Правилник на клубот:
Со запишувањето, секој член се обврзува да ги почитува правилата за однесување во клубот. Овие правила ја сочинуваат основата која е неопходна за квалитетно учење на аикидо. (http://henbo.com.mk/images/stories/downloads/Pristapnica.pdf - втора страница)

Осигурување:
Членот, доколку сака, самиот може да си обезбеди осигурување. Аикидо клубот Хенбо не може да преземе одговорност за несреќите кои можат да изненадат на часовите по аикидо. Исто така, целосно се оградува од одговорноста за исчезнување на вредни предмети од соблекувалните.

Неработен период и одмори:
Часовите кои ќе се совпаднат со денови кои се официјални празници, нема да се одржуваат. Од ова правило може да има исклучоци доколку непосредно пред празникот поинаку се одлучи и договори. Месеците јули и август се начелно определени за вежбање надвор од сала.

Исклучување:
Учителот во клубот има дискрециско право да исклучи некого поради непочитување на правилата за однесување во клубот или поради други причини.

Членарина:
Месечната членарина треба да се плати пред или на почетокот на месецот за кој се однесува. Месеците се сметаат календарски. Членот нема право на повраток на дел од месечната членарина доколку испушти еден или повеќе тренинзи во месецот.
Во Аикидо  клубот Хенбо се изучува аикидо кое е соодветно на стандардите поставени од Светскиот центар за Аикидо во Јапонија, според методологијата  утврдена  од  шиханот  Масатоми  Икеда.  Клубот  е  членка  на  Македонската  Аикидо Федерација – Аикикаи Македонија. Секој член мора да има важечка членска книшка од федерацијата и да ја подмирува  годишната членарина (10 евра) кон неа.

Пријавениот изјавува дека добро ги проучил горенаведените услови и ги прифаќа без исклучок.