2021 - Haust - Inngangur að lögfræði

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/1/prof/765 .

1. Þingræðisreglan felur í sér að...

1 point

a) Meirihluti þingmanna getur fellt ríkisstjórn með því að lýsa yfir vantrausti.

b) Það er ákvörðun þingsins hversu mörg ráðuneytin skuli vera.

c) Frumvörp til laga skulu rædd við þrjár umræður á Alþingi.

d) Þingið ræður sjálft hvenær á kjörtímabilinu skuli gengið til kosninga.

*) ATH: Rétt svar hefur ekki verið skráð við þessa spurningu

Clear selection

2. Hver eftirfarandi fullyrðinga er rétt?:

1 point

a) Landsdómur hefur aldrei komið saman.

b) Dómstigin í landinu eru þrjú, þ.e. héraðsdómstólar, Landsréttur og Hæstiréttur.

c) Dómsmálaráðuneytið er sérstök eftirlitsstofnun á vegum þingsins.

d) Ráðherrar eru ávallt jafnframt þingmenn.

*) ATH: Rétt svar hefur ekki verið skráð við þessa spurningu

Clear selection

3. Hver eftirfarandi ályktana um 2. gr. stjórnarskrárinnar verður dregin af dómi Hrd. frá 25. febrúar 2016 (mál nr. 628/2015) (Endurupptökunefnd)?:

1 point

a) Löggjafinn getur ekki falið ráðherra að skipa dómara við Hæstarétt Íslands.

b) Dómstólar geta ekki fellt fyrri dóma Hæstaréttar Íslands úr gildi.

c) Ráðherra getur ekki falið dómstólum að skera úr álitaefnum um stjórnskipulegt gildi laga.

d) Löggjafinn getur ekki falið stjórnsýslunefnd það verkefni að fella dóma úr gildi.

*) ATH: Rétt svar hefur ekki verið skráð við þessa spurningu

Clear selection

4. Hver eftirfarandi fullyrðinga er rétt?:

1 point

a) Forseti Alþingis og ráðherrar skipa ríkisráð. Forseti Alþingis stýrir fundum ráðsins.

b) Ráðherrar geta aðeins lagt fram frumvörp til laga á Alþingi séu þeir jafnframt þingmenn.

c) Á Alþingi eiga sæti 63 þjóðkjörnir þingmenn.

d) Framkvæmdarvaldið hefur ýmsar aðferðir til þess að hafa eftirlit með störfum þingsins, svo sem með fyrirspurnum, rannsóknarnefndum og með aðstoð umboðsmanns Alþingis.

*) ATH: Rétt svar hefur ekki verið skráð við þessa spurningu

Clear selection

5. Hver eftirfarandi fullyrðinga er rétt?:

1 point

a) Núgildandi stjórnarskrá nr. 33/1944 er óbreytt frá stjórnarskránni um hin sérstöku málefni Íslands frá 1874 að öðru leyti en því að í gildandi stjórnarskrá hefur forseti tekið við hlutverki konungs.

b) Félagafrelsisákvæði stjórnarskrárinnar verndar aðeins réttinn til þess að ganga í félög en ekki réttinn til þess að standa utan félaga.

c) Samkvæmt stjórnarskránni má aldrei setja tjáningarfrelsinu skorður.

d) Ákvæði um vernd mannréttinda hafa verið í íslenskum stjórnarskrám allt frá stjórnarskránni um hin sérstaklegu málefni Íslands frá árinu 1874.

*) ATH: Rétt svar hefur ekki verið skráð við þessa spurningu

Clear selection

6. Í hlutverki forseta Íslands sem annars handhafa löggjafarvalds felst að...

1 point

a) Hann skipar embættismenn, svo sem biskup Íslands.

b) Hann getur synjað lagafrumvörpum undirritunar og sent þau þannig til Alþingis til nýrrar meðferðar.

c) Hann staðfestir lagafrumvörp eftir að þau hafa hlotið samþykki Alþingis.

d) Hann hefur úrslitaatkvæði um samþykkt laga ef atkvæði falla jöfn á þingi.

*) ATH: Rétt svar hefur ekki verið skráð við þessa spurningu

Clear selection

7. Ein af eftirfarandi fullyrðingum um gildissvið stjórnsýslulaga nr. 37/1993 er rétt:

1 point

a) Stjórnsýslulögin gilda þegar stjórnvöld, þ.á m. stjórnsýslunefndir, taka ákvörðun um rétt eða skyldu manna.

b) Ákvarðanir um „rétt eða skyldu manna“ skv. 2. mgr. 1. gr. stjórnsýslulaga nefnast reglugerðir.

c) Starfsemi dómstóla fellur undir stjórnsýslulög en þó aðeins ef þeim hefur verið falið vald með lögum til að taka ákvarðanir um rétt eða skyldu manna.

d) Stjórnsýslulögin gilda um allar ákvarðanir einkaaðila.

