Galdetegi honen bitartez oñatiarren edo oñatiko eragileen atxikimendua lortu nahi dugu urriaren 31ean herriko plazatik 19:00etan abiatuko den manifestaziorako. Manifestazioaren aldarrikapen nagusiak hauek izango dira:

- Estatu Palestinarra aitortu: Palestinaren eta Israelen arteko gatazkari behin betiko konponbidea emateko asmoz, Nazio Batuen Erakundeak (NBE) proposatutako "Estatu bien konponbidearen" logikan oinarrituta. Proposamen horrek nazioarteko komunitatearen gehiengoaren babesa du, baita aktore palestinar gehienena ere (PAN, Hamas,...).

- Okupazioarekin amaitu: Lurralde Palestinarren okupazioarekin amaitzea eskatzen dugu "NBEren Segurtasun Kontseiluaren 242. Ebazpenak" jasotzen duen moduan. Lurralde horietan Israelek daraman kolonizazio prozesuarekin amaitzea ere eskatzen dugu.

- Erasoekin amaitu: Eraso guztiekin eta baita Gazaren aurkako blokeo ororekin ere amaitzea eskatzen dugu.