14 жнiўня запрашаем на лекцыю Андрэя Дубініна, прысвечаную макументары – жанру, які імітуе дакументальны стыль фатаграфіі, але пры гэтым з'яўляецца пастановачным, то бок апавядая  прыдуманыя гісторыі. Для стварэння ілюзіі рэальнасці аўтары звычайна звяртаюцца да фальсіфікацый і містыфікацый.

Лекцыя арыентавана на ўсix, хто цікавіцца выкарыстаннем выдумкі і  праўдападобнасці ў аб'ектах візуальных мастацтваў, механікамi сістэм успрымання і ідэнтыфікацыі ў чалавека ці папросту пастановачнай фатаграфіяй у самым шырокiм сэнсе.

🛸 11-14 верасня ў гарах на поўдні Польшчы будзе праходзiць тэматычны фота-лагер ФШ1, падчас якога ўдзельнiкi будуць працаваць над стварэннем сумеснага макументары-праекта. Калi вы жадаеце прыняць удзел, наведванне гэтай лекцыi спатрэбіцца вам для падрыхтоўкi i пачатку працы над праектам.

👉 Сустрэча адбудзецца 14 жніўня ў прасторы Дужы Покуй – Warecka 4/6, Warszawa (уваход з Kubusia Puchatka)

ФШ1 – платформа, асноўная мэта якой стварэнне прасторы і ўмоў для вольнай фатаграфічнай творчасці і аб'яднання фатографаў з Беларусі.

Мы займаемся арганізацыяй сустрэч, дыскусій і адукацыйных мерапрыемстваў – лекцый, майстар-класаў і артыст-токаў. Будуем супольнасць, дапамагаем аўтарам заявіць пра сябе, наладжваем міжнародныя сувязі.

Апрацоўка персанальных дадзеных

Адміністратарам і кантралёрам збору персанальных дадзеных праз анкету ніжэй з’яўляецца ФШ1: беларуская фатаграфічная платформа.
Падаючы гэтую заяўку, вы згаджаецеся на апрацоўку вашых персанальных дадзеных (імя, кантактная інфармацыя, біяграфія і інш.) платформай ФШ1 выключна для мэт арганізацыі сустрэчы «Макументары. Лекцыя Андрэя Дубініна у ФШ1», а таксама (калі запаўняецца апошні пункт формы)  для будучага рассылання анонсаў ФШ1.

Дадзеныя не будуць перададзены трэцім асобам і будуць выдалены не пазней чым праз 10 год пасля завяршэння паездкі.

Вы маеце права звярнуцца з запытам на выдаленне або выпраўленне сваіх дадзеных, напісаўшы на fsh1minsk@gmail.com.