*) ATH: Rétt svar hefur ekki verið skráð við þessa spurningu

Clear selection

8. Ein af eftirtöldum fullyrðingum er röng:

1 point

a) Jafnræðisreglan er ein af grundvallarreglum stjórnsýsluréttar.

b) Jafnræðisregla 11. gr. stjórnsýslulaga nr. 37/1993 gildir einnig þegar ráðherra setur almenn stjórnvaldsfyrirmæli.

c) Á jafnræðisregluna reyndi í [i]UA frá 16. mars 2000 (2512/1998) (reynslulausn erlendra afplánunarfanga)[/i].

d) Í 2. mgr. 11. gr. stjórnsýslulaga nr. 37/1993 eru rakin dæmi um sjónarmið sem almennt má ekki leggja til grundvallar við úrlausn mála.

*) ATH: Rétt svar hefur ekki verið skráð við þessa spurningu

Clear selection

9. Heimildarregla lögmætisreglunnar kveður á um:

1 point

a) Að stjórnvald megi ekki taka ákvörðun sem fer í bága við lög.

b) Að stjórnvald megi ekki taka ákvörðun þegar mál er til umfjöllunar hjá dómstólum.

c) Að einstaklingur verði að hafa heimild fyrir athöfnum sínum gagnvart stjórnvöldum.

d) Að ákvarðanir stjórnvalda verði að eiga stoð í lögum.

*) ATH: Rétt svar hefur ekki verið skráð við þessa spurningu

Clear selection

10. Hver eftirtalinna fullyrðinga er rétt?:

1 point

a) Í [i]áliti UA frá 7. júlí 2009 (5718/2009) (einelti)[/i] komst settur umboðsmaður að þeirri niðurstöðu að það gæti hvílt skylda á ráðherrum til að bregðast við á grundvelli yfirstjórnunar- og eftirlitsheimilda sinna í ákveðnum tilfellum.

b) Í [i]áliti UA frá 13. júlí 2011 (6073/2010) (greiðsluþátttaka lyfs)[/i] komst umboðsmaður Alþingis að þeirri niðurstöðu að álit Taugalæknafélags Íslands og Geðlæknafélagsins hefðu ekki verið ný gögn í máli félagsins X. Því hefði lyfjagreiðslunefnd ekki borið að gefa félaginu kost á því að koma andmælum sínum á framfæri, sbr. andmælareglu 13. gr. stjórnsýslulaga nr. 37/1993.

c) Í [i]Hrd. 12. mars 2009 (353/2008) (hæli)[/i] komst Hæstiréttur að þeirri niðurstöðu að hlutlægnisregla laga nr. 88/2008, um meðferð sakamála, hefði verið brotin.

d) Í [i]áliti UA frá 17. desember 2010 (6010/2010) (stjórnsýsluviðurlög)[/i] komst umboðsmaður Alþingis að þeirri niðurstöðu að reglur Landsbókasafns Íslands-Háskólabókasafns brytu í bága við lagaáskilnaðarreglu 1. mgr. 69. gr. stjórnarskrárinnar.

*) ATH: Rétt svar hefur ekki verið skráð við þessa spurningu

Clear selection

11. Hver eftirtalinna meginreglna á ekki við um meðferð stjórnsýslumála?:

1 point

a) Rannsóknarreglan.

b) Málshraðareglan.

c) Útilokunarreglan.

d) Andmælareglan.

Clear selection

12. Í Hrd. 18. september 2008 í máli nr. 430/2007 (hjúkrunarfræðingur á geðsviði):

1 point

a) Komst Hæstiréttur að þeirri niðurstöðu að áminning opinbers starfsmanns, sbr. 21. gr. laga nr. 70/1996 um réttindi og skyldur starfsmanna ríkisins, væri stjórnvaldsákvörðun.

b) Leit Hæstiréttur til þess hvaða þýðingu umrædd ákvörðun um að flytja hjúkrunarfræðinginn á milli deilda hafði fyrir hann og komst að þeirri niðurstöðu að um stjórnvaldsákvörðun hefði verið að ræða í skilningi 2. mgr. 1. gr. stjórnsýslulaga nr. 37/1993.

c) Komst Hæstiréttur að þeirri niðurstöðu að launalækkun hjúkrunarfræðings teldist ekki vera stjórnvaldsákvörðun.

d) Komst Hæstiréttur að þeirri niðurstöðu að ákvörðun um að flytja hjúkrunarfræðing yfir í starf launafulltrúa teldist vera stjórnvaldsákvörðun.

