Etengabe kanpora begira egotea eskatzen digun gizarte honetan, gure buruarentzat zaintza guneak eskaintzeko momentuak berreskuratu eta gorputzari bere lekua ematea ezinbestekoa bilakatu da, bizitza osasuntsu eta plazerrarekin konektatu bat nahi badugu.

Biodantzaren helburu nagusia gizakia bere buruarekin, hurkoekin eta inguruarekin integratzea da. Bizitzako oinarrizko hiru binkuluak lantzen ditu. Norberak bere buruarekin duen binkulua, bestearekin duen binkulua eta munduarekin duen binkulua. Musikaren, mugimenduaren eta taldearen bidez, sistema honek gure potentzialak bizitzarekin lotuta garatzen laguntzen du. Helburua: bizitzearen poza berreskuratzea.

- Egutegia: Urriaren 4tik azaroak 15era (asteartero)
- Ordutegia: 18,00etatik 19,30etara
- Lekua: Arraunetxean