FÒMILÈ APLIKASYON PWOGRAM SIMEN SEMANS KONBIT 2025-2026

Kisa Pwogram SIMEN SEMANS KONBIT POU CHANJMAN SOSYAL lan ye?

SIMEN SEMANS KONBIT POU CHANJMAN SOSYAL se yon pwogram Gwoup Konbit ak patnè li yo mete sou pye pou bay jarèt ak inisyativ kominotè ki charye valè ak prensip Konbit yo. Objektif la se ankouraje inisyativ ki pa sèlman chèche lajan kòm solisyon, men ki mete solidarite, "coaching", ak pataj resous nan sant aksyon yo, pou ti lide vin tounen gwo chanjman sosyal nan kominote yo.

Objektif: Ankouraje konbitè ak konbitèz pran inisyativ ki pa sèlman apchèche lajan kòm solisyon, men ki mete solidarite, coaching, ak pataj resous nan sant aksyon yo, pou ti lide tounen gwo chanjman sosyal nan kominote yo.


Pou edisyon 2025-2026 la, Gwoup Konbit ap mete disponib 300,000 Goud pou sipòte 2 inisyativ chak mwa (yo chak ap resevwa 150,000 Goud) plis akonpayman teknik, espesyalman fòmasyon sou valè ak prensip konbit yo pou kontribiye nan devlopman kominote yo.


ENPÒTAN: Se 2 pami inisyativ ki aplike yo ki reponn kritè ki defini yo + apresyasyon evalyasyon Jiri a, se yo k ap jwenn sipò finansye 150,000 Goud (SAN SENKANT MIL Goud) yo chak.

Kisa Valè ak Prensip Konbit  yo ye nan kad pwogram sa: Patisipasyon, Kolaborasyon, Solidarite, Transparans, Ekite, Inovasyon, Kreyativite, Resipwosite, Respè, Konfyans, Reskonsablite, Etik ak Dirablite. 

Kritè ak règleman ki dwe respekte nan kad aplikasyon pou pwogram sa?

  1. Fòk inisyativ la an mezi pou demontre klèman li reponn ak yon bezwen reyèl nan kominote a.

  2. Fòk inisyativ la pa baze sou lacharite, men pito sou solidarite; sa vle di kominote a enplike nan tout pwosesis la. 

  3. Fòk inisyativ la kreyatif ak inovan, kidonk li dwe pote yon bagay anplis epi fè yon diferans nan kominote a.

  4. Fòk pou pi piti yon lòt asosyasyon oswa yon gwoup moun nan kominote a valide nesesite pou inisyativ sa fèt.

  5. Fòk inisyativ la fèt nan bon jan enklizyon, sa vle di san diskriminasyon; sa vle di, pwojè a dwe pran ankont tout kouch sosyal ak minorite yo nan kominote a.

  6. Fòk inisyativ a ankouraje resipwosite, sa ki vle di, moun pwojè a pral itil yo dwe yo menm tou mete yo osèvis kominote a lè gen bezwen.

  7. Fòk inisyativ a genyen patisipasyon kominote a, kidonk ekip k ap pote pwojè a dwe mobilize resous anndan kominote a avan menm lajan sibvansyon Gwoup Konbit la.

  8. Fòk gwoup moun k ap egzekite inisyativ la transparan sou fason y ap itilize resous inisyativ la, eksplike kijan nou pra l depanse lajan nou pra l resevwa, epi bay bon jan rapò ak kominote a avan, pandan e aprè peryòd egzekisyon inisyativ a.

  9. Fòk ekip inisyativ la kapab eksplike estrateji yo pral mete sou pye pou montre enpak oubyen/ak dirablite inisyativ la.

Règ pou respekte: Fòk lajan Gwoup Konbit mete a dispozisyon inisyativ la pa itilize nan move kondisyon, pou fè kominote an mal oswa ankouraje vyolans.

Ranpli fòmilè sa kounya pou w kapab aplike pou inisyativ pa w la. Prepare videyo prezantasyon pitch inisyativ ou an ki pa depase 3 minit, epi avan 15 rive nan mwa w ap aplike a voye videyo sa sou nimewo WhatsApp sa a 3698-0314

Gade videyo pwomosyon pwogram lan sou chanèl YouTube Gwoup Konbit la pou plis eksplikasyon: https://youtu.be/1mvDJmavW4I

Pou plis lòt enfòmasyon, kontakte nan: gwoupkonbit@gmail.com | Tel: +509  36 98 0314/ 3269-9292

Email *
Next
Clear form
Never submit passwords through Google Forms.
This content is neither created nor endorsed by Google. - Terms of Service - Privacy Policy

Does this form look suspicious? Report

Google Forms