1. Lomba Kaulinan Tradisional di SD Mekarjaya

Dina poe kemerdekaan taun ieu, SD Mekarjaya rame ku sora tawa jeung sumanget barudak ti isuk keneh, barudak kelas lima geus kumpul di lapang sakola, make baju adat Sunda jeung beungeut nu pinuh ku rasa bungah. Bu Rina, guru kelas lima, geus lila ngarencanakeun lomba ieu anjeunna hayang barudak ngalaman deui kabagjaan tina kaulinan tradisional nu geus jarang paenkeun.

"Loba barudak ayeuna leuwih resep maen HP tibatan lumpat-lumpatan di buruan," ceuk Bu Rina. "Ku sabab eta, urang lombakeun kaulinan seperti egrang, sondah, jeung kaulinan naek jambe"

Lomba dimimitian ku kaulinan kelompok. Dua kelompok adu kuat jeung taktik dina kaulinan tarik tambang. Unggal kelompok narik tambang sataker kebo bari disorak-sorakeun ku babaturanana. Saatos eta, aya lomba naek jambe nu matak rame pisan. Barudak kudu gawe babarengan pikeun nyokot hadiah nu digantung di luhur tangkal jambe. Aya nu ngadukung, aya nu manjat, jeung aya nu ngatur strategi. Samentara eta, dina lomba individu, barudak lomba balap karung jeung lomba ngaliwatkeun halang rintang. Nu pangheulana nepi ka garis akhir anu menang.

Sanajan lomba teh persaingan, Bu Rina ngingetkeun yen nu penting teh silih ajenan, jujur, jeung kompak. Teu sakadar meunang, tapi barudak diajar kumaha gawe bareng jeung silih tolong.

Di ahir acara, sadayana barudak narima hadiah simbolis jeung piagam. Tapi leuwih ti eta, maranehna meunang pangalaman anu moal poho: kaulinan tradisional teh henteu ukur matak senang, tapi oge matak silih deuketkeun. Kaulinan barudak tradisional Sunda, salain murah, oge matak cageur. Boh kana lahir jeung batin sabab nungtut gerak jeung aya sababaraha kaulinan anu kudu dibarung ku kakawihan.

Naon judul carita di luhur?