2013 - Sjúkra - Samningaréttur

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/13/prof/216 .

1. Merkið við rétt svar.

1 point

a) Viljakenningin í samningarétti fjallar um, að löggerningar eigi að vera bindandi í þeirri mynd sem móttakandi þeirra mátti í góðri trú ætla.

b) Viljakenningin í samningarétti fjallar um, að túlka beri löggerninga þannig að staðreyna verði vilja beggja samningsaðila og að ná verði því markmiði sem þeir báðir stefndu að (vildu báðir).

c) Í greinargerð með samningalögunum frá 1936 er það sérstaklega áréttað að ætíð skuli leggja viljakenninguna til grundvallar í íslenskum samningarétti.

d) Þótt loforð sé skuldbindandi í skilningi samningaréttar, má alltaf afturkalla það eftir að það er komið til vitundar loforðsmóttakanda.

e) Ef orðin „án skuldbindingar“ eru sett í tilkynningu skoðast hún ekki sem loforð í skilningi samningaréttar.

Clear selection

2. Merkið við rétt svar.
Í Hrd. 282/2006, frá 1. júní 2006 (Radíó Reykjavík FM 104,5) komst Hæstiréttur að þeirri niðurstöðu að:

1 point

a) Að STEF væri skylt með dómi að undirrita samning, eins og krafist hafði verið af stefnanda.

b) Að samningur STEF um höfundarréttargjöld hefði verið ósanngjarn í skilningi 36. gr. sml. nr. 7/1936.

c) Að samningur STEF um höfundarréttargjöld hefði verið óheiðarlegur í skilningi 33. gr. sml. nr. 7/1936.

d) Að STEF yrði ekki gert skylt með dómi að gera samning um höfundarréttargjöld, eins og krafist hafði verið af stefnanda.

e) Að samningur STEF um höfundarréttargjöld hefði verið munnlegur, en allt að einu fullgildur.

Clear selection

3. Merkið við rétta fullyrðingu.
Ákvaðir í skilningi samningaréttar eru:

1 point

a) Þeir löggerningar, sem fyrst og fremst er ætlað að binda ákvaðarmóttakanda.

b) Þeir löggerningar, sem fyrst og fremst er ætlað að binda loforðsgjafann.

c) Þeir löggerningar, sem fyrst og fremst er ætlað að binda þann sem sendir slíka yfirlýsingu.

d) Þeir löggerningar, sem binda einungis ákvaðargjafa.

e) Allt ofangreint er rangt.

Clear selection

4. Merkið við rétt svar.

1 point

a) Almenna reglan er sú, að loforðsgjafi getur afturkallað loforð sitt eftir að loforðið er komið til vitundar loforðsmóttakandans.

b) Afturköllun loforðs er ákvöð.

c) Almennt má telja, að eftir því sem loforð er óljósara, hafi loforðsgjafi takmarkaðri afturköllunarrétt.

d) Ekki er hægt að afturkalla loforð, enda er ekki hægt að víkja einhliða frá meginreglu samningalaga um skuldbindingargildi samninga, þ.e. pacta sunt servanda.

e) Allar fullyrðingarnar eru rangar.

Clear selection

5. Merkið við rétt svar.

1 point

a) Loforð er viljayfirlýsing loforðsmóttakanda, sem felur í sér skuldbindingu af hans hálfu, og er beint til annars manns, eins eða fleiri (loforðsgjafa), og komin til vitundar hans fyrir tilstilli loforðsmóttakanda.

b) Loforð verður að beinast að nánar tilteknum aðila, því gæti loforð um t.d. fundarlaun ekki fallið undir skilgreiningu loforðs í samningarétti.

c) Loforð verður að koma til vitundar loforðsmóttakanda, og nægir í þeim efnum að það sé komið til hans.

d) Loforð, er viljayfirlýsing, og verður að fela það í sér að henni sé ætlað að skuldbinda loforðsmóttakanda.

e) Allar fullyrðingarnar eru rangar.

