2017 - Sjúkra - Samningaréttur

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/13/prof/208 .

1. Merkið við réttustu fullyrðinguna.

1 point

a) Í viljakenningu samningaréttar felst að löggerningar eigi að vera bindandi í þeirri mynd sem móttakandi þeirra mátti í góðri trú ætla.

b) Í viljakenningu samningaréttar felst að túlka beri löggerninga þannig að staðreyna verði vilja beggja samningsaðila og að ná verði því markmiði sem þeir báðir stefndu að (vildu báðir).

c) Í greinargerð með samningalögunum frá 1936 er það sérstaklega áréttað að ætíð skuli leggja viljakenninguna til grundvallar í íslenskum samningarétti.

d) Þótt loforð sé skuldbindandi í skilningi samningaréttar, má alltaf afturkalla það eftir að það er komið til vitundar loforðsmóttakanda.

e) Ef orðin „án skuldbindingar“ eru sett í tilkynningu skoðast hún ekki sem loforð í skilningi samningaréttar.

Clear selection

2. Merkið við réttustu fullyrðinguna. Reglan um samningsfrelsi:

1 point

a) Felur í sér frelsi um hvort samið skuli, frelsi um við hvern er samið og regluna um skuldbindingargildi samninga.

b) Er víða lögfest, m.a. í samningalögum nr. 7/1936.

c) Sætir ekki undantekningum í íslenskum rétti.

d) Felur í sér frelsi um hvort samið er, við hvern samið er og frelsi um efni samnings.

e) Hefur mjög takmarkað vægi hérlendis af því að samningar eru almennt ekki formfrjálsir á Íslandi.

Clear selection

3. Merkið við ranga fullyrðingu. Í Hrd. 20. nóvember 2014 í máli nr. 269/2014 (PWC) komst Hæstiréttur að þeirri niðurstöðu:

1 point

a) Að endurskoðandi hefði á grundvelli vinnuréttarsambands borið ríka trúnaðarskyldu gagnvart PWC.

b) Að samkeppnisbann í ráðningarsamningi endurskoðanda væri í andstöðu við 1. mgr. 37. gr. sml. nr. 7/1936, að sýkna skyldi endurskoðandann af skaðabótakröfu PWC og að PWC skyldi greiða endurskoðandanum laun í uppsagnarfresti.

c) Að endurskoðandi skyldi greiða PWC nánar tilgreindar skaðabætur vegna brots á samkeppnisbanni ráðningarsamnings.

d) Að 36. gr. sml. nr. 7/1936 ætti ekki við í málinu.

e) Að endurskoðandanum hefði ekki tekist sönnun um að samkeppnisbann færi gegn 1. mgr. 37. gr. sml. nr. 7/1936.

Clear selection

4. Merkið við réttustu fullyrðinguna.
Þegar rætt er um eiginlegan þriðjamannslöggerning er átt við:

1 point

a) Löggerning sem A, sem loforðsgjafi, og B gera sín á milli til hagsbóta fyrir C (þriðja mann) án aðkomu hans að samningi, en slíkur samningur stofnar beinan og sjálfstæðan rétt til handa C (þriðja manni).

b) Löggerning sem A, sem loforðsgjafi, og B gera sín á milli til hagsbóta fyrir C (þriðja mann) án aðkomu hans að samningi, en slíkur samningur stofnar að jafnaði ekki beinan og sjálfstæðan rétt til handa C (þriðja manni).

c) Löggerning sem er alltaf til hagsbóta fyrir þriðja mann, á grundvelli umboðsreglna.

d) Formbundinn löggerning, sem er um leið þríhliða samningur loforðsgjafa, loforðsmóttakanda og þriðja manns.

e) Þinglýsta löggerninga, þar sem sýslumaður kemur fram sem þriðji maður í samningssambandinu.

Clear selection

5. Merkið við réttustu fullyrðinguna. Ákvaðir í skilningi samningaréttar eru:

1 point

a) Þeir löggerningar, sem fyrst og fremst er ætlað að skuldbinda ákvaðarmóttakanda.

b) Þeir löggerningar, sem fyrst og fremst er ætlað að skuldbinda loforðsgjafann.

c) Þeir löggerningar, sem fyrst og fremst er ætlað að binda þann sem sendir slíka yfirlýsingu.

d) Þeir löggerningar, sem fyrst og fremst er ætlað að binda opinbera aðila og hagsmunasamtök.

e) Þeir löggerningar, sem fyrst og fremst er ætlað að skuldbinda þriðja mann.

