2021 - Haust - Eignaréttur I

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/11/prof/762 .

1. Hver eru tvö megineinkenni fjármunaréttinda?

1 point

a) Færanleiki og framseljanleiki.

b) Fjárgildi og hagnýting.

c) Færanleiki og aðilaskipti.

d) Færanleiki og fjárgildi.

Clear selection

2. Hvert var sakarefnið í H 210/2009 (Heiðmörk) og 684/2009 (Þjóðhátíðarlundur)?

1 point

a) Deilt var um hvort stefnandi ætti óbein eignarréttindi í Heiðmörk.

b) Deilt var um hvort stefnandi ætti rétt á bótum vegna spjalla sem hlutust af því að trjágróður var fjarlægður í Heiðmörk.

c) Deilt var um merki milli Heiðmarkar og Þjóðhátíðarlundar.

d) Deilt var um hvort stefnandi ætti rétt á því að hagnýta sér trjágróður í Heiðmörk.

Clear selection

3. Hvaða fullyrðing er rétt um fjöru í eignarréttarlegum skilningi?

1 point

a) Fjara er almenningur.

b) Óheimilt er að veiða í fjörum.

c) Fjara er hluti af netlögum.

d) Fjara fylgir landareign sem liggur að sjó.

Clear selection

4. Hvaða ályktun má draga af H 644 og 645/2006 (gangadómar)?

1 point

a) Verðmætt jarðefni djúpt í jörðu fellur utan eignarréttar landeiganda og er í eigu ríkisins.

b) Þótt verðlaust jarðefni sé hluti af eignarrétti landeiganda kemur ekki til greiðslu bóta, þar sem of kostnaðarsamt er fyrir landeiganda að vinna það.

c) Verðlaust jarðefni undir yfirborði jarðar fellur utan við það sem telst eign landeiganda.

d) Verðlaust jarðefni undir yfirborði jarðar er hluti af eignarrétti landeiganda.

Clear selection

5. Hvaða ályktun má draga af H 24/2014 (Vaskárdalur) og H 743/2014 (Nýjabæjarafréttur)?

1 point

a) Óbein eignarréttindi geta ýmist verið persónubundin eða bundin við tiltekna eign.

b) Margt skilur að óbein eignarréttindi og sérstaka sameign.

c) Sá sem á óbein eignarréttindi nýtur þeirra fyrir milligöngu eiganda.

d) Óbein eignarréttindi geta stofnast í verðmæti sem ekki er undirorpið beinum eignarrétti.

Clear selection

6. Hvert af eftirtöldu á sér stað þegar afnotahafi veðsetur afnotarétt sinn, t.d. á grundvelli 16.-18. gr. laga nr. 75/1997?:

1 point

a) Handhafi óbeins eignarréttar stofnar til óbeins eignarréttar.

b) Handhafi beins eignarréttar stofnar til óbeins eignarréttar.

c) Handhafi óbeins eignarréttar stofnar til beins eignarréttar.

d) Handhafi beins eignarréttar stofnar til beins eignarréttar.

Clear selection

7. Hvaða tegund afnotaréttar er svo lýst í H 8/2019 (Kleifar): „[Slíkir samningar veita] til muna víðtækari hagnýtingar- og ráðstöfunarrétt yfir fasteignum en aðrir afnotasamningar gera almennt.“?

1 point

a) Frístundalóðarsamningum.

b) Erfðafestusamningum.

c) Lóðarleigusamningum.

d) Húsaleigusamningum.

Clear selection

8. Hvaða fullyrðing um varanleika óbeinna eignarréttinda er röng?

1 point

a) Óbein eignarréttindi geta verið ótímabundin og uppsegjanleg.

b) Óbein eignarréttindi geta verið ótímabundin og óuppsegjanleg.

c) Óbein eignarréttindi geta ekki verið tímabundin.

d) Heimilt er að ógilda eða rifta ótímabundnum og óuppsegjanlegum afnotasamningum ef skilyrði eru fyrir hendi.

Clear selection

9. Hvaða fullyrðing um grunnleigusamninga er rétt?

1 point

a) Við lok leigutíma getur landeigandi fengið leigutaka borinn út af lóðinni með mannvirkjum og öllu sem því fylgir ef leigutaki hlýðir ekki boði eigandans þessa efnis.

b) Heimil afnot samkvæmt erfðafestusamningi eru að jafnaði víðtækari en í öðrum grunnleigusamningum.

c) Við lok leigutíma hvílir skylda á landeiganda að kaupa þau mannvirki sem eru á landinu ef landeigandi krefst þess að leigutaki verði borinn út af jörðinni.

d) Lóðarleigusamningar sveitarfélaga eru yfirleitt gerðir til skamms tíma - aðeins til nokkurra ára í senn.