Clear selection

6. Merkið við rétt svar.
Í Hrd. 1923 á bls. 509 (Skógarnes) komst Hæstiréttur að þeirri niðurstöðu að:

1 point

a) Yfirlýsing verslunarstjóra á fundi með viðskiptamönnum um vöruverð, væri aðeins skuldbindandi fyrir þá viðskiptamenn sem þar voru staddir.

b) Yfirlýsing verslunarstjóra á fundi með viðskiptamönnum um vöruverð, væri aðeins skuldbindandi fyrir þá viðskiptamenn sem þar voru staddir og voru í reikningsviðskiptum.

c) Yfirlýsing verslunarstjóra á fundi með viðskiptamönnum um vöruverð, væri aðeins skuldbindandi fyrir þá viðskiptamenn sem þar voru staddir sem og umboðsmenn þeirra.

d) Yfirlýsing verslunarstjóra á fundi með viðskiptamönnum um vöruverð, væri skuldbindandi fyrir alla viðskiptamenn verslunarinnar, þótt þeir hefðu ekki verið á staðnum.

e) Yfirlýsing verslunarstjóra á fundi með viðskiptamönnum um vöruverð, væri aðeins skuldbindandi fyrir þá viðskiptamenn sem þar voru staddir og voru í staðgreiðsluviðskiptum.

Clear selection

7. Merkið við rétt svar.

1 point

a) Staðlaðir samningsskilmálar eru ýmist einhliða, tvíhliða eða lögbundnir.

b) Einhliða samningsskilmálar eru þeir skilmálar sem eiga bara við um einhliða loforð en ekki gagnkvæm eða marghliða samningssambönd.

c) Með tvíhliða samningsskilmálum er átt við skilmála sem gilda í gagnkvæmum, tvíhliða samningssamböndum.

d) Staðlaðir samningsskilmálar eru ýmist einhliða, tvíhliða eða opinberir.

e) Fullyrðingar c) og d) eru réttar.

Clear selection

8. Merkið við rétt svar.
Þegar rætt er um eiginlegan þriðjamannslöggerning er átt við:

1 point

a) Löggerning sem A, sem loforðsgjafi, og B gera sín á milli til hagsbóta fyrir C (þriðja mann) án aðkomu hans að samningi, en slíkur samningur stofnar beinan og sjálfstæðan rétt til handa C (þriðja manni).

b) Löggerning sem A, sem loforðsgjafi, og B gera sín á milli til hagsbóta fyrir C (þriðja mann) án aðkomu hans að samningi, en slíkur samningur stofnar að jafnaði ekki beinan og sjálfstæðan rétt til handa C (þriðja manni).

c) Löggerning sem er alltaf til hagsbóta fyrir þriðja mann og getur aldrei bakað honum skyldur af neinu tagi.

d) Formbundinn löggerning, sem er um leið þríhliða samningur loforðsgjafa, loforðsmóttakanda og þriðja manns.

e) Allflókna löggerninga sem varla er nokkur leið að skilja.

Clear selection

9. Merkið við rétta fullyrðingu.
Í Hrd. 357/1999, frá 3. febrúar 2000 (Starfslokasamningur starfsmanns við Landsbanka Íslands) komst Hæstiréttur að þeirri niðurstöðu að:

1 point

a) Ógilda ætti starfslokasamninginn í heild sinni þar sem hann hefði komist á fyrir nauðung skv. 28. gr. sml. nr. 7/1936.

b) Ógilda ætti starfslokasamninginn í heild sinni þar sem hann hefði komist á fyrir nauðung skv. 29. gr. sml. nr. 7/1936.

c) Ógilda ætti starfslokasamninginn í heild sinni þar sem hann hefði verið ósanngarn skv. 36. gr. sml. nr. 7/1936.

d) Ógilda ætti starfslokasamninginn í heild sinni þar sem hann hefði verið ósanngarn skv. 36. gr. c. sml. nr. 7/1936.

e) Allt ofangreint er rangt.

