14-16 чэрвеня ў самым цэнтры горада пройдзе “Мазырскі краязнаўчы форум”!
Падзея стане першай за доўгі час спробай сабраць разам энтузіястаў і прафесійных даследчыкаў, якім цікавы наш рэгіён ва ўсёй яго культурнай разнастайнасці.
За аснову мы ўзялі тры ўмоўныя кірункі: гісторыя, філасофія і музыка. У межах нефармальнага форума абмяняемся досведам краязнаўчых даследванняў, паразважаем пра палескі менталітэт, зірнем на зорнае неба па-беларуску і нават павучымся спяваць, як спявалі нашыя бабулі!
Мы хочам такім чынам звярнуць увагу навуковай супольнасці на поўдзень краіны, а гараджан зацікавіць самастойным даследваннем мясцовай гісторыі і культуры.
Наш рэгіён — цікавы. І давайце разам дакажам гэта ўсім!
Колькасць удзельнікаў абмежаваная — таму просім папярэдне запісацца.