55 charlas de divulgación científica de temas científico-tecnolóxicos, de humanidades, de arte, de ciencias xurídicas e sociais, e da saúde. Estas charlas, dunha hora aproximada de duración, realízanse no propio centro escolar en modalidade presencial ou en modalidade virtual a través de Campus Remoto e impárteas o profesorado da Universidade de Vigo.

Os centros educativos con alumnado de 4º da ESO, bacharelato e FP poderán solicitar, a través deste formulario, as charlas durante todo o ano. Terán lugar entre o 1 de xaneiro e o 31 de maio de cada curso académico. Para atender o maior número de centros, cada un poderá solicitar un máximo de tres sesións divulgativas.