Clear selection

10. Merkið við rétt svar.
Í Hrd. 2. febrúar 1995, mál nr. 120/1993 (Lindalax) komst Hæstiréttur að þeirri niðurstöðu að:

1 point

a) Samningur umboðsmanns um kaup á löxum fyrir eldhús Flugleiða væri ógildur þar sem umboð hans hefði ekki verið skriflegt.

b) Samningur umboðsmanns um kaup á laxaseiðum hefði verið ógildur, þar sem umboðsmaðurinn hafði einungis munnlegt umboð (18. gr. umboð).

c) Samningur umboðsmanns um kaup á laxaseiðum væri gildur og að hann þyrfti að efna (pacta sunt servanda).

d) Umboðsmaður hefði verið skaðabótaskyldur samkvæmt 1. mgr. 25. gr. samningalaga nr. 7/1936.

e) Svör d) og c) eru rétt.

Clear selection

11. Merkið við rétt svar.
Þegar um umboð samkvæmt 18. gr. samningalaga er að ræða (heimildarumboð) er:

1 point

a) Alltaf skilyrði að viðsemjandinn viti með hvaða hætti umbjóðandi veitti umboðsmanni umboð.

b) Alltaf skilyrði að umboðsþáttur og heimildarþáttur umboðsins fari saman.

c) Ekki alltaf skilyrði að umboðsþáttur og heimildarþáttur umboðsins fari saman.

d) Alltaf nauðsynlegt að fyrir liggi skriflegur samningur milli umbjóðanda og umboðsmanns.

e) Allt framangreint er rangt.

Clear selection

12. Merkið við rétt svar.
Nauðung skv. 29. gr. samningalaga:

1 point

a) Tekur einungis til þess þegar hótun beinist að löggerningsgjafanum sjálfum.

b) Gildir einungis gagnvart grandlausum löggerningsmóttakanda.

c) Gildir einungis gagnvart grandsömum löggerningsmóttakanda.

d) Tekur einungis til skriflegra löggerninga.

e) Allt framangreint er rangt.

Clear selection

13. Merkið við rétt svar.

1 point

a) Málamyndagerningur hefur aldrei skuldbindingargildi eftir efni sínu.

b) Ef aðili veitir gagnaðila rangar upplýsingar við samningsgerð er sá samningur ávallt ógildanlegur.

c) Ef aðili beitir gagnaðila nauðung við samningsgerð er sá samningur ávallt ógildanlegur.

d) Löggerningur sem er falsaður getur skuldbundið loforðsgjafa, m.a. á grundvelli eftirfarandi samþykkis.

e) Löggerningur sem er kominn á fyrir svik er aldrei skuldbindandi fyrir loforðsgjafa.

Clear selection

14. Merkið við rétt svar.
Í dómi Hæstaréttar 2003, 2459 (Brian Tracy):

1 point

a) Var talið að ekki væri rétt að ógilda kaupsamning, enda var það ekki gert að skilyrði við samningsgerð að samþykki erlenda rétthafans fengist.

b) Var talið að kaupsamningur ætti að vera bindandi. Verðákvæði hans var þó breytt á grundvelli 36. gr. sml.

c) Var ekki fallist á að loforðsmóttakandi hefði haft rangar forsendur fyrir gerð samnings.

d) Var samningur ógiltur þar sem meginforsenda hans hafði brostið.

e) Var talið að forsendur hefðu ekki brostið vegna atvika sem vörðuðu seljandann og því ekki fallist á ógildingu.

Clear selection

15. Merkið við rangt svar.
Í ógildingarreglu samningaréttar um að samningar megi ekki fara gegn góðu siðferði, felst að:

1 point

a) Loforð verða að samrýmast almennu velsæmi.

b) Loforð geta verið réttmæt, en ekki siðferðilega rétt að knýja fram efndir þeirra.

c) Undir ógildingarregluna falla samningar um vændi.

d) Undir ógildingarregluna falla samningar um kaup á líffærum úr lifandi fólki.

e) Allt ofangreint er rangt.

