Vasali!
15. oktobrī teik svieteita Vaļsts volūdys dīna. Atzeimejūt jū i atguodojūt par latvīšu volūdys ūtrū rokstu tradiceju, jau deveitū reizi puorbaudeit sovys zynuošonys i prasmis latgalīšu rokstu volūdā aicynuos ari diktats latgalīšu rokstu volūdā. Diktats skanēs Latvejis Radejis 1 eterā latgaliskajā raidejumā "Kolnasāta" sastdīnis, 18. oktobra, vokorā 18.15 stuņdēs, kai ari video formatā byus nūsaverams sabīdryskūs medeju portalā LSM.lv i latgalīšu kulturys ziņu portalā lakuga.lv.
Diktatu skaiteis Daugovpiļs teatra aktrise Kristīne Veinšteina, bet kai teksts skanēs literarūs miniaturu i fotomuokslys Latgolys īdviesmis karteņu “Brīnumdārzs/Breinumu duorzs” autoris Evijis Piebalgys speciali diktatam raksteita miniatura “Maize”.
Aicynojam bibliotekys atbaļsteit deveitū latgalīšu rokstu volūdys diktatu, sev ārtā laikā nu 18. oktobra da 18. decembra organizejūt diktata kluotīnis raksteišonys pasuokumus, izmontojūt daīmamū video i/voi latgalīšu kulturys kusteibys “Volūda” atbolstu!
Pīsadaleišonys veidi:
1) Reikuot diktata raksteišonu patstuoveigi sev ārtā laikā, izmontojūt publiski daīmamūs materialus i video (vajadzeigais – laiks, telpa, vareiba atskaņuot diktata video). Puorbaudeit diktata pīraksteišonu var voi nu, saleidzynojūt ar diktata tekstu, voi īsnādzūt diktatus klaidu lobuošonys platformā
ITE;
2) Aicynuot gostūs latgalīšu kulturys kusteibys “Volūda” puorstuovus i diktata raksteišonu papyldynuot ar latgalīšu rokstu volūdys stuņdi. Pīduovuojums bezmoksys, itamā periodā
varim atsasaukt treis aicynuojumim (kurs pyrmais pīsasaceis, tam prīškrūka). Nūsacejums –
juobyut vysmoz 15 cylvāku auditorejai.
Bibliotekys, kurys grib reikuot diktata raksteišonu pošys i/voi pasaukt gostūs “Volūdu”, aicynuotys pīsasaceit anketā da 17. oktobra.
Vaira dazynuošonai: vasals@voluda.lv voi 28335357 (Inga).