Clear selection

10. Í hvaða lögum eru 'óljós, ómarkviss og innbyrðis ósamstæð ákvæði' samkvæmt H 484/2012 (Ferjubakki)?

1 point

a) Lögum nr. 66/2003 um húsnæðissamvinnufélög.

b) Húsaleigulögum nr. 36/1994.

c) Ábúðarlögum nr. 80/2004.

d) Lögum nr. 75/2008 um frístundabyggð og leigu lóða undir frístundahús.

Clear selection

11. Hvaða ályktun má draga af H 1959:541 (Hallveigarstaðir)?

1 point

a) Óheimilt er að stofna til kvaðar nema með samningi.

b) Ískyldur og kvaðir geta snert hagsmuni annarra en þeirra sem skyldurnar hvíla á.

c) Ítök geta haft töluverð neikvæð áhrif á verðmæti fasteigna.

d) Sveitarfélög hafa víðtækan rétt til þess að setja svokallaðar skipulagskvaðir.

Clear selection

12. Hvaða óbeinu eignarréttindum er hér lýst: „Leigusali getur ekki fengið umráð yfir hlutnum nema leigutaki vanefni leigusamninginn á samningstímanum, og leigutakinn verður ekki eigandi hlutarins nema hann efni leigusamninginn (eða eftir atvikum lánssamninginn)?“

1 point

a) Forkaupsrétti.

b) Samningi um eignarréttarfyrirvara.

c) Samningi um ítak.

d) Húsaleigu.

Clear selection

13. Hvaða ályktun má draga af H 570/2009 (Síðumúli)?

1 point

a) Yfirfærsla fasteignar frá einstaklingum til einkahlutafélags í þeirra eigu virkjar ekki forkaupsrétt.

b) Sala á einkahlutafélagi virkjar samningsbundinn forkaupsrétt.

c) Rétthafi getur neytt forkaupsréttar þótt eign hafi breyst frá því sem var þegar til réttarins stofnaðist.

d) Forkaupsréttur verður aðeins virkur við sölu.

Clear selection

14. Hvaða fullyrðing um forkaupsrétt er röng?

1 point

a) Heimilt er að stofna til forkaupsréttar með öðrum hætti en samningum, t.d. með félagssamþykktum eða erfðaskrám.

b) Forkaupsréttur virkjast að meginreglu við erfðir og búskipti milli hjóna.

c) Forkaupsréttarhafi getur glatað rétti sínum ef hann bregst ekki við boði um nýtingu forkaupsréttar innan réttra tímamarka.

d) Ef tilkynningu til forkaupsréttarhafa er ábótavant getur verið litið svo á að frestur til að neyta forkaupsréttar hafi ekki byrjað að líða.

Clear selection

15. Hvaða fullyrðing er röng um muninn á afnota- og ítaksréttindum?

1 point

a) Umráð og not afnotaréttinda eru yfirleitt umfangsmeiri og víðtækari en í tilviki ítaksréttinda.

b) Ítaksréttindum þarf að þinglýsa til þess að þau öðlist gildi, en hið sama á ekki við um afnotaréttindi.

c) Gagngjald er yfirleitt innt af hendi í tilviki afnotaréttinda, en það er ekki algengt í tilviki ítaksréttinda.

d) Ítaksréttindi eru yfirleitt varanleg, en afnotaréttindi eru oft tímabundin.

Clear selection

16. Hver eftirtalinna fullyrðinga er röng?:

1 point

a) Vatnalög nr. 15/1923 eru dæmi um jákvæða skilgreiningu eignarréttar á tilteknu sviði.

b) Hugtakið eignarréttur hefur samræmda merkingu í lögum.

c) Hugtakið eignarréttur er almennt skilgreint með neikvæðum hætti í norrænum rétti.

d) Kröfuréttindi eru einn flokkur eignarréttinda.

Clear selection

17. Hver eftirtalinna fullyrðinga er rétt?:

1 point

a) Kvaðir á arfi samkvæmt erfðaskrá á grundvelli erfðalaga nr. 8/1962 eru dæmi um lögbundna takmörkun eignarráða.

b) Nær engar lögbundnar takmarkanir eru á heimild fasteignareiganda til að hagnýta eign sína.

c) Lögbundnar takmarkanir á eignarráðum geta leitt af óskráðum lagareglum.

d) Þess eru engin dæmi í lögum að lagðar séu skyldur á eiganda fasteignar til beinna athafna varðandi eign sína.

Clear selection

18. Hver eftirtalinna fullyrðinga er röng?:

1 point

a) Grenndarreglum hefur eingöngu verið beitt í lögskiptum nágranna.

b) Eigendur fasteigna njóta verndar grenndarreglna óháð opinberum reglum.

c) Viðurkennt hefur verið í dómaframkvæmd að nágrannar verði að þola óþægindi frá nærliggjandi fasteignum upp að vissu marki.

d) Heildarlög um nábýli hafa ekki verið sett hér á landi.

Clear selection

19. Hver eftirtalinna fullyrðinga er röng?:

1 point

a) Verulegar takmarkanir eru á arfleiðslurétti arftaka að jörðinni Vatnsenda samkvæmt svonefndum Vatnsendamálum.

b) Afnotaréttur annars yfir eign takmarkar almennt umráðarétt eiganda.

c) Í H 400/2002 (Byggingarsamvinnufélag I) og H 20/2017 (Byggingarsamvinnufélag II) var deilt um takmarkanir á skuldsetningarrétti tiltekinna fasteignareigenda.

d) Hagnýtingarréttur eiganda fasteignar í fjöleignarhúsi sætir ýmsum takmörkunum samkvæmt lögum nr. 26/1994 um fjöleignarhús.

Clear selection

20. Hver eftirtalinna fullyrðinga er rétt?:

1 point

a) Réttur eiganda til að leita handhafa opinbers valds til verndar eign sinni ef að hagsmunum hans sem eiganda er vegið er almennt álitinn þáttur í hagnýtingarrétti eiganda.

b) Umráðaréttur eiganda getur einungis sætt lögbundnum en ekki samningsbundnum takmörkunum.

c) Í 1. mgr. 55. gr. laga nr. 26/1994 um fjöleignarhús felst viðamikil takmörkun á arfleiðslurétti eiganda.

d) Þótt eigandi hafi stofnað til takmarkaðra eignarréttinda annarra yfir eign sinni stendur það því yfirleitt ekki í vegi að hann geti framselt eignina.

Clear selection

21. Hver eftirtalinna fullyrðinga er röng?:

1 point

a) Hugverkaréttindi koma á fót verndaðri samkeppnisstöðu.

b) Hugverkaréttur er samheiti yfir þær réttarreglur sem gilda um tilurð, notkun og hagnýtingu á afurðum andlegrar sköpunar og hugvits.

c) Hugverkaréttindi eiga það öll sameiginlegt að veita handhafa þeirra einkarétt til að gera ákveðna hluti.

d) Skráning hugverkaréttinda er alltaf forsenda verndar þeirra.

Clear selection

22. Hver eftirtalinna fullyrðinga er rétt?:

1 point

a) Tölvuforrit geta ekki verið verk í skilningi höfundalaga.

b) Það eru eingöngu einstaklingar sem geta verið höfundar að verki.

c) Ekki þarf að vera búið að færa verk í skynjanlegt form til að það geti notið höfundarréttarverndar.

d) Höfundaréttur fellur úr gildi þegar liðin eru 50 ár frá næstu áramótum eftir andlát höfundar.

Clear selection

23. Hver eftirtalinna fullyrðinga er röng?:

1 point

a) Með einkaleyfi er hægt að vernda tæknilega útfærslu á hugmynd.

b) Skilyrði fyrir skráningu einkaleyfis er að búið sé að kynna uppfinninguna í ræðu eða riti fyrir umsóknardag.

c) Einkaleyfi verndar ekki hugmyndina sjálfa heldur eingöngu útfærslu hennar.

d) Skráning einkaleyfis gildir í 20 ár frá umsóknardegi svo framarlega sem árgjöld eru greidd.

Clear selection

24. Hver eftirtalinna fullyrðinga er röng?:

1 point

a) Skráning hönnunar er forsenda þess að hún njóti verndar samkvæmt lögum nr. 46/2001 um hönnun.

b) Frumskilyrði fyrir skráningu hönnunar er að hún sé ný og sérstæð.

c) Hönnun getur notið verndar sem verk samkvæmt höfundalögum nr. 73/1972 jafnvel þó svo að hún sé ekki skráð.

d) Ítarleg rannsókn fer fram hjá Hugverkastofu á því hvort hönnun uppfylli skilyrði skráningar áður en hönnun er skráð.

Clear selection

25. Hver eftirtalinna fullyrðinga er rétt?:

1 point

a) Vörumerkjaréttur stofnast eingöngu með skráningu vörumerkis.

b) Skráning vörumerkis gildir aldrei lengur en í 10 ár frá umsóknardegi.

c) Vörumerkjaréttur stofnast alltaf í tengslum við tiltekna vöru eða þjónustu.

d) Vörumerki geta ekki notið verndar sem verk samkvæmt höfundalögum nr. 73/1972.

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms