar alltaf valið hvort sambúðin hafi tiltekin réttaráhrif eða ekki.

b) Óvígð sambúð hefur sömu réttaráhrif fyrir alla einstaklinga sem skrá sambúð sína í þjóðskrá.

c) Einstaklingar í óvígðri sambúð geta gert kaupmála ef sambúðin er skráð í þjóðskrá.

d) Óvígð sambúð hefur sömu réttaráhrif fyrir alla þá sem eiga barn saman.

e) Allar ofangreindar fullyrðingar eru rangar.

Clear selection

4. Hver eftirtalinna fullyrðinga er rétt?:

1 point

a) Ekki er unnt að slíta óvígðri sambúð sem skráð hefur verið í þjóðskrá fyrr en einstaklingarnir hafa samið um fjárskipti eða óskað opinberra skipta.

b) Við slit óvígðrar sambúðar ræður þinglýsing eignarheimilda úrslitum um það hver fær hvaða eign í sinn hlut.

c) Við fjárskipti við slit óvígðrar sambúðar er alltaf unnt að óska opinberra skipta.

d) Við fjárskipti við slit óvígðrar sambúðar getur komið til álita að dæma öðru hlutdeild í eignamyndun á sambúðartíma.

e) Svör c. og d. eru rétt.

Clear selection

5. Hver af eftirtöldum fullyrðingum er rétt?:

1 point

a) Lögerfingi getur verið m.a. maki arfleifanda í óvígðri sambúð sem skráð hefur verið í þjóðskrá.

b) Foreldrar hins látna eru skylduerfingjar viðkomandi ef hvorki er til að dreifa maka, börnum né öðrum niðjum.

c) Lögerfingjar innan sömu erfðar erfa allir jafnan hlut.

d) Skylduerfingi getur tekið arf samkvæmt erfðaskrá.

e) Svör b. og c. eru rétt.

Clear selection

6. Hver af eftirtöldum fullyrðingum er rétt?:

1 point

a) Með andlagi erfða er fyrst og fremst vísað til þess sem fellur til erfingja samkvæmt erfðaskrá.

b) Til dánarbús fellur m.a. skylda til greiðslu meðlags með barni hins látna.

c) Til dánarbús falla almennt öll fjárhagsleg réttindi hins látna.

d) Fjárhagslegar skuldbindingar hins látna færast sjálfkrafa við andlát hans yfir til skylduerfingja.

e) Svör c. og d. eru rétt.

Clear selection

7. Hver af eftirtöldum fullyrðingum um erfðaskrá er rétt?:

1 point

a) Í erfðaskrá er unnt að kveða á um rétt til setu í óskiptu búi.

b) Við túlkun erfðaskrár er fyrst og fremst byggt á traustskenningunni.

c) Erfðaskrá öðlast gildi við staðfestingu sýslumanns.

d) Sá sem byggir arfstilkall sitt á lögmætri erfðaskrá kallast lögerfingi.

e) Öll framangreind svör eru rétt.

Clear selection

8. Hver af eftirtöldum fullyrðingum er rétt?:

1 point

a) Lögráða barn hins látna getur óskað eftir leyfi til setu í óskiptu búi með ólögráða niðjum hins látna ef lögráðamaður hins ólögráða erfingja veitir samþykki sitt til þess.

b) Óskipt bú kemur ekki til álita ef hjón bjuggu við fullkomið hjúskapareignarfyrirkomulag.

c) Koma má í veg fyrir setu í óskiptu búi með því að gera erfðaskrá.

d) Ef maki situr í óskiptu búi þar til hann deyr þá fellur arfur eftir hið skammlífara við lát hins langlífara.

e) Svör b. og d. eru rétt.

Clear selection

9. Kristín og Baldur voru í hjónabandi í 35 ár. Kristín átti dótturina Lóu, Baldur átti soninn Kára og Kristín og Baldur áttu saman tvíburana Ara og Jón. Lóa var gift Ragnari og átti soninn Lárus. Kári átti dótturina Freyju. Þegar Baldur dó fékk Kristín leyfi til setu í óskiptu búi. Ári síðar dó Lóa og Kristín dó svo tveimur árum eftir það.

1 point

a) Arfshlutur Lóu í óskipta búinu var séreign hennar í hjúskapnum við Ragnar.

b) Ragnar og Lárus erfa báðir þann arfshlut sem Lóu bar eftir Baldur.

c) Lárus erfir einn þann arfshlut sem Lóu bar eftir Baldur.

d) Eftir lát Kristínar rennur helmingur búsins til Kára, Freyju, Ara og Jóns og hinn helmingurinn til Ragnars, Lárusar, Ara og Jóns.

e) Allar framangreindar fullyrðingar eru rangar.

Clear selection

10. Arna og Gunnar voru í hjúskap. Þau gerðu kaupmála um að sumarbústaður þeirra, Baldursvellir, yrði séreign Gunnars. Allar aðrar eignir þeirra, þar á meðal íbúð að Stóragerði, voru um leið gerðar að séreignum Örnu og tekið fram að séreignir hennar skyldu lúta reglum um hjúskapareignir við andlát. Arna átti soninn Skúla og Gunnar átti soninn Trausta. Gunnar lést þegar Skúli var 17 ára og Trausti 25 ára.

1 point

a) Arna á lögbundinn rétt til setu í óskiptu búi óháð afstöðu barnanna.

b) Arna getur ekki fengið leyfi til setu í óskiptu búi þar sem hjónin bjuggu við algert séreignarfyrirkomulag.

c) Ef Arna fær leyfi til setu í óskiptu búi getur Trausti alltaf krafist skipta sér til handa með eins árs fyrirvara.

d) Ef Arna fær leyfi til setu í óskiptu búi má hún almennt ráðstafa helmingi af sumarbústaðnum með erfðaskrá.

e) Svör b., c. og d. eru rétt.

Clear selection

11. Hver af eftirtöldum fullyrðingum er rétt?:

1 point

a) Erfðaskrá er því aðeins gild að sá sem gerir hana sé lögráða og að auki andlega fær um að gera þá ráðstöfun á skynsamlegan hátt.

b) Sá sem á lögerfingja getur ekki gert erfðaskrá.

c) Sá sem á skylduerfingja má ráðstafa hluta eigna sinna til lögerfingja samkvæmt erfðaskrá.

d) Með arfleiðsluheimild er vísað til þeirra persónulegu eiginleika sem arfleifandi verður að hafa til að mega ráðstafa eignum með erfðaskrá.

e) Svör a. og c. eru rétt.

Clear selection

12. Hver af eftirtöldum fullyrðingum um óskipt bú er rétt?:

1 point

a) Með setu í óskiptu búi er eiginlegum arfskiptum eftir skammlífari slegið á frest.

b) Langlífari maki getur fengið leyfi til setu í óskiptu búi ef hann er einkaerfingi hins skammlífari.

c) Langlífari maki getur fengið leyfi til setu í óskiptu búi með bréferfingjum hins skammlífari ef þeir eru ekki jafnframt lögerfingjar skammlífari.

d) Sá sem situr í óskiptu búi verður að skipta búinu ef hann stofnar til nýrrar óvígðrar sambúðar.

e) Svör a. og d. eru rétt.

Clear selection

13. Hver af eftirtöldum fullyrðingum er rétt?:

1 point

a) Sjálfsaflafé langlífari rennur í óskipt bú nema hann lýsi því fyrir sýslumanni innan tveggja mánaða frá því að sjálfsaflafé var aflað að verðmæti þess skuli ekki renna í óskipta búið.

b) Séreignir skammlífari renna ekki í óskipt bú en séreignir langlífari renna í óskipt bú.

c) Arfur sem langlífari hlotnast meðan hann situr í óskiptu búi rennur alltaf í búið nema arfleifandi hafi lýst því yfir að arfurinn skuli vera séreign viðkomandi.

d) Sá sem situr í óskiptu búi getur gert erfðaskrá og ráðstafað hluta af búinu til erfingja sinna.

e) Hjúskapareignir sem lúta eiga reglum um séreignir við andlát renna ekki í óskipt bú.

