2023 - Vor - Bótaréttur II

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/14/prof/738 .

1. Hver af eftirfarandi fullyrðingum er réttust um endurtryggingar?:

1 point

a) Hér á landi hafa endurtryggingar ekki náð að ryðja sér almennilega til rúms.

b) Svið endurtrygginga tekur til vátryggingarsamninga, sem vátryggingafélög gera við önnur vátryggingafélög, til þess að takmarka áhættu sína vegna tjóns í vátryggingum, sem félögin gera við einstaka vátryggingartaka (frumtryggingar).

c) Endurtryggingar dreifa áhættunni óverulega og er það ein ástæða þess að endurtryggingar hafa verið umdeildar.

d) Réttarsamband stofnast á milli vátryggingartaka frumtryggingarinnar og endurtryggjandans sem og milli frumtryggjanda og endurtryggjanda.

e) Ekkert af framangreindu er rétt.

Clear selection

2. Vátryggingaréttur:

1 point

a) Fellur í meginatriðum undir allsherjarrétt.

b) Fellur á engan hátt undir stjórnsýslurétt.

c) Tekur m.a. til svonefnds vátryggingarsamningaréttar.

d) Fjallar fyrst og fremst um svonefndar endurtryggingar.

e) Hefur engin tengsl við skaðabótarétt.

Clear selection

3. Hver eftirfarandi fullyrðinga er réttust um vátryggingafélög?:

1 point

a) Félag sem stofnað er hér á landi í því skyni að reka vátryggingastarfsemi þarf að sækja um leyfi til Neytendastofu sem hefur eftirlit með starfseminni.

b) Æskilegt væri að gerðar væru ríkar kröfur til vátryggingafélaga um fjárhagsstöðu þeirra, svo og hvernig gjaldþol þeirra skal metið en ekki hefur náðst samstaða um slíkar reglur.

c) Samkeppniseftirlitið hefur heimild til að svipta vátryggingafélag starfsleyfi, uppfylli það ekki lögbundnar kröfur.

d) Meginreglan er sú að vátryggingafélag má ekki reka aðra starfsemi en þá vátryggingastarfsemi sem það hefur fengið sérstakt leyfi til að stunda samkvæmt lögum um vátryggingastarfsemi.

e) Ekkert af ofangreindu.

Clear selection

4. Vátryggingafélag getur neitað að framlengja vátryggingu sem á að gilda í eitt ár eða lengur að vissum skilyrðum fullnægðum. Hvert eftirtalinna atriða er ekki meðal skilyrða fyrir því að félagið geti synjað um endurnýjun?:

1 point

a) Að tilkynning vátryggingafélagsins til vátryggingartaka sé skrifleg og rökstudd.

b) Að félagið upplýsi vátryggingartaka um að ágreining megi leggja fyrir úrskurðarnefnd í vátryggingamálum.

c) Að félagið hafi áður varað vátryggingartaka við fyrirhugaðri synjun um endurnýjun.

d) Að fyrir hendi séu sérstakar aðstæður sem gefa tilefni til synjunar um endurnýjun.

e) Að vátryggingartaka sé tilkynnt um það með minnst tveggja mánaða fyrirvara að vátryggingin verði ekki endurnýjuð.

Clear selection

5. Hver eftirtalinna fullyrðinga er röng um endurnýjun vátrygginga?:

1 point

a) Vátryggðum er þó ekki skylt að tilkynna um uppsögn fyrr en tvær vikur eru til loka tímabilsins.

b) Engin krafa er gerð um tiltekið form uppsagnar vátryggðs eða hún þurfi að uppfylla tiltekin efnisskilyrði.

c) Vátryggðum er heimilt er að segja vátryggingu upp innan mánaðar eftir að vátryggingafélagið sendi venjulega tilkynningu um gjalddaga hins nýja tímabils.

d) Í lögum um vátryggingasamninga er jafnræði milli vátryggingartaka og vátryggingafélags hvað varðar heimildir til að endurnýja ekki vátryggingarsamning og reglurnar því svipaðar hvort sem þær varða vátryggingartaka eða vátryggingafélag.

e) Líftryggingum má segja upp hvenær sem er.

Clear selection

6. Helsta skylda vátryggingartaka samkvæmt vátryggingarsamningi er að:

1 point

a) Veita réttar og fullnægjandi upplýsingar við töku vátryggingarinnar.

b) Hlíta varúðarreglum sem félagið hefur sett.

c) Kynna sér vátryggingarskilmála vátryggingarinnar, einkum ákvæði sem takmarka gildissvið vátryggingarinnar.

d) Greiða iðgjaldið eigi síðar en á gjalddaga.

e) Veita réttar og fullnægjandi upplýsingar þegar vátryggingaratburður hefur orðið.

