📢Բռնության կանխարգելման և գենդերային հավասարության հարցերում տղամարդկանց ներգրավվման 3-օրյա անվճար դասընթացը նախատեսված է ՀՀ մարզերում և Երևանում բնակվող 18-27 տարեկան տղամարդկանց համար։
👥Մենք փնտրում ենք լսելու և լսելի լինելու ցանկություն ունեցող մոտիվացված երիտասարդների։
⚖️Եթե ուզում եք ձեր ներդրումն ունենալ Հայաստանում գենդերային հավասարության խթանման և բռնության կանխարգելման հարցերում, ավելի լավ պատկերացում կազմել առնականության սահմանափակող նորմերի, գենդերային դերերի, կարծրատիպերի և պատասխանատու հայրության մասին, ինչպես նաև այս ուղղությամբ մշակել և իրականացնել սեփական նախաձեռնություններ, ապա դիմեք մասնակցելու այս դասընթացին։
🗓️Դասընթացի օրերը՝ 9-11 մայիս, 2025
📍Դասընթացի անցկացման վայրը՝ Աղվերան
Դասընթացը ներառում է թեմաներ ինչպիսիք են՝ տղամարդկանց առողջությունն ու առնականությունը, կանանց նկատմամբ բռնությունը (ֆիզիկական, սեռական և հոգեբանական), գենդերային հավասարությունը և գենդերային դերերը։ Դասընթացները կիրականացվեն ոչ ֆորմալ կրթության մեթոդաբանությամբ։
Մասնակցության հետ կապված բոլոր ծախսերը՝ այդ թվում տրանսպորտի, կացության և սննդի, հոգում է «Հայ առաջադեմ երիտասարդություն» հասարակական կազմակերպությունը։
🎯Դասընթացի նպատակներն են՝
📌առնականության և գենդերային նորմերի վերաբերյալ երիտասարդ տղամարդկանց իրազեկվածության բարձրացում։
📌երիտասարդ տղամարդկանց շրջանում առնականության նորմերի և գենդերային հավասարության վերաբերյալ քննարկումների խթանում։
📌բռնության կանխարգելման և հավասարության խթանման հարցերում երիտասարդ տղամարդկանց մասնակցության բարձրացում։
Ծրագրի ավարտից հետո մասնակիցներին կտրամադրվի ֆինանսական աջակցություն իրենց փոքր և կարճաժամկետ նախաձեռնություններն իրականացնելու համար։
Նախաձեռնությունները կարող են ներառել՝
✅իրազեկման արշավներ,
✅արվեստի կամ մեդիա նախագծեր,
✅համայնքային ներգրավման նախաձեռնություններ,
✅ուսուցողական ծրագրեր և այլն։
Եկե՛ք միասին փոխենք առնականության մասին կարծրացած պատկերացումները, կանխարգելենք բռնությունը և նպաստենք ավելի հավասար հասարակության ձևավորմանը։
📝Դիմելու համար լրացրեք սույն դիմում-հայտը։
⏰Դիմելու վերջնաժամկետն է ս․թ․ ապրիլի 18-ը։
***
🤝Դասընթացն իրականացվում է «Հայ առաջադեմ երիտասարդություն» ՀԿ կողմից «Վերաիմաստավորելով առնականությունը․ աշխատանք տղամարդկանց հետ Արևելյան Եվրոպայում և Հարավային Կովկասում» ծրագրի շրջանակներում։ 5-ամյա ծրագրի նպատակն է՝ ներգրավել տղամարդկանց և տղաներին՝ հանուն գենդերային հավասարության և ընդդեմ բռնության։ Ծրագիրն իրականացվում է շվեդական MÄN քաղաքացիական հասարակության կազմակերպության կողմից՝ համագործակցելով Հայաստանի, Վրաստանի, Մոլդովայի և Բելառուսի քաղաքացիական հասարակության կազմակերպությունների հետ: Ծրագիրը ֆինանսավորվում է Շվեդիայի միջազգային զարգացման համագործակցության գործակալության (Sida) կողմից:
