Sizi aşağıdakı sorğuda iştirak etməyə dəvət edirik. Sorğu, Azərbaycanda peşəkarların/mütəxəssislərin rəqəmsal platformalardan (məsələn, boss.az, glorri.az, LinkedIn və s.) istifadə təcrübələrini, mövcud sistemlərlə bağlı qarşılaşdıqları çətinlikləri və yeni nəsil iş platformalarından gözləntilərini daha dərindən anlamaq məqsədi daşıyır.
Sorğudan əldə edilən nəticələr aşağıdakı məqsədlərlə istifadə ediləcək:
- İş axtaranların davranış modellərini və ehtiyaclarını anlamaq
- Yeni texnoloji həllərin hazırlanması üçün istifadəçi mərkəzli məlumat toplamaq
- İşə qəbul sistemlərində istifadə rahatlığı və şəffaflığı artıracaq təkliflər irəli sürmək
- Yerli bazarın real tələblərinə uyğun platforma və alətlər hazırlamaq
Sorğu tamamilə anonimdir – sizdən heç bir ad, soyad və ya birbaşa şəxsiyyəti tanıda biləcək məlumat tələb olunmur. Verəcəyiniz cavablar yalnız ümumi statistik təhlil üçün istifadə ediləcək və fərdi qaydada heç bir yerdə paylaşılmayacaq.
Sorğunu doldurmaq təxminən 4–7 dəqiqə vaxt aparır. Sizin fikirləriniz bizim üçün çox önəmlidir və gələcəkdə daha faydalı, şəffaf və effektiv iş axtarış platformalarının inkişafına töhfə verəcək.
Əvvəlcə sizdən bəzi demoqrafik məlumatları, daha sonra isə iş axtarış təcrübənizlə bağlı sualları cavablandırmağınızı xahiş edirik.
Əvvəlcədən təşəkkür edirik!