Clear selection

7. Hver af eftirfarandi fullyrðingum er réttust um skilyrði fyrir því að áhættuaukning hafi þau réttaráhrif að ábyrgð vátryggingafélags falli niður eða sæti takmörkunum?:

1 point

a) Vátryggingafélag getur sett í skilmála sína varúðarreglur sem vátryggðum ber að fara eftir. Það hefur þó ekki miklar afleiðingar þó vátryggður fari ekki eftir þeim og valdi við það vátryggingaratburði.

b) Á grundvelli 87. gr. vsl. getur félagið ekki takmarkað ábyrgð sína ef vátryggður setur sig sjálfur í tiltekna hættu.

c) Til þess að félagið geti nýtt þá heimild, sem er í 24. gr. og 87. gr. vsl. til að takmarka ábyrgð sína í heild eða að hluta, verður félagið að gera um það sérstakan fyrirvara.

d) Í 87. gr. vsl. er að finna takmarkanir á heimildum vátryggingafélags til þess að takmarka ábyrgð sína í skaðatryggingum við utanaðkomandi eða ytri atvik sem vátryggður hefur ekki stjórn á.

e) Ekkert af framangreindu er rétt.

Clear selection

8. Hver af eftirfarandi fullyrðingum er réttust um réttaráhrif stórkostlegs gáleysis í skaðatryggingum?:

1 point

a) Þótt tjón, sem vátryggður veldur af ásetningi falli utan ábyrgðar félagsins samkvæmt 1. mgr. 27. gr. vsl., ber félagið fulla ábyrgð þótt hinn vátryggði hafi bakað sér skaðabótaábyrgð með háttsemi sem telst stórkostlegt gáleysi.

b) Það er undantekning í vátryggingarétti, að félagið beri fulla ábyrgð gagnvart vátryggðum og einnig gagnvart tjónþola, þótt sá síðarnefndi hafi orðið skaðabótaskyldur vegna stórkostlegs gáleysis síns.

c) Óheimilt er að líta til þess hvort vátryggður var undir áhrifum áfengis eða fíkniefna, sem hann hafði sjálfviljugur neytt, þegar hann olli vátryggingaratburði.

d) Í skaðatryggingum getur vátryggingafélag borið ábyrgð í undantekningartilvikum þó vátryggingaratburði sér valdið af ásetningi.

e) Ekkert af framangreindu er rétt.

Clear selection

9. Hvaða atvik geta takmarkað ábyrgð vátryggingafélags?

1 point

a) Þegar vátryggður veldur vátryggingaratburði af ásetningi, breytingar verða á vátryggðri áhættu, vátryggður hefur brotið varúðarreglur og þegar vátryggingafélag hefur sett hlutlægar ábyrgðartakmarkanir í skilmála, allt að uppfylltum nánar tilgreindum skilyrðum í lögum um vátryggingasamninga.

b) Þegar breytingar verða á vátryggðri áhættu, vátryggður veldur vátryggingaratburði af ásetningi eða gáleysi, vátryggður hefur brotið varúðarreglur og þegar vátryggingafélag hefur sett hlutlægar ábyrgðartakmarkanir í skilmála, allt að uppfylltum nánar tilgreindum skilyrðum í lögum um vátryggingasamninga.

c) Þegar vátryggður veldur vátryggingaratburði af ásetningi, vátryggður hefur brotið varúðarreglur og þegar vátryggingafélag hefur sett hlutlægar ábyrgðartakmarkanir í skilmála, allt að uppfylltum nánar tilgreindum skilyrðum í lögum um vátryggingasamninga.

d) Öll ofangreind svör eru rétt.

e) Ekkert ofangreindra svara er rétt.

Clear selection

10. Hver eftirtalinna fullyrðinga er rétt?:

1 point

a) Í dómi Hæstaréttar í máli nr. 317/ 2002 (opinn gluggi í iðnaðarhverfi) var ekki fallist á að það hafi verið stórfellt gáleysi að skilja glugga í tveggja metra hæð í iðnaðarhúsnæði við Bíldshöfða í Reykjavík eftir opinn yfir helgi.

b) Það skiptir engu máli við mat á skerðingu þó vátryggður hafi verið undir áhrifum áfengis.

c) Hafi vátryggingaratburði verið valdið af stórfelldu gáleysi eða ásetningi þá leiðir það til skerðingar bóta að fullu.

d) Við mat á skerðingu skv. 2. mgr. 27. gr. laga um vátryggingasamninga má einungis líta til sakar vátryggðs, hvernig vátryggingaratburð bar að og hvort vátryggður var undir áhrifum áfengis eða fíkniefna sem hann hafði sjálfviljugur neytt.

e) Í dómi Hæstaréttar í máli nr. 272/2002 (vélarrúm yfirgefið með vél í gangi) þá hafði vélarrúm verið yfirgefið í um 15 mínútur á meðan verkfæri sem þurfti til viðgerða voru sótt. Var þetta talið stórfellt gáleysi af hálfu starfsmannanna sem yfirgáfu vélarrúmið.

Clear selection

11. Í lögum um vátryggingasamninga er hugtakið varúðarregla skilgreint. Hvaða fullyrðing er réttust um varúðarreglur?

1 point

a) Ekki er gerður áskilnaður að í varúðarreglum séu fyrirmæli þannig að í þeim felist almenn krafa til efnis þeirra.

b) Í tíð eldri laga var óalgengt að varúðarregla væri í raun orðuð sem hlutlæg ábyrgðartakmörkun.

c) Fyrirmæli í varúðarreglu þurfa ekki að vera skýr og ótvíræð heldur nægir almenn tilvísun til laga um vátryggingarsamninga.

d) Ef um er að ræða hlutlæga ábyrgðartakmörkun ber félagið ekki ábyrgð, en ábyrgð félagsins fellur ekki fyrirvaralaust niður ef varúðarregla er brotin.

e) Í ÚNV 19. febrúar 2013 (11/2013) Rickshaw taldi úrskurðarnefndin að skýra bæri varúðarregluna sem til álita kom rýmkandi skýringu og taldi að farangur hefði verið skilinn eftir á almannafæri.

Clear selection

12. Í 26. gr. vsl. kemur fram að félagið geti ekki borið fyrir sig fyrirvara um takmörkun ábyrgðar vegna brots á varúðarreglu ef ekki er við vátryggðan að sakast eða sök hans er óveruleg. Í kröfu ákvæðisins um að sök sé ekki óveruleg felst:

1 point

a) Að gerð er sama krafa til saknæmis og í b-lið 1. mgr. 26. skaðabótalaga varðandi „ólögmæta meingerð“.

b) Að gerð er sama krafa til saknæmis og gerð er samkvæmt sakarreglunni í skaðabótarétti.

c) Að gerð er meiri krafa til saknæmis en samkvæmt 26. gr. skaðabótalaga en ekki svo að krafist sé stórkostlegs gáleysis.

d) Að gerð er sama krafa um saknæmi og krafist er svo um stórkostlegt gáleysi sé að ræða.

e) Að krafa um saknæmi þurfi að uppfylla tilteknar kröfur um skýrleika.

Clear selection

13. Hvaða fullyrðing er röng um dreifingu vátrygginga?:

1 point

a) Lögin gilda ekki um dreifingu aukaafurða að uppfylltum nánar tilgreindra skilyrða.

b) Það skiptir ekki máli samkvæmt lögunum hvort verið sé að dreifa vátryggingu einungis eða dreifa vátryggingu sem aukaafurð (add-on).

c) Lögin gilda um, vátryggingamiðlara, vátryggingaumboðsmenn, aðila sem dreifa vátryggingu sem aukaafurð og vátryggingafélög hér á landi.

d) Lögin um dreifingu vátrygginga eru nýleg.

e) Öll svörin hér að ofan eru rétt.

Clear selection

14. Hver eftirtalinna fullyrðinga er röng um tilkynningarskyldu vátryggingafélags?:

1 point

a) Ef vátryggingafélag ætlar í skaðatryggingum að bera fyrir sig að það sé laust úr ábyrgð í heild eða hluta samkvæmt reglum IV. kafla skal það tilkynna vátryggingartaka eða vátryggðum þá afstöðu sína án ástæðulauss dráttar eftir að félaginu var kunnugt um atvik sem leyst gátu það undan ábyrgð.

b) Ef vátryggingafélag ætlar í persónutryggingum að bera fyrir sig að það sé laust úr ábyrgð í heild eða hluta samkvæmt reglum XIII. kafla skal það tilkynna þeim sem á rétt til vátryggingabóta í persónutryggingum þá afstöðu sína án ástæðulauss dráttar eftir að félaginu var kunnugt um atvik sem leyst gátu það undan ábyrgð.

c) Samkvæmt dómaframkvæmd er sá frestur sem vátryggingafélögin hafa til að tilkynna að þau séu laus úr ábyrgð í heild eða hluta talinn vera um 8 mánuðir.

d) Öll framangreind svör eru röng.

e) Ekkert framangreindra svara er rangt.