*) ATH: Rétt svar hefur ekki verið skráð við þessa spurningu

Clear selection

13. Taktu afstöðu til þess hver eftirtalinna fullyrðinga er röng:

1 point

a) Skaðabótaréttur fjallar um skaðabætur innan samninga.

b) Skaðabótaréttur er það réttarsvið sem fjallar um réttindi til skaðabóta og skaðabótakrafa er alltaf peningakrafa.

c) Skaðabótaréttur er ein af megingreinum fjármunaréttar, þar sem fjárhagsleg eða efnahagsleg gæði af einhverju taki eru meginviðfangsefnið, og skaðabótakrafa er alltaf peningakrafa.

d) Réttarsamband tjónvalds og tjónþola stofnast fyrst þegar tjónsatvik verður, án nokkurs samningssambands.

*) ATH: Rétt svar hefur ekki verið skráð við þessa spurningu

Clear selection

14. Taktu afstöðu til þess hver eftirtalinn fullyrðinga um frumskilyrði skaðabótaábyrgðar er röng:

1 point

a) Frumskilyrði skaðabótaábyrgðar eru þrjú talsins og þau þurfa alltaf að vera fyrir hendi til þess að skaðabótaábyrgð geti komið til álita.

b) Skaðabótaábyrgð kemur ekki til álita nema tjónvaldur og tjónþoli séu sami aðilinn.

c) Háttsemi sem veldur tjóni þarf að vera ólögmæt til þess að skaðabótaábyrgð geti komið til álita.

d) Það er meginregla í skaðabótarétti að athafnaleysi sé ekki skaðabótaskylt en reglan á aðeins við um eiginlegt athafnaleysi.

*) ATH: Rétt svar hefur ekki verið skráð við þessa spurningu

Clear selection

15. Hver eftirtalinna skilgreininga á kjarna sakarreglunnar er rétt?:

1 point

a) Maður ber skaðabótaábyrgð á tjóni, sem hann verður fyrir með saknæmum og ólögmætum hætti, enda sé tjónið sennileg afleiðing af hegðun hans og raskar hagsmunum, sem verndaðir eru með skaðabótareglum.

b) Maður ber skaðabótaábyrgð á tjóni, sem hann veldur með saknæmum og ólögmætum hætti, enda sé tjónið sennileg afleiðing af hegðun hans og raskar hagsmunum, sem verndaðir eru með skaðabótareglum.

c) Maður ber skaðabótaábyrgð á tjóni, sem hann veldur með saknæmum og ólögmætum hætti, enda sé tjónið sennileg afleiðing af hegðun hans og varðar ekki hagsmuni, sem verndaðir eru með skaðabótareglum.

d) Maður ber skaðabótaábyrgð á tjóni, sem hann veldur af ásetningi og gáleysi, enda sé tjónið sennileg afleiðing af hegðun hans og raskar hagsmunum, sem verndaðir eru með skaðabótareglum.

*) ATH: Rétt svar hefur ekki verið skráð við þessa spurningu

Clear selection

16. Mat á sök/saknæmi skiptir ekki máli:

1 point

a) Við beitingu reglunnar um vinnuveitandaábyrgð.

b) Við beitingu sakarlíkindareglna.

c) Við mat á því hvort skilyrði hlutlægra bótareglna eru fyrir hendi.

d) Við beitingu reglna um skaðabótaábyrgð barna.

Clear selection

17. Taktu afstöðu til þess hver eftirtalinna fullyrðinga er röng:

1 point

a) Orsakatengsl þurfa að vera á milli hinnar saknæmu og ólögmætu háttsemi (eða þeirrar háttsemi sem hlutlæg ábyrgðarregla tekur til) og þess tjóns sem verður.

b) Orsök þarf ekki að vera eina orsök tjóns og jafnan nægir að hún sé meðorsök.

c) Hagsmunir þriðja manns njóta fortakslausrar verndar skaðabótareglna, t.d. óbeint tjón þriðja manns.

d) Reglan um meðábyrgð tjónþola kveður á um að tjónþoli skuli bera tjón sitt í réttu hlutfalli við þann þátt sem hann á í því að það varð og tjónþoli sem er meðábyrgur að tjóni sínu getur ekki vænst þess að fá fullar bætur úr hendi tjónvalds.