Clear selection

6. Merkið við réttustu fullyrðinguna. Í Hrd. 1. júní 2006 í máli nr. 282/2006 (Radíó Reykjavík FM 104,5) komst Hæstiréttur að þeirri niðurstöðu:

1 point

a) Að STEF væri skylt með dómi að undirrita samning, eins og krafist hafði verið af stefnanda.

b) Að samningur STEF um höfundarréttargjöld hefði verið ósanngjarn í skilningi 36. gr. samningalaga nr. 7/1936.

c) Að samningur STEF um höfundarréttargjöld hefði verið óheiðarlegur í skilningi 33. gr. samningalaga nr. 7/1936.

d) Að STEF yrði ekki gert skylt með dómi að gera samning um höfundarréttargjöld, eins og krafist hafði verið af stefnanda.

e) Að samningur STEF um höfundarréttargjöld hefði verið munnlegur, en allt að einu fullgildur.

Clear selection

7. Merkið við réttustu fullyrðinguna. Í Hrd. 12. nóvember 2009 í máli nr. 135/2009 (Jing Zhang gegn Sigríði Jónu Jónsdóttur og Magnúsi Ásgeirssyni) var deilt um fyrirvara í kaupsamningi fasteignar. Niðurstaða Hæstaréttar var að:

1 point

a) Ekki hefði komist á bindandi kaupsamningur, þar sem óheimilt er að gera fyrirvara í samningum um kaup fasteigna.

b) Á kaupanda fasteignar hvíldi rík trúnaðarskylda, og að því hefði kaupanda borið að kanna strax hvort hún fengi lán hjá lánastofnun til samræmis við fyrirvara kaupanda.

c) Samningur um kaup á fasteign hefði ekki verið gildur, þar sem hann var munnlegur.

d) Líta yrði á fyrirvara kaupanda sem áskilnað um að kanna hvort forsendur hennar um fjármögnun gengju eftir, þannig að hún vildi endanlega skuldbinda sig.

e) Kaupendur fasteigna á Íslandi verða að vera íslenskir ríkisborgarar eða með búsetu á EES svæðinu.

Clear selection

8. Merkið við réttustu fullyrðinguna. Í Hrd. 21. júní 2011 í máli nr. 542/2010 (Álftaneslaug) var deilt um greiðslur fyrir byggingu sundlaugar og viðbyggingar við íþróttahús. Niðurstaða Hæstaréttar var:

1 point

a) Að ógilda verksamning, þar sem umsaminn verðtrygging fór í bága við ófrávíkjanlegar reglur vaxtalaga nr. 38/2001.

b) Að ógilda samninginn að hluta til á grundvelli 36. gr. samningalaga nr. 7/1936, þar sem hann var talinn fara gegn góðri viðskiptavenju.

c) Að breyta umsömdu endurgjaldi til hækkunar, á grundvelli ólögfestrar reglu samningaréttar um brostnar forsendur.

d) Að breyta umsömdu endurgjaldi til hækkunar, á grundvelli 36. gr. samningalaga nr. 7/1936.

e) Að breyta umsömdu endurgjaldi til hækkunar, á grundvelli 33. gr. samningalaga nr. 7/1936.

Clear selection

9. Merkið við ranga fullyrðingu. Staðlaðir skilmálar geta orðið hluti af samningi:

1 point

a) Ef þeir koma beinlínis fram í samningnum sjálfum.

b) Ef þeir koma fram á fylgiskjali sem báðir aðilar staðfesta.

c) Ef vísað er til þeirra í samningnum og þeir eru aðgengilegir aðilum til að kynna sér þá við samningsgerðina.

d) Ef sá sem samdi samninginn fer fram á það, enda geti aðilar eða stofnanir sem hafa það hlutverk að vernda neytendur gripið til aðgerða ef skilmálarnir eru ósanngjarnir, sbr. 36. gr. b. sml.

e) Ef venja í viðskiptum aðila leiðir til þess, en þá verður sá sem byggir á venjunni að sýna fram á tilvist hennar.

Clear selection

10. Merkið við ranga fullyrðingu:

1 point

a) Staðlaður samningur er samningur sem að öllu leyti eða að hluta er gerður til samræmis við áður gerða fyrirmynd skilmála sem ætlað er að nota á sama hátt við gerð fleiri en eins samnings um sams konar efni.

b) Það telst galli við staðlaða samningsskilmála að þeir geta verið illa samdir og taka stundum ekki nægilegt tillit til réttmætra hagsmuna einstakra viðsemjenda.

c) Til eru nokkrar tegundir staðlaðra samningsskilmála, til dæmis einhliða, tvíhliða sem og opinberir skilmálar.

d) Það er þó óhjákvæmilegt gildisskilyrði að hið staðlaða ákvæði hafi áður verið staðfest af opinberum aðila.

e) Þegar um er að ræða íþyngjandi eða ósanngjörn ákvæði í stöðluðum samningum eru yfirleitt gerðar strangari kröfur um beina vitneskju viðsemjanda um hið staðlaða ákvæði.

Clear selection

11. Merkið við réttustu fullyrðinguna. Forsenda í skilningi samningaréttar er:

1 point

a) Ákvörðunarástæða sem loforðsgjafi og umboðsmaður hans hafa rætt um sín á milli við samningsgerðina og sem þeir hafa sett sem skilyrði í endanlegan samning aðila.

b) Ákvörðunarástæða fyrir loforðsgjafa sem er gerð að stöðluðu samningsákvæði við samningsgerðina.

c) Ákvörðunarástæða fyrir loforðsgjafa, sem hefur verið tilkynnt þriðja manni sérstaklega.

d) Ákvörðunarástæða sem loforðsgjafi og umboðsmaður hans hafa rætt um sín á milli við samningsgerðina og hefur verið gerð að skilyrði til málamynda.

e) Ákvörðunarástæða fyrir loforðsgjafa, sem loforðsmóttakandi veit eða má vita að lá að baki loforði, þótt hún sé ekki gerð að skilyrði við samningsgerðina.

Clear selection

12. Merkið við réttustu fullyrðinguna. Í samningarétti gildir sú meginregla að samningar séu formfrjálsir.

1 point

a) Á þessari reglu eru engar undantekningar.

b) Þó eru munnlegir samningar aldrei jafngildir skriflegum samningum.

c) Ef um er að ræða kaup á hlut sem ætlaður er til endursölu, í viðskiptum neytanda og atvinnurekanda, verður samningur þó alltaf að vera skriflegur.

d) Á þessari reglu eru þó undantekningar, svo sem í 7. gr. laga nr. 40/2002 um fasteignakaup.

e) Á þessari reglu eru þó undantekningar, svo sem við sölu dýrra hluta eða hluta sem ætlaður er sérstaklega langur endingartími.

Clear selection

13. Merkið við ranga fullyrðingu. Í Hrd. 5. mars 2009 í máli nr. 392/2008 (sala veiðiheimilda / Þórsberg ehf. gegn Skarfakletti):

1 point

a) Reyndi á greinarmuninn á umboði og umsýslu.

b) Var því hafnað að Kvóta- og skipasalan ehf. (K) hefði einungis komið fram sem umboðsmaður seljandans Skarfakletts ehf. (S) í viðskiptum við kaupandann Þórsberg ehf. (Þ) með veiðiheimildir, þar sem slíkt varð ekki ótvírætt ráðið af tilboði.

c) Var K talinn hafa komið fram sem umboðsmaður seljandans S í viðskiptunum við kaupandann Þ og gat seljandinn S því réttilega sótt greiðslu úr hendi kaupandans Þ vegna eftirstöðva kaupverðs.

d) Var K talinn hafa haft stöðu umsýslumanns í viðskiptunum við kaupandann Þ og gat seljandinn S því ekki sótt greiðslu úr hendi kaupandans Þ vegna eftirstöðva kaupverðs.

e) Var kaupandinn Þ sýknaður af kröfu seljandans S.

