ការធ្វើតេស្តរកមេរោគ ខូវីដ-១៩ គឺជាវិធានការមួយ ក្នុងចំណោមវិធានការជាច្រើនស្រទាប់ដែលនឹងបង្កើនសុវត្ថិភាពដល់សិស្ស និងបុគ្គលិករបស់យើង ក្នុងអំឡុងឆ្នាំសិក្សា ២០២២-២០២៣។ ដោយសារតែការធ្វើតេស្តគឺជាការចាំបាច់ត្រូវធ្វើ ដោយមិនគិតថា មាតាបិតា ឬអាណាព្យាបាលរបស់សិស្សទំនេរឬអត់នៅពេលធ្វើតេស្ត គេតម្រូវឲ្យមានការយល់ព្រមសម្រាប់ការធ្វើតេស្តសិស្សទាំងអស់។ ការធ្វើតេស្តនេះនឹងផ្តល់ឱ្យសិស្សដោយមិនគិតថ្លៃដល់សិស្ស ឬក្រុមគ្រួសាររបស់ពួកគេ។
ការពន្យល់អំពីការធ្វើតេស្ត
វិធីធ្វើតេស្តគឺតាមការ ត្បាររន្ធច្រមុះទាំងពីរយ៉ាងរហ័ស ជាមួយសំឡី។ ធ្វើតាមភាពរហ័សរហួន និងមិនឈឺទាល់តែសោះ។ (មិនមែនជាការត្បារដោយរុកសំឡីចូលជ្រៅទៅក្នុងផ្នែកខាងក្រោយនៃច្រមុះដែលមនុស្សមួយចំនួនមានអារម្មណ៍ថាមានភាពមិនស្រណុកក្នុងខ្លួននោះទេ។) វិធីធ្វើតេស្តនេះធ្វើឡើងតាមការស៊កសំឡីតូចមួយ ដូចជា Q-tip ទៅក្នុងផ្នែកខាងមុខនៃរន្ធច្រមុះទាំងពីរ។ ទទួលលទ្ធផលក្នុងរយៈពេល ១៥ នាទី។ ការធ្វើតេស្តនេះធ្វើឡើងដោយគិលានុបដ្ឋាយិកាសាលាដែលមានសញ្ញាប័ត្រ ឬដៃគូរបស់ក្រសួងអប់រំដែលមានជំនាញក្នុងការធ្វើតេស្ត។ ប្រភេទនៃតេស្តដែលគេប្រើ រួមមាន ប៉ុន្តែមិនកំណត់តែប៉ុណ្ណឹងទេ ការធ្វើតេស្ត ខូវីដ-១៩ តាមវិធី Abbott’s BinaxNOW COVID-19 Rapid Antigen Test។ ការធ្វើតេស្តតាមវិធី Molecular (PCR) ប្រហែលជាត្រូវបានគេកំណត់ ហើយប្រើតាមការចាំបាច់។
គេនឹងជូនដំណឹងទៅ មាតាបិតា/អាណាព្យាបាល ដែលមានឈ្មោះនៅក្នុងលិខិតយល់ព្រមនេះ នៅថ្ងៃដែលកូនរបស់គាត់ធ្វើតេស្ត។ លទ្ធផលទាំងអស់នឹងត្រូវទំនាក់ទំនងទៅ មាតាបិតា/អាណាព្យាបាល របស់សិស្ស។
ការណែនាំអំពីការធ្វើតេស្ត
● ការធ្វើតេស្តអ្នកដែលមានរោគសញ្ញា៖ សូមរំលឹកថា ជាមាតាបិតា/អាណាព្យាបាល លោកអ្នកនឹងត្រូវគេតម្រូវឲ្យវាយតម្លៃកូនរបស់លោកអ្នកសម្រាប់អាការៈ ខូវីដ-១៩ រៀងរាល់ព្រឹក មុនពេលចេញពីផ្ទះមកកាន់សាលា ហើយទុកកូននៅផ្ទះ ប្រសិនបើកូនលោកអ្នកមិនជាប់ ការពិនិត្យសុខភាពមុនពេលចូលក្នុងអាគារ (pre-entry health screening) រាល់ព្រឹក។ ប្រសិនបើកូនលោកអ្នកជាប់ការពិនិត្យសុខភាពនៅផ្ទះ ហើយមកដល់សាលាដោយមានសុខភាពល្អ ប៉ុន្តែចាប់ផ្ដើមមានរោគសញ្ញាឈឺថ្កាត់ដែលទាក់ទងនឹងការឆ្លងជម្ងឺ
ខូវីដ-១៩ ក្នុងអំឡុងពេលសិក្សា គេនឹងធ្វើតេស្តកូនលោកអ្នក។
ខូវីដ-១៩ ក្នុងអំឡុងពេលសិក្សា គេនឹងធ្វើតេស្តកូនលោកអ្នក។
រោគសញ្ញា រួមមាន៖ គ្រុនក្តៅ ដែលមានកំដៅ 100.4℉ ឡើងទៅ ឈឺសាច់ដុំ ឬរាងកាយ ឈឺក្បាល ឈឺបំពង់ក តឹង ច្រមុះ ហៀរសំបោរ អស់កម្លាំង ចង្អោរ ឬក្អួត រាគ ក្អកថ្មី ឬក្អកជាប់រហូត បាត់បង់រសជាតិ ឬក្លិនថ្មី ដកដង្ហើមផុតៗ ឬពិបាកដកដង្ហើម
● ការធ្វើតេស្តរោគវិនិច្ឆ័យអំឡុងពេលកើតមានច្រើន៖ ប្រសិនបើកូនរបស់លោកអ្នកនៅក្នុងក្រុម (ឧទាហរណ៍ ថ្នាក់រៀន ក្រុមកីឡា ឬសកម្មភាពក្រៅកម្មវិធីសិក្សា) នៃសិស្សដែលវិជ្ជមាន ខូវីដ-១៩ ច្រើននាក់នៅក្នុងក្រុម នោះកូនរបស់លោកអ្នកនឹងត្រូវបានគេធ្វើតេស្តរក ខូវីដ-១៩។
បើមានសំណួរអ្វី សូមទាក់ទងគិលានុដ្ឋាកនៅសាលារបស់លោកអ្នក។