*) ATH: Rétt svar hefur ekki verið skráð við þessa spurningu

Clear selection

18. Taktu afstöðu til þess hver eftirtalinna fullyrðinga er rétt:

1 point

a) Bætur fyrir annað fjártjón falla til frá tjónsatviki fram að batahvörfum.

b) Þjáningabætur falla venjulega til frá tjónsatviki og fram að batahvörfum en bótarétturinn er ekki takmarkaður við það tímabil.

c) Bætur fyrir tímabundið atvinnutjón falla til frá tjónsatviki og fram að því að tjónþoli hefur störf að nýju eða þegar batahvörfum er náð.

d) Bætur fyrir sjúkrakostnað falla til frá tjónsatviki fram að batahvörfum.

*) ATH: Rétt svar hefur ekki verið skráð við þessa spurningu

Clear selection

19. Taktu afstöðu til þess hver eftirtalinna fullyrðinga er röng:

1 point

a) Eignarréttur merkir meðal annars þær réttarreglur sem fjalla um eignir.

b) Eignarréttur merkir meðal annars ákveðin réttindi, þ.e. þær heimildir sem réttarreglur veita eigandanum, og eignarréttindi hafa almennt fjárhagslegt gildi og aðilaskipti geta orðið að þeim.

c) Eignaréttur er meðal annars heiti á þeirri fræðigrein sem fjallar um eignarréttindi.

d) Hugtakið eignarréttur í merkingu eignarréttarákvæðis 1. mgr. 72. gr. stjórnarskrárinnar er afstætt og þrengra en sama hugtak í hefðbundinni merkingu fræðigreinarinnar eignarréttar.

*) ATH: Rétt svar hefur ekki verið skráð við þessa spurningu

Clear selection

20. Taktu afstöðu til þess hver eftirtalinna fullyrðinga er rétt:

1 point

a) Með neikvæðri skilgreiningu eignarréttar er átt við einkarétt ákveðins aðila, eigandans, til þess að ráða yfir tilteknu verðmæti, innan þeirra marka sem þessum rétti eru sett í lögum og af beinum eignarrétti annarra manna sem stofnað hefur verið til yfir verðmætinu.

b) Þegar stuðst er við neikvæða skilgreiningu á eignarrétti er tiltekið með tæmandi hætti hvað felist í tilteknum heimildum eignarréttar.

c) Neikvæð skilgreining eignarréttar tilgreinir ekki nákvæmlega hvaða heimildir eigandinn hefur yfir verðmætinu, heldur er lagt til grundvallar að eigandinn njóti allra heimilda nema þeirra sem eru með beinum hætti undanskildar eignarráðum hans, hvort heldur er með lögum eða samningi.

d) Þegar lög styðjast við jákvæða skilgreiningu á eignarrétti er byggt á því að á bak við eignarrétt búi heimildir til hvers konar nýtingar og ráðstafana nema sérstakar takmarkanir séu á því gerðar.

*) ATH: Rétt svar hefur ekki verið skráð við þessa spurningu

Clear selection

21. Taktu afstöðu til þess hver eftirtalinna fullyrðinga er röng:

1 point

a) Takmarkaður (óbeinn) eignarréttur nefnist það þegar eignarráð yfir tilteknu verðmæti eru á hendi a.m.k. eins aðila (eigandans) sem hefur yfir að ráða ákveðinni tegund heimildar.

b) Venjulega er gengið út frá því að takmarkaður (óbeinn) eignarréttur sé yngri en sá beini og að til hans geti aðeins stofnast í skjóli beina eignarréttarins.

c) Með beinum eignarrétti er átt við rétt eiginlegs eiganda eignar sem fer með heimild til að hagnýta og ráðstafa eign sinni með þeim takmörkunum sem leiðir af ákvæðum laga og takmörkuðum (óbeinum) eignarréttindum annarra.

d) Aðgreining í beinan og óbeinan eignarrétt byggist fyrst og fremst á ólíkum heimildum sem felast í eignarréttinum.

*) ATH: Rétt svar hefur ekki verið skráð við þessa spurningu

Clear selection

22. Taktu afstöðu til þess hver eftirtalinna fullyrðinga er rétt:

1 point

a) Með sjálfstæðri stofnun eignarréttinda er átt við þegar eignarréttindi stofnast í skjóli eldri réttar, t.d. fyrir afsalsgerning.

b) Með afleiddri stofnun eignarréttar er átt við þegar til eignarréttinda stofnast óháð fyrri eignarrétti fyrir frumstofnun eða útrýmandi stofnun.

c) Frumstofnun eignarréttar yfir fasteignum á sér stað fyrir nám og enn er hægt að stofna til eignarréttar yfir fasteignum á Íslandi á þennan hátt.

d) Þegar eignarréttur stofnast fyrir útrýmandi stofnun á grundvelli hefðar stofnast ný eignarréttindi sem svara til umráðanna en eldri eignarréttindi, sem samrýmast ekki hinum nýju eignarráðum, falla niður.

*) ATH: Rétt svar hefur ekki verið skráð við þessa spurningu

Clear selection

23. Taktu afstöðu til þess hver eftirtalinna fullyrðinga er röng:

1 point

a) Forkaupsréttur er dæmi um óbein eignarréttindi og samningsbundinn forkaupsréttur bindur ekki rétthafa og eiganda eignar nema honum hafi verið þinglýst á viðkomandi eign.

b) Eigandi eignar verður að upplýsa forkaupsréttarhafann þegar hann hefur komist að samkomulagi við þriðja mann og bjóða forkaupsréttarhafanum að ganga inn í kaupin.

c) Forkaupsréttur getur verið persónubundinn eða framseljanlegur.

d) Kaupréttur er meira íþyngjandi en forkaupsréttur því hann heimilar rétthafanum að kaupa eign án tillit til þess hvort eigandi hennar hefur tekið ákvörðun um að selja hana.

*) ATH: Rétt svar hefur ekki verið skráð við þessa spurningu

Clear selection

24. Taktu afstöðu til þess hver eftirtalinna fullyrðinga er röng:

1 point

a) Ef veðhafi hefur vörslur hinnar veðsettu eignar er um að ræða sjálfsvörsluveð en handveð ef veðsali hefur vörslurnar.

b) Til samningsveðs stofnast með samningi veðsala og veðhafa en lögveð eru veð sem stofnað er til vegna beinna fyrirmæla í lögum.

c) Lög nr. 75/1997 um samningsveð standa því í vegi að veðréttur verði stofnaður í einu lagi í öllu því sem veðsali á eða eignast kann og áskilja að fjárhæð veðkröfu eða hámark þeirrar kröfu sé tilgreint í því skjali sem stofnar til veðréttarins.

d) Veðhafi hefur heimild til að taka verðmæti kröfu sinnar af peningaverði hinnar veðsettu eignar á undan öðrum kröfuhöfum veðsala ef krafan er ekki greidd á umsömdum tíma.

*) ATH: Rétt svar hefur ekki verið skráð við þessa spurningu

Clear selection

25. Stundum er álitamál hvort reglur nábýlisréttar eða skaðabótaréttar eigi við í máli. Leiðbeiningarreglan er sú að reglur skaðabótaréttarins eiga við þegar:

1 point

a) Um viðvarandi ástand er að ræða.

b) Um alvarlegt tjón er að ræða.

c) Um einstakt tilvik er að ræða.

d) Ekki er um tjón á aðliggjandi fasteignum að ræða.

*) ATH: Rétt svar hefur ekki verið skráð við þessa spurningu

Clear selection

26. Hver eftirfarandi fullyrðinga er röng?:

1 point

a) Í 1. mgr. 70. gr. stjórnarskrárinnar er að finna meginregluna um opinbera málsmeðferð.

b) Í 1. mgr. 6. gr. mannréttindasáttmála Evrópu er kveðið á um málshraðaregluna.

c) Í 1. mgr. 70. gr. stjórnarskrárinnar er mælt fyrir um meginregluna um frjálst sönnunarmat dómara.

d) Í 1. mgr. 70. gr. stjórnarskrárinnar er mælt fyrir um rétt fólks til þess að bera mál sín undir dómstóla.

*) ATH: Rétt svar hefur ekki verið skráð við þessa spurningu

Clear selection

27. Arna Arnardóttir höfðaði mál gegn Birnu Bjarkadóttur og við aðalmeðferð málsins hlustaði dómarinn Ceres Cesilsson á allar skýrslur og málflutning aðilanna. Áður en Ceres kvað upp dóm í málinu, ákvað hann að láta af störfum og hefur dómarinn Daníel Dufþaksson tekið við því. Daníel hefur lesið öll gögn málsins og horft á allar vitnaskýrslurnar á myndbandi og ætlar sér að kveða upp dóm í málinu. Hver eftirfarandi fullyrðinga er rétt?:

1 point

a) Daníel er rétt að kveða upp dóm í málinu til þess að forðast að brjóta gegn málshraðareglunni.

b) Daníel er óheimilt að kveða upp dóm vegna meginreglunnar um milliliðalausa málsmeðferð.

c) Daníel er heimilt að kveða upp dóm í málinu vegna þess að vitnaskýrslurnar eru allar til á myndbandi.

d) Daníel er óheimilt að kveða upp dóm vegna meginreglunnar um opinbera málsmeðferð.

*) ATH: Rétt svar hefur ekki verið skráð við þessa spurningu

Clear selection

28. Hver eftirfarandi fullyrðinga um aðildarskort er rétt?:

1 point

a) Aðildarskortur getur ýmist leitt til frávísunar eða sýknu.

b) Aðildarskortur leiðir til sýknu.

c) Um er að ræða aðildarskort ef stefnandi nýtur ekki þeirra eiginleika, lögum samkvæmt, að geta átt aðild að dómsmáli.

d) Aðildarskortur þýðir að um er að ræða formgalla, en ekki efnisannmarka, á málatilbúnaði.

*) ATH: Rétt svar hefur ekki verið skráð við þessa spurningu

Clear selection

29. Taktu afstöðu til þess hver eftirfarandi fullyrðinga um dómstólaskipun á Íslandi er röng:

1 point

a) Sérdómstólarnir eru þrír, þ.e. Félagsdómur, Landsdómur og Endurupptökudómur.

b) Hinir almennu dómstólar eru eingöngu héraðsdómstólar og Landsréttur.

c) Vald héraðsdómstólanna er bundið við landfræðilega afmörkuð dómaumdæmi.

d) Almennir dómstólar leysa úr öllum dómsmálum, jafnt einkamálum sem sakamálum, nema þau eigi undir sérdómstóla eða gerðardóma.

*) ATH: Rétt svar hefur ekki verið skráð við þessa spurningu

Clear selection

30. Hvaða fullyrðing um fullnusturéttarfar er röng?:

1 point

a) Ef gerðarbeiðandi fær fram kyrrsetningu eða lögbann hjá sýslumanni þarf hann að höfða mál til staðfestingar gerðinni innan viku.

b) Sá sem er dæmdur til að greiða skuld samkvæmt dómi gæti þurft að hlíta því, í kjölfar fjárnáms, að eignir hans séu seldar þvert gegn vilja hans með nauðungarsölu.

c) Þegar skuldari er tekinn til gjaldþrotaskipta þarf hann að sjá sjálfur um að koma eignum í verð og úthluta til kröfuhafa.

d) Aðfararmál eru almennt rekin á skemmri tíma en hefðbundin einkamál og þau sæta kæru, en ekki áfrýjun, til æðri dóms.

*) ATH: Rétt svar hefur ekki verið skráð við þessa spurningu

Clear selection

31. Hver af eftirfarandi reglum er ekki á meðal meginreglna sakamálaréttarfars?:

1 point

a) Málsforræðisreglan.

b) Málshraðareglan.

c) Reglan um að hver sá sem er borinn sökum um refsiverða háttsemi skal talinn saklaus þar til sekt hans hefur verið sönnuð.

d) Jafnræðisreglan.

*) ATH: Rétt svar hefur ekki verið skráð við þessa spurningu

Clear selection

32. Merkið við rétta fullyrðingu. Í Hrd. 1997, bls. 3510 (teppadómur):

1 point

a) Gat seljandi teppis ekki borið fyrir sig ákvæði heimlánsseðils.

b) Gat einstaklingur hafnað því að þurfa að sæta ákvæði heimlánsseðils.

c) Þurfti einstaklingur að sæta því að teljast bundinn við ákvæði heimlánsseðils.

d) Þurfti einstaklingur ekki að sæta því að umboðsmaður hans hefði skuldbundið hann með undirritun á skjal verslunar.

*) ATH: Rétt svar hefur ekki verið skráð við þessa spurningu

Clear selection

33. Merkið við rétta fullyrðingu.

1 point

a) Dómstólar hafa vald til að ógilda ósanngjarna samninga, en einungis ef þeir teljast ekki andstæðir góðri viðskiptavenju.

b) Meginreglan um skuldbindingargildi samninga kemur alfarið í veg fyrir að dómstólar geti ógilt samninga.

c) Samkvæmt meginreglunni um samningsfrelsið geta menn að meginstefnu valið sér viðsemjanda.

d) Lög nr. 7/1936 um samningsgerð, umboð og ógilda löggerninga mæla með tæmandi hætti fyrir um ógildingarreglur íslensks samningaréttar.

*) ATH: Rétt svar hefur ekki verið skráð við þessa spurningu

Clear selection

34. Merkið við rétta fullyrðingu.

1 point

a) Formfrelsi samninga er algjört á Íslandi.

b) Samningur telst ávallt gildur þótt hann sé ekki gerður skriflegum hætti.

c) Umboð þarf ávallt að vera skriflegt.

d) Lög mæla fyrir um viss frávik frá meginreglunni um formfrelsi.

*) ATH: Rétt svar hefur ekki verið skráð við þessa spurningu

Clear selection

35. Merkið við rétta fullyrðingu.

1 point

a) Eindagi og lausnardagur falla ávallt saman í kröfurétti.

b) Hugtökin greiðslustaður og greiðslutími tengjast réttum efndum í kröfurétti.

c) Force majeure (vis major) aðstæður á gjalddaga færa lausnardag fram í tíma.

d) Efndir in natura teljast sjaldnast vanefnd.

*) ATH: Rétt svar hefur ekki verið skráð við þessa spurningu

Clear selection

36. Merkið við rétta fullyrðingu:

1 point

a) Krafa líður undir lok við fyrningu.

b) Haldi umboðsmaður ekki kröfu umbjóðanda til haga getur tómlæti leitt til þess að umboðsmaður glatar kröfu sinni.

c) Með tímanlegri vanlýsingu tryggir kröfuhafi rétt sinn.

d) Með síðbúinni vanlýsingu getur kröfuhafi styrkt réttarstöðu sína.

*) ATH: Rétt svar hefur ekki verið skráð við þessa spurningu

Clear selection

37. Merkið við rétta fullyrðingu. Í Hrd 1980, bls. 1415 (Litlu hjónin):

1 point

a) Gat kaupandi fasteignar borið fyrir sig ógildingarreglu úr lögum nr. 7/1936.

b) Gat kaupandi fasteignar ekki borið fyrir sig ógildingarreglu úr lögum nr. 7/1936.

c) Gat kaupandi fasteignar ekki haldið fast við ákvæði kaupsamnings um fasteign sökum misneytingar.

d) Gátu seljendur fasteignar fengið skuldarskiptum án samþykkis síns hnekkt.

*) ATH: Rétt svar hefur ekki verið skráð við þessa spurningu

Clear selection

38. Hugtakið fyrning í refsirétti felur það í sér:

1 point

a) Að ósakhæfan mann verður ávallt að sýkna af öllum sakargiftum.

b) Að réttur ríkisvaldsins til að koma fram refsingu eða öðrum viðurlögum fellur niður að ákveðnum tíma liðnum.

c) Að Alþingi ákveður að fella refsiákvæði brott úr lögum.

d) Að dómari ákveður að lækka refsingu vegna ungs aldurs.

Clear selection

39. Af meginreglu 18. gr. almennra hegningarlaga nr. 19/1940 leiðir:

1 point

a) Að óheimilt sé í öllum tilvikum að refsa manni fyrir gáleysi á grundvelli hegningarlaga.

b) Að refsiábyrgð án sakar sé sú sama í refsirétti og skaðabótarétti.

c) Að refsiábyrgð án sakar sé heimil við ákveðnar aðstæður skv. hegningarlögum.

d) Að einungis sé heimilt að refsa manni fyrir ásetningsbrot á grundvelli hegningarlaga nema refsiákvæði heimili sérstaklega að refsa manni á grundvelli gáleysis.

*) ATH: Rétt svar hefur ekki verið skráð við þessa spurningu

Clear selection

40. Samkvæmt íslenskum refsilögum:

1 point

a) Teljast þeir einir ósakhæfir sem ekki hafa náð 15 ára aldri.

b) Er ekki útilokað að refsing fyrir manndráp af ásetningi samkvæmt 211. gr. almennra hegningarlaga nr. 19/1940 sé skilorðsbundin að öllu leyti.

c) Hafa dómarar lítið sem ekkert svigrúm til að taka tillit til málsbóta við ákvörðun refsingar.

d) Verður ekki dæmd þyngri refsing en 16 ára fangelsi.

*) ATH: Rétt svar hefur ekki verið skráð við þessa spurningu

Clear selection

41. Ein eftirtalinna fullyrðinga er rétt:

1 point

a) Mat á geðrænu sakhæfi skv. 15. gr. almennra hegningarlaga nr. 19/1940 er hreint læknisfræðilegt mat.

b) Heimilt er að láta dýr sæta refsiábyrgð við ákveðnar aðstæður.

c) Opinberir starfsmenn geta sætt refsiábyrgð vegna starfa sinna.

d) Byggt er á náttúrulegu brotahugtaki í íslenskum refsirétt.

*) ATH: Rétt svar hefur ekki verið skráð við þessa spurningu

Clear selection

42. Hver eftirfarandi fullyrðinga er rétt?:

1 point

a) Refsiskilyrði tengd verknaðarlýsingu eru refsinæmi, saknæmi og ólögmæti.

b) Tegundir refsinga eru þrjár: Fangelsi, fésektir og refsikennd viðurlög.

c) Hæsta fésektin samkvæmt almenningum hegningarlögum eru 50. milljónir ísl. kr.

d) Börn yngri en 15 ára teljast ekki gerendur í skilningi refsiréttar.