Clear selection

14. Merkið við réttustu fullyrðinguna.

1 point

a) Málamyndagerningur hefur aldrei skuldbindingargildi eftir efni sínu.

b) Ef aðili veitir gagnaðila rangar upplýsingar við samningsgerð er sá samningur ávallt ógildanlegur.

c) Ef aðili beitir gagnaðila nauðung við samningsgerð er sá samningur ávallt ógildanlegur.

d) Löggerningur sem er falsaður getur skuldbundið loforðsgjafa, m.a. á grundvelli eftirfarandi samþykkis.

e) Löggerningur sem er kominn á fyrir svik er aldrei skuldbindandi fyrir loforðsgjafa.

Clear selection

15. Merkið við rangt svar. Í ógildingarreglu samningaréttar um að samningar megi ekki fara gegn góðu siðferði, felst að:

1 point

a) Loforð verða að samrýmast almennu velsæmi.

b) Ef annar aðili samnings sem er andstæður góðu siðferði hefur efnt hann, getur hann knúið hinn til að gera slíkt hið sama.

c) Undir ógildingarregluna falla samningar um vændi.

d) Undir ógildingarregluna falla samningar um kaup á líffærum úr lifandi fólki.

e) Samningar um kaup á eiturlyfjum eru taldir andstæðir góðu siðferði.

Clear selection

16. Merkið við réttustu fullyrðinguna.

1 point

a) Ógildingarreglur samningaréttar eru allar lögfestar.

b) Ógildingarreglur samningaréttar eru flestar ólögfestar.

c) Ógildingarreglur samningaréttar eru allar ólögfestar.

d) Ógildingarreglur samningaréttar hafa mótast á löngum tíma og eru að hluta til ólögfestar.

e) Ógildingarástæða í samningarétti telst jafnframt vanheimild í kröfurétti.

Clear selection

17. Hver eftirtalinna fullyrðinga er röng?:

1 point

a) Umboð hafa verið flokkuð í heimildarumboð annars vegar og sjálfstæð umboð hins vegar.

b) Í umboði felst að umboðsmaður hefur vald og heimild til þess að gera löggerninga fyrir hönd umbjóðandans.

c) Umboðsmaður verður ekki aðili að samningi sem gerður er á grundvelli umboðsins.

d) Umboðsmaður þarf ekki að vera fjárráða.

e) Í umboði til að gera löggerning felst þó aldrei heimild til þess að taka við löggerningum fyrir hönd umbjóðandans, nema sérstaklega sé um það samið.

Clear selection

18. Hver eftirtalinna fullyrðinga er röng?:

1 point

a) Í umboðum felst bæði umboðs- og heimildarþáttur.

b) Þegar um er að ræða heimildarumboð (18. gr. umboð) og umboðsmaður gerir löggerning þar sem hann fer út fyrir heimildarþátt umboðsins, skuldbindur slíkur löggerningur ekki umbjóðanda hans.

c) Þegar um sjálfstæð umboð er að ræða getur umboðsmaður gert löggerning sem skuldbindur umbjóðanda hans, jafnvel þótt umboðsmaðurinn hafi farið út fyrir heimildarþátt umboðsins.

d) Þegar um sjálfstæð umboð er að ræða getur umboðsmaður gert löggerning sem skuldbindur umbjóðanda hans, jafnvel þótt umboðsmaðurinn hafi farið út fyrir umboðsþáttinn (vald það sem hann hafði samkvæmt umboðinu).

e) Hægt er að afturkalla umboð.

Clear selection

19. Hver eftirtalinna fullyrðinga er röng?:

1 point

a) Grundvöllur þess hvaða heimild umboðsmaður hefur til þess að binda umbjóðandann, er sjálfur umboðssamningurinn.

b) Algengast er að umboðsmenn eigi að gera eitthvað (aðhafast eitthvað) á grundvelli umboðsins, þótt stundum fjalli umboðssamningur um önnur atriði.

c) Í samningalögum nr. 7/1936 er ekki fjallað um svokallaða staðgöngu, t.d. skiptastjórn í dánarbúum.

d) Umboðsmenn verða aldrei skaðabótaskyldir þegar þeir fara út fyrir umboð sitt.

e) Svonefnd tilboðasöfnun (t.d. tilboðasöfnun fasteignasala) flokkast ekki með umboðum í skilningi samningaréttar.

Clear selection

20. Merkið við rétt svar. Í Hrd. 23. október 2003 í máli nr. 124/2003 (Plast, miðar og tæki) reyndi á ákvæði í ráðningarsamningi starfsmanns.

