Íslandsmótið er haldið af Sögum útgáfu í samstarfi við Brauðtertufélag Erlu og Erlu.

Öllum er velkomið að taka þátt og þau sem gera brauðtertu fyrir keppnina geta átt von á að hún endi í bók.

Sigurvegari keppninnar mun hreppa titilinn Íslandsmeistari í brauðtertugerð 2024 en einnig verða útnefndir sigurvegarar í þremur flokkum: fallegasta brauðtertan, bragðbesta brauðtertan og síðan sú frumlegasta.

Til að sem flest áhugasöm geti tekið þátt verður keppnin bæði í Reykjavík og á Akureyri.

Í Reykjavík er val um sunnudaginn 14. júlí klukkan 12 eða sunnudaginn 21. júlí klukkan 12.
Staður: Safnaðarheimili Dómkirkjunnar við Tjörnina (við hlið Iðnó).

Akureyri sunnudaginn 28. júlí klukkan 12.
Staður: Hlíðarbær, Hörgársveit.

Fyrirspurnir sendist á braudterta2024@gmail.com