Ëmfro Zecken&Lëtzebuerg: Zeckebëss mat Entzündung beim Mënsch

JavaScript isn't enabled in your browser, so this file can't be opened. Enable and reload.

Madame, Monsieur,

duerch Zecken iwwerdroe Kränkten huelen bei eis a soss an Europa zou. Nawell ass et schwéier ze soen, wéi eescht de Problem ass, well d’Fäll net systematesch erfaasst ginn. D’Zil vun eiser Ëmfro ass, Äntwerten op e puer Froen ze kréien: Wou kommen Zecken an d’Kränkten, déi si iwwerdroen, am heefegste vir? Wou a bei wéi engen Aktivitéite sinn d’Risiken am gréissten? Wéi eng Symptomer trieden am heefegsten op? Sinn se regional verschidden? Wéi eng chronesch Kränkte kéinten op Zecken zeréckzeféiere sinn? Är perséinlech Erfarunge kënnen eis hei weiderhëllefen, well nëmme mat Ärer Hëllef kënne mir u wichteg an ëmfaassend Informatiounen iwwer Zecke kommen. Mir soen Iech am Viraus Merci fir Är Hëllef.

Haaptformulaire: Informatiounen iwwer déi Persoun, déi vun enger Zeck gebass gouf resp. krank ginn ass

Land, wou Dir momentan wunnt

Uertschaft

Postleetzuel

Gebuertsjoer

Geschlecht

Ae faarf

Wéi dacks sidd Dir scho vun enger Zeck gebass ginn (zënter Ärer Gebuert)?

Kënnt et reegelméisseg vir, datt Dir an Ärem Gaart vun enger Zeck gebass gitt, a wa jo, wéi dacks pro Joer, Mount oder Woch?

Wosst Dir, datt eng Zeck alt méi wéi eng Stonn och ënner dem Gezei (also net nëmmen op deene Plazen, déi net vum Gezei bedeckt sinn) no enger Plaz sicht, fir sech festzebäissen?

Symptomer, déi mat engem Zeckebëss kënnen ze dinn hunn

Hutt Dir oder hat Dir déi heite Symptomer? Wien duerch eng Zeck krank ginn ass, kann een oder och e puer vun dëse Symptomer hunn. Persounen, déi keng vun Zecken iwwerdroe Kränkt hunn, kënnen och ënner dëse Symptomer leiden. Mir wëllen d’Heefegkeet vun de Symptomer bei Leit, bei deenen eng Lyme-Borreliose diagnostizéiert gouf, mat de Symptomer vergläiche bei Leit, déi zwar vun enger Zeck gebass goufen, bei deenen awer keng Borrelios diagnostizéiert gouf. Zil ass, déi relevantst Symptomer ze identifizéieren.

Allgemeng Symptomer

S01 – Kierperlech a geeschteg Middegkeet, keng Ausdauer méi

S02 – Schlofstéierungen: ze laang oder ze kuerz Schlofzäiten, guer kee Schlof, ënnerbrache Schlofphasen, fréi waakreg ginn, Schléifregkeet iwwer den Dag

S03 – Diffus, allgemeng Péng

S04 – De Kierper fillt sech un, wéi wann een eng elektresch gewéitscht kritt hätt

S05 – D’Fousssuelen di wéi, virun allem mueres

S06 – Schweessausbréch iwwer den Dag, exzessiivt Schweessen

S07 – Schweessausbréch am Schlof (duerno waakreg)

S08 – (Liicht) Féiwer, Hëtzten

S09 – Et ass engem kal, d’Gefill fir d’Temperatur ass gestéiert, kal Äerm, Hänn, Been a Féiss, och wann et ronderëm waarm ass

S10 – (Permanent) geschwolle Lymphkniet

S11 – Feelgebuerten (méi wéi eng)

S12 – Ongeschéckerlechkeet

S13 – Zidderen

S14 – Onerkläerlecht Zou- oder Ofhuelen

S15 – Verstäerkt Reaktioun op Alkohol

S16 – De Gesondheetszoustand verbessert oder verschlechtert sech duerch sportlech Aktivitéiten

S17 – D’Symptomer kommen all 4 Wochen erëm

S18 – Keng Symptomer

Symptomer um Niveau vun de Gelenker a Muskelen

S19 – Geschwollen a wéi Gelenker (Fangeren, Zéiwen, Enkelen, Handgelenker, Knéien, Ielebéi, Hëften, Schëlleren), dacks am beschten un de Knéien ze gesinn

S20 – Steif Gelenker a steife Réck

S21 – Steift Genéck, Kraachen am Genéck, Wéi

S22 – D’Achillesseen deet wéi

S23 – Gesiichtslähmungen (Bell’s palsy), betrëfft meeschtens eng Halschent vum Gesiicht

S24 – Schwaach Muskelen oder Muskelschwund, wéi Muskelen oder Krämp

S25 – Muskelzuckungen (z. B. vum Gesiicht), ongewollte Beweegungen

S26 – Gelenkentzündungen (Arthrite), Arthrite migrante, Steifheet

S27 – keng Symptomer

Problemer mat der Haut

S28 – Erythema migrans (rout Flecken, meeschtens an der Mëtt méi hell, déi d’Tendenz hunn, méi grouss ze ginn an ze “wanderen”)

S29 - Acrodermatitis chronica atrophicans (ACA): grouss rout Flecken oder Sträifen (z. B. iwwer déi ganz Hand, de ganzen Aarm)

S30 – Petechien: kleng, rout Knubbelen op der Haut (Angiom)

S31 – Iwwerempfindlech Haut, Ekzema, Flecken, transparent, dënn Hautzonen, dréchen Haut

S32 – D’Haut kribbelt, pickt, brennt, fillt sech daf un oder wéi mat Nolen oder engem Messer gepickt

S33 – D’Ouerläppchen an/oder d’Ouermuschel, d’Broschtwaarzen oder d’Hode schwëllen an di wéi

S34 – Keng Symptomer

Neurologesch Symptomer

S35 – Et ass engem dronken, schwindeleg, et verléiert een d’Gläichgewiicht, et fäert een ze falen, Reeskränkt, Akrophobie (Angscht virun der Héicht), et geet een onsécher, et ass een onsécher beim Trapop- an Trapofgoen, et muss een sech ëmmer erëm sëtzen

S36 – Et ass een desorientéiert, mengt, et géif ee sech verlafen, op Plaze goen, wou ee guer net hiwëll

S37 – Problemer beim Schwätzen a Schreiwen: Déi richteg Wierder falen engem net an, et benotzt ee verkéiert Wierder, Nimm falen engem net an, et geheit een Zuelen oder Buschtawen duercherneen

S38 – Konzentratiounsschwieregkeeten: Et fält engem schwéier, opzepassen, nozedenken, nei Informatiounen opzehuelen; et huet ee Problemer beim Liesen

S39 – Schlecht Kuerzzäitgediechtnes: et verhält een näischt méi

S40 – Realitéitsverloscht, (epileptesch) Krisen, Perséinlechkeetsverännerung, Nervositéit

S41 – Halluzinatiounen, schwaarz Borden am Bléckfeld, Wahnvirstellungen, Paranoia, bipolar Stéierungen

S42 – Aggressivitéit, Reizbarkeet, Stëmmungsschwankungen

S43 – Angschtzoustänn, Panikattacken

S44 – Depressiounen

S45 – Keng Symptomer

Symptomer um Niveau vum Kapp

S46 – Kappwéi, Migränen, Gefill, wéi wann de Kapp géif platzen

S47 – Onerkläerlechen Hoerausfall

S48 – Stéierung vun de Gehirnerven (Lähmung vum Gesiicht, Wéi, Picken, Lähmung oder Entzündung vum Sehnerv)

S49 – Aen: Iwwerempfindlechkeet géint Liicht

S50 – Aen: Et gesäit een duebel, verschwommen, wéi duerch Niwwel, d’Ae beweege sech ruckaarteg, et gesäit ee “Mécken”

S51 – Aen: Reizung vun den Aen, Bindehautentzündung/Conjonctivite, Irisentzündung, Aewéi, d’Aen tréinen oder sinn dréchen

S52 – Aen: Lähmung vun den Aemuskelen, Strabismus (Balucken), Aschränkung vum Bléckfeld, et gesäit een ëmmer méi schlecht bis guer net méi

S53 – Gerochssënn a Geschmackssënn si gestéiert

S54 – Gerochsiwwerempfindlechkeet

S55 – Nuesbludden

S56 – Tinnitus, et héiert een ëmmer méi schlecht bis guer net méi

S57 – Iwwerempfindlechkeet bei Geräischer

S58 – Halswéi, et kritt een ëmmer erëm Anginnen, d’Mandele sinn entzünt

S59 – Dréchenen Hals, Problemer beim Schlécken, Reizung vun der Schläimhaut, dréchene Mond, Wéi beim Schlécken, Schnalzgeräischer

S60 – Zännwéi, Ofstierwe vum Nerv, de Kifer oder d’Kifergelenk di wéi, Kiferentzündungen, déi schwéier heelen

S61 – Eessen a Pautschen (Akne) bei Erwuessenen

S62 – Keng Symptomer

Symptomer am Broscht- a Bauchberäich

S63 – Otemschwieregkeete bei Ustrengung, kuerzen Otem, Houschten, Hemsen, Bronchite, onerkläerleche chroneschen Houscht

S64 – Et kritt een ëmmer erëm Longenentzündungen

S65 – Zäitweileg Schwankunge vum Bluttdrock (Ënnerscheed lénksen a rietsen Aarm)

S66 – Häerzklappen (“Herzrasen”), d’Häerz klappt onreegelméisseg oder ze séier, d’Broscht deet wéi (Gefill, wéi wann een en Häerzinfarkt kréich)

S67 – wéi wann een e breede Rimm an der Taille géif zouzéien

S68 – Broch (Zwerchfell)

S69 – Onerkläerleche Réckwéi, Steifheet am Réck

S70 – Onerkläerleche Wéi an de Brëscht

S71 – Onerkläerlech Produktioun vu Mammemëllech

S72 – Wéi am Gedäerms, onerkläerlech Krämp, Soud, Bauchwéi, empfindleche Mo, keen Appetit, Iwwelzegkeet, Erbriechen, gastroösophageale Reflux

S73 – Problemer mat der Verdauung, Blähungen

S74 – Problemer mat der Liewer

S75 – Problemer mat Mo an Daarm, et kritt een den Duerchfall oder et ass ee verstoppt

S76 – Gereizte Blos, d’Gefill, dauernd Waasser loossen ze mussen, virun allem nuets; Entzündunge vu Blos an Harnleiter, Problemer mat der Blos

S77 – Wéi vun der Prostate

S78 – Däischteren Urin

S79 – Hämorrhoiden-Bludden

S80 – Wéi am Genitalberäich (ë. a. Hoden) an am Ënnerleif (Becken, Anus)

S81 – Dréche Scheed (Vagin)

S82 – Verloscht vun der Libido (Loscht op Sex) an der Potenz oder awer verstäerkte Potenz a Libido

S83 – Erektiounsstéierungen

S84 – Onerkläerlech onreegelméisseg Menstruatioun

S85 – Häerzgeräischer, Häerzblockad, Myokarditis, perikardial Flëssegkeetsusammlung, Bradykardie, Häerzklappefeeler

S86 – Keng Symptomer

Beschreift Är Symptomer an Ären eegene Wierder

Kränkten, déi duerch Zecken iwwerdroe ginn

Hat Dir oder hutt Dir eng vun dëse Krankheeten?

LB – Borrelios (Lyme-Kränkt)

AN – Anaplasmos (Ehrlichios)

RI – Rickettsios (Mëttelmier-Zeckeféiwer)

BB – Babesios (Piroplasmos)

BR – Bartonellos (Kazekrazkränkt)

FQ – Q-Féiwer (Coxiellos)

TBE – Tick-Borne-Encephalite

PT – Zeckelähmung (Lähmung, déi verschwënnt, soubal d’Zeck eraus ass)

NO – Keng dovun

Kränkten, déi kéinte mat Zecken ze dinn hunn

Leit Dir ënner enger vun dëse Kränkten? Verschidde Persounen, déi als chronesch krank klassifizéiert ginn, kéinten eng Borrelios hunn oder eng aner duerch Zecke verursaacht Kränkt. (Beispiller: An der Belsch gouf eng Fra 12 Joer laang als MS-Patientin behandelt, ma si hat eng Lyme-Borrelios. Bei Patienten, déi Alzheimer haten, gouf post mortem an den Amyloid-Plättercher vum Gehir de Pathogen fonnt, dee fir d’Lyme-Borrelios responsabel ass). Et geet drëms erauszefannen, ob déi hei opgezielte Kränkte méi dacks bei Leit virkommen, déi vun enger Zeck gebass goufen, wéi bei deenen, déi nach ni eng Zeck haten.

M10 – Chronescht Middegkeetssyndrom

M11 – Fibromyalgie

M12 – Multiple Sklerose (MS)

M13 – Polyarthrite (auch Rheumatoide Arthritis)

M14 – Hashimoto-Thyreoiditis (Schilddrüsenentzündung)

M15 – Aner Problemer mat der Schilddrüs

M16 – Alzheimer

M17 – Parkinson

M18 – Autistesch Stéierungen

M19 – Autismus

M20 – Lupus

M21 – Psoriasis

M22 – Spasmophilie

M23 – Herpes

M24 – Verschlechterunge vum zentralen a peripheren Nervesystem an dem Réckemuerch

M25 – Myelite (Réckemuerchentzündung, déi dozou féiert, datt ee kee Gefill méi an de Been huet)

M26 – Aneurysma

M27 – Hireschlag

M28 – Anämie (Bluttaarmut)

M29 – Nevralgien/Neuralgien

M30 – Karpaltunnelsyndrom

M31 – Lähmung vun enger Halschent vum Gesiicht oder engem Aarm oder Been

M32 – Varicen, Phlebitten, Vaskulitis

M33 – Krämp, Epilepsie

M34 – Halluzinatiounen, Wahnvirstellungen, Paranoia, bipolar Stéierung, Delusiounen

M35 – Meningite (lymphozytär-viralen Ursprong, Meningo-encephalite, Neuroradiculite)

M36 – ageschränktent Bléckfeld, Glaukom, Wéi hannert der Aelëns, Uveitis (“Regenbogenhautentzündung”), Verschluss vun der Zentralveen an der Netzhaut, Diplopie, Fokusséierungsproblemer, optesch Nevrite/Neuritis

M37 – Problemer mam Bluttzockerspigel: Hypoglykämie, Diabetes

M38 – Erkrankunge vun der Bauchspeicheldrüs

M39 – Splenomegalie (Vergréisserung vun der Mëlz)

M40 – Niereproblemer

M41 – Liewererkrankungen, Gielzecht

M43 – Autoimmunerkrankungen

M44 – ADHS – Opmierksamkeetsdefizit

M45 – ADHS – Hyperaktivitéit

M46 – Liewensmëttelintoleranz

M47 – Burnout

M48 – Verloscht vun der Sehkraaft

M49 – Gelenkrheumatismus

Wëllt Dir eppes zu dëse Krankheete soen?

Si bei Iech falsch Diagnose gestallt ginn, ier erausfonnt gouf, datt Dir d’Lyme-Borrelios hutt? Wa jo, wéi eng?

Geographesch Donnéeë mat Bezuch op d’Zeckebëss

OPTIMAL wieren d’geographesch Daten, déi Dir op Google Maps kënnt fannen: - Gitt op www.google.lu/maps - Wielt, falls néideg, d’Satellittevue. - Gitt mat der Maus op déi betreffend Plaz a klickt se mat der rietser Maustast un. - Wielt dann: Was ist hier/Plus d’infos sur cet endroit - Dës Info kopéieren an hei erapechen.

Geographesch Daten zu der Plaz, wou Der gebass gi sidd

Land

Uertschaft

Postleetzuel

Adress oder aner geographesch Präzisiounen zu der Plaz, wou Der gebass gi sidd

Zuel vun den Zecken/Bëss, déi Der hat

D’Joer, wou Der gebass gi sidd (wa méiglech och de Mount)

Wann Der méi dacks op déi Plaz gitt: Wéi dacks hat sech dono eng Zeck festgebass?

(Wielt dat, wat am nootsten drukënnt:)

Sidd Der vum Zeckebëss krank ginn?

Aktivitéiten zu deem Moment, wou der gebass gi sidd

Wann néideg, kënnt Der dat hei präziséieren

Beschreiwung vun der Ëmgéigend vun der Plaz, wou Der eng Zeck erwëscht hutt

Wann néideg, kënnt Der dat hei präziséieren

Präziséiert Är Aktivitéiten a beschreift d’Ëmgéigend.

Heefegkeet vun den Zecken

Kennt Dir Plazen, wou et besonnesch vill Zecke ginn? Wéi eng sinn dat?

Kennt Dir Plazen, wou et soss keng Zecke gi sinn a wou et der elo immens vill gëtt?

Wat dës Plazen ugeet: Huet sech do eppes verännert, wat méiglecherweis zu där Verännerung bäigedroen huet?

Kënnt Dir dräi Joer nennen: Dat Joer, wou et sécher nach ganz wéineg Zecken do gi sinn, ongeféier dat Joer, wou et der scho méi waren, an dat Joer, vun deem un immens vill Zecken op dëser Plaz ze fanne waren.

Erlaabnes / Suivi

Dierfen dës Informatiounen zu Forschungszwecker benotzt ginn?

Kënnen d’geographesch Date vun de Plazen op enger Kaart fir de Public agedroe ginn (op 1 km genee)

Kënnen d’Statistiken aus Ären Informatiounen op engem Internetsite publizéiert ginn?

Hei kënnt Dir weider Commentairë schreiwen. Dir kënnt och e Mail un info@albl.lu schreiwen

Mir soen Iech Merci, datt Dir matgemaach hutt.

Et wier eis eng grouss Hëllef, wann Dir aner Leit, vun deenen Dir wësst, datt se scho vun Zecke gebass goufen, géift bieden, och bei eiser Ëmfro matzemaachen. Doduerch kréie mir méi eng genee Kartographie vun der Situatioun zu Lëtzebuerg.

En Deel vun de Resultater ginn um Site vun der Ëmfro vun Zecken&Lëtzebuerg am Wanter verëffentlecht

Bis geschwënn

D’Equipe vun der ALBL
http://www.albl.lu

Submit

Clear form

Never submit passwords through Google Forms.

This content is neither created nor endorsed by Google. - Terms of Service - Privacy Policy

Does this form look suspicious? Report

Forms