1 point

a) Talið var að samningsskuldbinding starfsmannsins hafi verið víðtækari en heimilað er í 1. mgr. 37. gr. sml.

b) Talið var að samningsskuldbinding starfsmannsins hafi verið ósanngjörn í skilningi 36. gr. sml.

c) Talið var að starfsmaðurinn hefði ekki mátt framleiða plast, miða eða tæki í frítíma sínum.

d) Var talið rétt að lækka kröfu PMT um greiðslu samningsbundinna bóta, vegna brota á samkeppnisákvæði.

e) Talið var að starfsmanninum hefði ekki verið heimilt að starfa á almennum vinnumarkaði tveimur árum eftir starfslok hjá PMT.

Clear selection

21. Merkið við rétt svar.

1 point

a) Fölsun á nafni er veik ógildingarástæða.

b) Eftirfarandi samþykki hefur enga þýðingu við mat á því hvort fölsun á löggerningi bindi löggerningsgjafa.

c) Ef um fölsun á efni er að ræða gæti þurft að tilkynna grandlausum móttakanda um fölsunina til að hindra að löggerningur öðlist gildi samkvæmt efni sínu.

d) Afbökun tekur eingöngu til mistaka vegna sendingar löggernings með símskeyti eða sérstökum boðbera.

e) Löggerningsgjafi er bótaskyldur ef sýnt er fram á afbökun.

Clear selection

22. Hver eftirtalinna fullyrðinga er röng?:

1 point

a) Loforð er ein tegund löggerninga, sem ætlað er að stofna rétt.

b) Loforð er skuldbindandi viljayfirlýsing sem einungis er skuldbindandi fyrir móttakanda slíkrar viljayfirlýsingar.

c) Loforð geta verið munnleg eða skrifleg.

d) Loforð getur verið gefið af einum aðila eða fleirum í sameiningu.

e) Loforðsmóttakandi þarf ekki endilega að vera lögráða.

Clear selection

23. Merkið við réttustu fullyrðinguna.

1 point

a) Almennt er tilboðsgjafa ekki heimilt að setja samþykkisfrest í tilboð sitt.

b) Sé tilboð gert munnlega án þess að frestur sé gefinn, þarf að samþykkja það þegar í stað.

c) Þótt samþykkisfrestur sé tekinn fram í tilboði, getur viðtakandi loforðs alltaf ákveðið einhliða að lengja frestinn, ef það er honum til hagsbóta.

d) Loforð sem samþykkja þarf kallast ákvöð.

e) Samþykki tilboðs er ekki ein tegund löggerninga.

Clear selection

24. Merkið við réttustu fullyrðinguna:

1 point

a) Rangar forsendur taka til atvika eftir samningsgerð.

b) Fallist var á beitingu ógildingarreglunnar um rangar forsendur í H 285/2006 (Ferrari Enzo).

c) Í H 600/2011 (Fullnaðarkvittanir) var talið að rangur lagaskilningur hefði legið til grundvallar lögskiptum beggja aðila í upphafi.

d) Rangar forsendur er sterk ógildingarástæða.

e) Rangar forsendur er ólögfest regla.

Clear selection

25. Merkið við réttustu fullyrðinguna. Í H 290/2006 (Edda Hrafnsdóttir gegn byggingarfélaginu Hyrnu) þar sem fjallað var um kaupsamning hennar um kaup á íbúð í byggingu, komst Hæstiréttur að þeirri niðurstöðu:

1 point

a) Að staðlaðir skilmálar byggingarfélaga eru almennt afar óskýrir.

b) Að vísa málinu frá, þar sem það fjallað um flókin neytendaréttarleg atriði.

c) Að víkja til hliðar greiðsluskuldbindingu á grundvelli vísitölu sem hafði verið sett inn í kaupsamning aðila, á grundvelli 36. gr. c. sml.

d) Að víkja til hliðar greiðsluskuldbindingu á grundvelli vísitölu sem hafði verið sett inn í kaupsamning aðila, á grundvelli 36. gr. sml.

e) Að myglusveppur í gluggum fasteignarinnar gæfi kaupandanum rétt til ógildingar kaupsamningsins á grundvelli ólögfestrar reglu um brostnar forsendur.

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms