Дарагiя адукатары,

ёсць прапанова дапамагчы Вам, а таксама Вашым вучням з адаптацыяй да анлайн навучання.
Мы, моладзь - маладыя спецыялiсты з розных сфер, з вышэйшай адукацыяй, валанцёры сайта adukacyja.info, сярод нас - выпускнiкi стыпендыяльных праграм, мы атрымалі адукацыю ў Беларусі, Брытанii, Нямеччыне, Швецыi, ЗША i iншых краінах. Мы гатовыя дапамагчы Вам у гэты няпросты час.
Можа быць, Вы шукаеце дапамогу з пазакласнай гадзiнай? Мы можам правесцi online English club альбо пачытаць беларускую лiтаратуру разам, каб дапамагчы школьнiкам падтрымаць матывацыю да навучання. Пасля таго, як Вы пазначыце свой e-mail, мы скантактуемся з Вамi праз электронную пошту i вызначым час, тэму "пазакласнай гадзiны", вызначым анлайн платформу для сустрэчы.

Мы будзем разам абiраць тэму адукацыйнай сустрэчы. Дзякуючы сустрэчам вашыя вучнi павысяць узровень ведаў па прадметах, лепш засвояць школьную праграму, што дапаможа адаптавацца да анлайн навучання.

Заяўкі прымаюцца на сталай аснове. Тэрмiн рэалізацыі ініцыятывы: травень-чэрвень 2020

Дзякуй за зацікаўленасць!