Orioko zaintza-ekosistema garatzen ari garela-eta, proposamen batekin gatoz zuengana: gonbidatu nahi zaituztegu elkarrekin herriko zaintza eredua aztertzera herri komunitateko eragile bezala. Horretarako, maiatzaren 30an 17:30etan Emagin elkartekoek gidatutako saioa izango da Saregilen. 

Orion zaintza-ekosistema eraikitzearen helburu nagusia hauxe da: gaur egungo arreta-eredua birformulatzea, pertsona ardatz duen ikuspegitik. Eredu horrek zaintza behar duten pertsonen bizi-kalitatea bilatzen du; horien beharretatik eta lehentasunetatik abiatzen da. Horretarako, funtsezkoa da herri eragileak inplikatzea eta horren inguruan hausnartzea eta elkar koordinatzea.

Zuen lana eta parte-hartzea funtsezkoa da eredu hori garatzeko, eta horregatik antolatu dugu topaketa hau, zuen beharrak, kezkak eta gogoetak jasotzeko. Mezu honen bidez, topagune horretan parte hartzera gonbidatzen zaituztegu.

GONBIDATUTA ZAUDETE!