*) ATH: Rétt svar hefur ekki verið skráð við þessa spurningu

Clear selection

43. Hver eftirfarandi fullyrðinga er röng?:

1 point

a) Í [i]Hrd. 1987, bls. 769 (Ríkisútvarpið)[/i] var það niðurstaða Hæstaréttar að ákærðu og samstarfsmönnum þeirra hjá Ríkisútvarpinu hefði ekki verið rétt að leggja niður vinnu en að háttsemi þeirra hefði ekki verið refsiverð.

b) Í [i]Hrd. 2000, bls. 2957 (gaffallyftari)[/i] komst Hæstiréttur að þeirri niðurstöðu að sýkna bæri ákærða fyrir brot á lögum nr. 46/1980, um aðbúnað, hollustuhætti og öryggi á vinnustöðum, enda fullnægðu viðkomandi ákvæði laganna ekki kröfum meginreglunnar um skýrleika refsiheimilda.

c) Í [i]Hrd. 1999, bls. 2327 (útafakstur við Búrfellsvirkjun)[/i] var ákærði sýknaður, enda hefði sú háttsemi hans að aka bifreið undir áhrifum áfengis verið nauðsynleg í þeim tilgangi að vernda lögmæta hagsmuni fyrir yfirvofandi hætti, þótt með því væru skertir aðrir hagsmunir, sem telja yrði að miklum mun minni.

d) Í [i]Hrd. 30. mars 2006, nr. 532/2005 (framkvæmdastjóri Fjórðungssambands Vestfirðinga)[/i] var talið að I, sem hafði orðið uppvís að fjárdrætti í starfi sínu sem framkvæmdastjóri staðbundinna landshlutasamtaka sveitarfélaga, hefði verið opinber starfsmaður í skilningi 138. gr., sbr. 141. gr. a almennra hegningarlaga nr. 19/1940.

Clear selection

44. Tveir einstaklingar mega almennt ganga í hjúskap:

1 point

a) Nema þeir séu af sama kyni.

b) Ef annar þeirra hefur náð 18 ára aldri.

c) Ef þeir uppfylla hjónavígsluskilyrði.

d) Nema þeir hafi áður verið í hjúskap.

Clear selection

45. Tveir einstaklingar í óvígðri sambúð:

1 point

a) Verða að skrá sambúð sína í þjóðskrá.

b) Verða að vera af gagnstæðu kyni.

c) Eru framfærsluskyldir hvor gagnvart öðrum ef þeir skrá sambúð sína.

d) Verða að hafa náð 18 ára aldri til að geta skráð sambúð sína í þjóðskrá.

Clear selection

46. Séreinkenni hjúskapareigna:

1 point

a) Er fyrst og fremst það, að um þær einar gildir takmarkaður ráðstöfunarréttur meðan hjúskapur varir.

b) Er það að þær koma ekki til skipta við skilnað eða andlát.

c) Er það að þær koma einungis til skipta við skilnað en ekki við andlát.

d) Er meðal annars það, að þær stofnast án þess að gera þurfi um það sérstakan kaupmála.

*) ATH: Rétt svar hefur ekki verið skráð við þessa spurningu

Clear selection

47. „Pater est“ reglan:

1 point

a) Gildir um faðernisviðurkenningar.

b) Fjallar um rétt föður til að fara með forsjá barns.

c) Gildir aldrei ef foreldrar eru í óvígðri sambúð.

d) Fjallar um faðerni.

*) ATH: Rétt svar hefur ekki verið skráð við þessa spurningu

Clear selection

48. Hver af eftirtöldum fullyrðingum um umgengnisrétt er rétt?:

1 point

a) Umgengnisrétt er aldrei unnt að knýja fram með aðför.

b) Samningur foreldra um umgengni er háður staðfestingu sýslumanns.

c) Í barnalögum eru beinar lagareglur um lágmarksumgengni.

d) Amma barns getur krafist úrskurðar um umgengni skv. ákvæðum barnalaga.

Clear selection

49. Hver af eftirtöldum fullyrðingum um erfðaskrá er rétt?:

1 point

a) Arfleifandi má gera erfðaskrá og ráðstafa eignum til maka síns.

b) Arfleifandi má gera erfðaskrá og ráðstafa öllum eignum sínum til eins af börnum sínum.

c) Sá sem á lögerfingja má aldrei ráðstafa meira en ⅓ hluta eigna sinna með erfðaskrá.

d) Erfðaskrá er ekki hægt að fella niður.

Clear selection

50. Foreldri sem fer ekki með forsjá barns síns:

1 point

a) Ræður persónulegum högum barnsins.

b) Fær alltaf forsjá við andlát forsjárforeldris.

c) Nýtur ekki umgengnisréttar ef stjúpforeldri fer með forsjá barnsins.

d) Getur höfðað forsjármál.

*) ATH: Rétt svar hefur ekki verið skráð við þessa spurningu

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms