ბიზნესკონკურსი ქალი მეწარმეებისთვის საქართველოში გლობალური ინიციატივის "She's Next, Empowered by Visa"-ს ფარგლებში
- ამ ფორმის შევსებით თქვენ თანხმობას აცხადებთ, რომ თქვენს მიერ შევსებული პერსონალური მონაცემები შეინახება ბიზნეს ფედერაციის "ქალები მომავლისთვის" მონაცემთა ბაზაში;
- კომპანია და ყოველი თანამშრომელი პასუხს აგებს მომხმარებლის კონფიდენციალურობის და პერსონალური ინფორმაციის დაცვაზე, ასევე უზრუნველყოფს მესამე პირებისთვის ინფორმაციის გაუცემლობას.
ციფრული გადახდების მსოფლიო ლიდერის "Visa"-ს და ბიზნესფედერაცია "ქალები მომავლისთვის" პარტნიორობით გამოცხადებულია საჯარო კონკურსი ქალი მეწარმეებისთვის საქართველოში. ბიზნესკონკურსი, გლობალური კამპანია She's Next, Empowered by Visa-ს ინიციატივის, მესამე ტალღის ფარგლებში იმართება.
კონკურსში მონაწილეობის მისაღებად დაინტერესებულმა პირებმა უნდა შეავსონ ქვემოთ წარმოდგენილი სააპლიკაციო ფორმა.
პროექტი მიზნად ისახავს ქალი მეწარმეების მხარდაჭერას, რომლებსაც სურთ საკუთარი ბიზნესის გაფართოება ან/და ბიზნეს იდეის განვითარება. კონკურსი ჩატარდება სამ ეტაპად:
- მიღებული განაცხადებიდან, წინასწარ განსაზღვრული შესარჩევი კრიტერიუმებისა და კონკურსის წესების თანახმად, შეირჩევა 10 საუკეთესო მონაწილე;
- 10 ქალ მეწარმეს, რომლებსაც ჩაუტარდებათ ორდღიანი, ინტენსიური საკონსულტაციო-მენტორული სამუშაო შეხვედრები, შეისწავლიან თუ როგორ წარადგინონ საკუთარი ბიზნესიდეა ჟიურის წინაშე 90 წამში (Visa Elevator Pitch-ის ფორმატში);
- ბოლო ეტაპზე, 10 ქალი მონაწილე, საკუთარი ბიზნესის შესახებ პრეზენტაციას წარადგენს ჟიურის წინაშე 90 წამის განმავლობაში (Visa Elevator Pitch-ის ფორმატში) და იმავე დღეს ჟიური შეარჩევს 2 გამარჯვებულს, პირველი ადგილის მფლობელი დაჯილდოვდება 25 000 ლარით, ხოლო მეორე ადგილის მფლობელი 15 000 ლარს მიიღებს.
განაცხადების მიღების ბოლო ვადაა: 2022 წლის 10 ოქტომბერი.