Clear selection

16. Merkið við rétt svar.
Í Hrd. 16. september 2010, mál nr. 648/2009 (Starfslok, trúnaðarskylda, Félag íslenskra stórkaupmanna) komst Hæstiréttur að þeirri niðurstöðu að:

1 point

a) Ógilda bæri starfslokasamning þar sem hann hefði komist á fyrir meiri háttar nauðung og að tilkynningarskyldu 28. gr. samningalaga nr. 7/1936 hefði verið fullnægt.

b) Ógilda bæri starfslokasamning þar sem það taldist nægilega sannað að hann hefði verið gerður til málamynda, sbr. 34. gr. samningalaga nr. 7/1936.

c) Ógilda bæri starfslokasamning þar sem nægilega taldist sannað að hann hefði komist á fyrir fölsun fyrrum framkvæmdastjórans.

d) Ógilda bæri starfslokasamning þar sem efni hans hefði verið andstætt lögum, sbr. ólögfesta meginreglu samningaréttar.

e) Allt ofangreint er rangt.

Clear selection

17. Merkið við rétt svar.
Í Hrd. 1984 bls. 1096 (Vélbáturinn Hamravík) komst Hæstiréttur að þeirri niðurstöðu að:

1 point

a) Hvorugur aðili væri bundinn við kaupsamninginn á grundvelli réttarreglunnar um brostnar forsendur, þar sem innflutningsleyfi fékkst ekki fyrir bátinn.

b) Ógilda bæri samninginn á grundvelli 36. gr. samningalaga þar sem kaupverð bátsins hefði verið ósanngjarnt.

c) Ógilda bæri samninginn á grundvelli 36. gr. samningalaga þar sem hvorugur aðili hefði haft vitneskju um ný lög um kvóta á smábáta, sem sett voru af Alþingi skömmu eftir kaupin.

d) Ógilda bæri samninginn á grundvelli þess að undirskrift hins norska seljanda var talin hafa verið fölsuð.

e) Allt ofangreint er rangt.

Clear selection

18. Merkið við rétt svar.

1 point

a) Ógildingarreglur samningaréttar eru allar lögfestar.

b) Ógildingarreglur samningaréttar eru flestar ólögfestar.

c) Ógildingarreglur samningaréttar eru allar ólögfestar.

d) Ógildingarreglur samningaréttar hafa mótast á löngum tíma og eru að hluta til ólögfestar.

e) Ógildingarástæða í samningarétti telst jafnframt vanheimild í kröfurétti.

Clear selection

19. Merkið við rétta fullyrðingu.
Í Hrd. 290/2006 frá 7. desember 2006 (Byggingarfélagið Hyrna, verðtrygging í kaupsamningi) komst Hæstiréttur að þeirri niðurstöðu að:

1 point

a) Ógilda ætti kaupsamning um fasteign í heild sinni á grundvelli 36. gr. sml. nr. 7/1936.

b) Ógilda ætti kaupsamning um fasteign í heild sinni á grundvelli 36. gr. c. sml. nr. 7/1936.

c) Ógilda ætti verðtryggingarákvæði kaupsamnings um fasteign á grundvelli 33. gr. sml. nr. 7/1936.

d) Ógilda ætti verðtryggingarákvæði í kaupsamningi um fasteign á grundvelli 36. gr. sml. nr. 7/1936.

e) Breyta ætti verðtryggingarákvæði í kaupsamningi um fasteign á grundvelli 36. gr. c. sml. nr. 7/1936.

Clear selection

20. Merkið við rétta fullyrðingu.

1 point

a) Rangar forsendur í samningarétti er sterk ógildingarástæða.

b) Rangar forsendur í samningarétti fjalla um það þegar einstaklingur hefur misskilið samningaviðræður þar sem þær hafa farið fram á erlendu tungumáli.

c) Rangar forsendur í samningarétti er þegar annar samningsaðila gerir mistök við samningsgerð, þannig að samningur verður annars eðlis en ætlast var til.

d) Rangar forsendur í samningarétti fjalla um það þegar einstaklingur hefur misskilið samningaviðræður þar sem hann hefur ekki lært nógu mikið í lögfræði.

e) Öll ofangreind svör eru röng.

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms