Hér fyrir neðan er hægt að skrá sig bæði á póstlista Ýmis og í hópa hjá Ými. 

Skráningin er án skuldbindingar eða kostnaðar. Við munum svo senda hverjum hópi nánari upplýsingar og alltaf er hægt að skrá sig úr hópum hjá okkur.

Póstlisti
Tilkynningar um aðalfundi og annað félagsstarf hjá Ými.

Framhaldshópur barna (9-15 ára) - kænur og róður
Fyrir þá krakka sem hafa tekið námskeiðið Leikur við sjóinn eða Lærðu að sigla og vilja halda áfram að bralla í klúbbnum. Í haust og í vetur ætlum við að reyna að halda æfingar, leikjadaga, pizzakvöld og annað félagsstarf. Þeir sem skráðir eru í framhaldshópinn fá forgang á skráningar í sumarnámskeið næsta árs.

Framhaldshópur fullorðina - kænur (byrjendur og lengra komnir)
Bæði fyrir þá sem eru nýbúnir að taka Lærðu að sigla námskeið hjá okkur og þá sem eru lengra komna og vilja sigla á kænum félagsins í haust og í vetur. Einnig fyrir þá sem eru að sigla á eigin kænum á eigin vegum en vilja taka þátt í félagsstarfi Ýmis í tengslum við kænur.
Planið er að halda æfingar í haust og fá þjálfara og kennara að starfinu svo og að halda félagskvöld og sinna viðhaldi á kænum félagsins.

Ungmennahópur (16-25 ára) - kænur, kjölbátar og róður
Hópur ungmenna innan félagsins og grunnur að ungmennaráði. Fyrir alla þá sem hafa áhuga á starfi félagsins. 
Planið er að byggja upp félagsstarf og ungmennaráðið mun geta komið málefnum sínum til stjórnar félagsins.

Kjölbátar (18 ára og eldri)
Fyrir þá sem hafa tekið námskeiðið Hæfur háseti eða sambærilegt. 

Foreldrafélag
Fyrir alla foreldra. Tveir fundir með stjórn að hausti og vori. Þess á milli getur foreldrafélagið skipulagt dagskrá sína og unnið með stjórn að málefnum félagsins. Fá forgang í skráningar á sumarnámskeið. 

Sjálfboðaliðar
Fyrir alla þá sem vilja taka meiri þátt í starfi félagsins. Hvort sem það sé að hella upp á kaffi og raða stólum eða vera á öryggisbát eða sinna viðhaldi á bátum. 

Frekari upplýsingar verða sendar í tölvupósti á þá sem skrá sig.