प्रिय साठेकुल बंधू भगिनींनो,
मागील ३-४ वर्षे आपण साठे ई-कुलवृत्तांत साठी प्रयत्न केले. कळविण्यास आनंद होतो की ते प्रयत्न फलद्रुप होत आहेत.
साठे कुलाची समग्र माहिती एकत्र संकलित केल्याने त्याचा लाभ सर्वांनाच होईल आणि ती माहिती तातडीने अपडेट होईल याची खात्री पटल्यावर हा प्रकल्प हाती घेतला. खर्चिक छापील कुलवृत्तांत आता सर्वांनाच अशक्य होत चालले आहेत म्हणुन हा प्रपंच. याची यशस्विता केवळ आणि केवळ तुमच्या हाती आहे.
आपणा सर्वाना आम्ही एक फॉर्मचा नमुना पाठवत आहोत. आपणा सर्वांना आग्रहाची विनंती की सदर फॉर्म प्रिंट करून त्याच्या आवश्यक तेवढ्या झेरॉक्स काढून आपल्या कुटुंबातील सर्वांची तसेच आपल्या पूर्वजांचीही माहिती भरून पोस्टाने साठे ट्रस्ट कार्यालयात किंवा ओंन लाईन भरून
sathekulanyas@gmail.com वर पाठवावी..
सर्वात महत्वाचे नमुद करणें आहे की, यातील सर्व माहिती सर्वांना प्रकट होणार नाही याची नोंद घ्यावी. फक्त निरुपद्रवी माहितीच (नाव, आडनाव, शाखा, पिन नं॰) दिसेल ही व्यवस्था केली आहे. जी माहिती आपणास नसेल त्या जागा मोकळ्या सोडाव्यात. प्रत्येक व्यक्तीसाठी एक स्वतंत्र पान हवे आहे. संपर्कासाठी आपला मेल आयडी, फोन नंबर हवाच.
शेवटी कळकळीची विनंती करतो की, आपला उदासिनता किंवा अलिप्तपणा झटकून हा तुमचा (आपल्या न्यासचा) महत्वाचा प्रकल्प यशस्वी करण्यास भरीव मदत करावी. एवढेच नाही तर आपल्या परिसरातील जवळपासच्या साठे कुलातील कुटुंबियांकडूनही माहिती भरून पाठवण्यासाठी चिकाटीने प्रयत्न करावेत. आपल्या आजपर्यंतच्या कुलावृत्तान्तासाठी अनेकांचे अथक प्रयत्न कारणीभुत आहेत हे आपणास स्मरत असेल.
पत्ता : साठे साठये साठये कुलपुरस्कृत न्यास, धोंडुमामा साठे पथ, शनिवार पेठ, पुणे 411030.
चौकशीसाठी फोन : समीर साठे 9404397711 जयप्रकाश साठे : 9422547781 कौस्तुभ गोंधळेकर : 9833499377