Clear selection

14. Hver af eftirtöldum fullyrðingum er rétt?:

1 point

a) Sá sem situr í óskiptu búi getur hafnað því að bera ábyrgð á skuldum hins látna.

b) Fyrirframgreiddur arfur til sameiginlegs barns, sem greiddur er meðan langlífari maki situr í óskiptu búi, er alltaf séreign viðkomandi erfingja í hjúskap.

c) Skuldheimtumenn samerfingja maka, sem situr í óskiptu búi, geta leitað fullnustu í eignum búsins.

d) Skipti geta farið fram til einstakra samerfingja langlífari maka án þess að skiptin leiði til brottfalls setu í óskiptu búi.

e) Svör b. og d. eru rétt.

Clear selection

15. Hver af eftirtöldum fullyrðingum er rétt?:

1 point

a) Með arfleiðsluhæfi er átt við frelsi arfleifanda til að ráðstafa eignum sínum innan þeirra marka sem ráðast af hagsmunum skylduerfingja.

b) Mat á arfleiðsluhæfi miðast við það tímamark þegar arfleifandi féll frá.

c) Skortur á arfleiðsluhæfi veldur því sjálfkrafa að erfðaskrá kemur ekki til framkvæmda.

d) Ef arfleifanda skortir arfleiðsluhæfi er reynt að framkvæma erfðaskrá að því marki sem honum var heimilt að ráðstafa eignum sínum.

e) Öll framangreind svör eru röng.

Clear selection

16. Hver af eftirtöldum fullyrðingum er rétt?:

1 point

a) Ráðstöfun sem gerð er með erfðaskrá bitnar alltaf á öllum erfingjum jafnt.

b) Arfleifandi getur ráðstafað eign til tiltekins bréferfingja og jafnframt ákveðið hvað skuli verða um eignina að þessum bréferfingja látnum.

c) Dánargjafir eru einhliða örlætisgerningar sem lúta sömu reglum og erfðaskrár.

d) Höfnun arfs á sér stað fyrir andlát arfleifanda.

e) Ávallt ber að gera erfðaskrá þegar barni er greiddur arfur fyrirfram.

Clear selection

17. Í hrd. 1998, bls. 1134 (Kattavinafélagið):

1 point

a) Reyndi á reglur um leiðréttandi skýringu erfðaskrár.

b) Reyndi á reglur um fyllingu erfðaskrár.

c) Reyndi fyrst og fremst á reglur um arfleiðsluheimild.

d) Reyndi fyrst og fremst á reglur um form erfðaskrár.

e) Allar ofangreindar fullyrðingar eru réttar.

Clear selection

18. Í Hrd. 1994, bls. 2182 (Esjudómur):

1 point

a) Reyndi fyrst og fremst á það hvort arfleifanda hefði brostið hæfi til að gera umrædda erfðaskrá.

b) Byggðist niðurstaða Hæstaréttar meðal annars á vilja arfleifanda.

c) Reyndi meðal annars á það hvort tilteknar kvaðir fengju staðist samkvæmt efni sínu.

d) Var ekkert fjallað um form erfðaskráa.

e) Svör b. og c. eru rétt.

Clear selection

19. Í Hrd. 1969, bls. 469 (Málleysingjaskólinn):

1 point

a) Reyndi á skort á arfleiðsluheimild arfleifanda.

b) Reyndi á gildi munnlegrar erfðaskrár.

c) Reyndi á framsal ákvörðunarvalds.

d) Reyndi á gildi ráðstöfunar eigna í óskiptu búi.

e) Öll framangreind svör eru röng.

Clear selection

20. Í Hrd. 1983, bls. 381 (Stefán Jónsson rithöfundur):

1 point

a) Reyndi á arfleiðsluheimild langlífari maka.

b) Reyndi á heimild langlífari maka til að ráðstafa eign úr óskiptu búi.

c) Reyndi fyrst og fremst á reglur um dánargjafir.

d) Var fyrst og fremst tekist á um mat á verðmæti fyrirfram greidds arfs.

e) Svör a. og c. eru rétt.

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms