Otsemeakeko kideok azken boladan ematen ari diren eraso anitzen jakitun izan gara. Neska* gazteon aurkako erasoak JAI eta GAU eremuan areagotzen ari direlarik. Harreman eredu sanoen alde apustu egiten dugu, jaiak, plazak eta gauak gureak ere direlako eta GOZATU NAHI DITUGULAKO. Horregatik, behar beharrezkoa ikusi dugu erasoak lau haizetara zabalduko dituen "Entzun Gaitzatela" tresna martxan jartzea.


>> Zer da Entzun Gaitzatela?
Ikusezin geratzen ari diren edozein eraso publiko egiteko tresna ANONIMOA da.

>> Publiko egitearekin zer esan nahi dugu?
Gure sare sozialak eta espazio publikoa erabiliko ditugula eraso hauen berri emateko kartel eta argitalpenen bidez.

>> Anonimoa dela esateak zer esan nahi du?
Inkesta honi erantzunez ez dela zure nortasuna inon gordeta geratuko. Bakoitzaren eskuetan dago kontatu nahi duen horren muga. Horregatik ere, erantzunak ez dira nahitaezkoak, norberak erabakitzen du zein erantzun eta zein ez.

>> Entzun Gaitzatela gure arteko babesa sendotzeko eta saretzeko erabili nahi dugu ere. Beraz, edozein eratako laguntzarik behar baduzu bidaliguzu mezu bat gure sare sozialetara edo helbide elektroniko honetara: otsemeak@gmail.com. Zurekin harremanetan jarriko gara ahal bezain laster.


ERASOTZEN GAITUZTEN BAKOITZEAN, ENTZUN GAITZATELA!