Clear selection

15. Hver eftirfarandi fullyrðinga er réttast varðandi tvítryggingu?:

1 point

a) Það getur verið mjög hagfellt að tvítryggja sömu muni, jafnvel þrítryggja.

b) Tvítryggingar eiga sér enga stoð í raunveruleikanum enda engum sem dettur í hug að tryggja sömu hagsmuni tvisvar.

c) Ef sama tjón fellur undir fleiri en eina skaðatryggingu getur vátryggður ekki valið hvaða vátryggingu hann vill nota þar til hann hefur fengið þær bætur sem hann á kröfu til.

d) Ef sama tjón fellur undir fleiri en eina skaðatryggingu þá getur vátryggður sótt í þær allar og fengið tjón sitt yfirbætt.

e) Ef sama tjón fellur undir fleiri en eina persónutryggingu þá getur vátryggður sótt í þær allar og fengið fullar bætur úr þeim öllum.

Clear selection

16. Til skaðatrygginga teljast m.a.:

1 point

a) Bifreiðatryggingar og almannatryggingar.

b) Eignatryggingar og persónutryggingar.

c) Heimilistryggingar og líftryggingar.

d) Brunatryggingar og sjúkratryggingar.

e) Sjóvátryggingar og ábyrgðartryggingar.

Clear selection

17. Hver eftirtalinna fullyrðinga er réttust?:

1 point

a) Samsömun í vátryggingarétti verður ekki beitt á grundvelli einhliða ákvörðunar vátryggingafélags, heldur verður ákvörðun um það að vera reist á sérstakri heimild í lögum. Í vsl. er því farin sú leið að mæla með tæmandi hætti fyrir um hvenær heimilt sé að beita samsömun.

b) Samsömun í vátryggingarétti verður beitt á grundvelli einhliða ákvörðunar vátryggingafélags og sérstakrar heimildar í vátryggingarsamningi eða almennum ólögfestum reglum. Í vsl. er samkvæmt þessu farin blönduð leið við skipan þess hvenær heimilt sé að beita samsömun.

c) Samsömun í vátryggingarétti verður ekki beitt á grundvelli einhliða ákvörðunar vátryggingafélags, heldur verður ákvörðun um það að vera reist á sérstakri heimild í lögum, vátryggingarsamningi eða almennum ólögfestum reglum. Í vsl. er farin blönduð leið við skipan þess hvenær heimilt sé að beita samsömun.

d) Samsömun í vátryggingarétti verður beitt á grundvelli einhliða ákvörðunar vátryggingafélags og ákvörðun um það verður að vera reist á sérstakri heimild í vátryggingarsamningi eða almennum ólögfestum reglum. Í vsl. er samkvæmt þessu farin blönduð leið við skipan þess hvenær heimilt sé að beita samsömun.

e) Samsömun í vátryggingarétti verður ekki beitt á grundvelli einhliða ákvörðunar vátryggingafélags, heldur verður ákvörðun um það að vera reist á sérstakri heimild í vátryggingarsamningi eða almennum ólögfestum reglum. Í vsl. er litið til þessa við skipan þess hvenær heimilt sé að beita samsömun.

Clear selection

18. Starfsmaður sem verður fyrir slysi af völdum saknæmrar háttsemi vinnufélaga síns getur krafist bóta beint frá vátryggingafélagi sem ábyrgðartryggir vinnuveitandann, en vátryggður er:

1 point

a) Vinnufélaginn sem olli slysinu.

b) Starfsmaðurinn sem slasaðist.

c) Vinnuveitandi þess slasaða.

d) Vátryggingafélag þess sem slysinu olli.

e) Vátryggingafélag vinnuveitandans.

Clear selection

19. Hver eftirtalinna fullyrðinga er röng?:

1 point

a) Almennt einkennir það sjúkratryggingar að þær veita bætur fyrir varanlega örorku og tímabundinn starfsorkumissi.

b) Slysatryggingar eru útbreiddastar af persónutryggingum.

c) Persónutryggingar lúta að hagsmunum vátryggða sjálfs þó öðru máli geti gengt í líftryggingum.

d) Til eru ýmis afbrigði líftrygginga, m.a. dánaráhættulíftryggingar og söfnunarlíftryggingar.

e) Það er alla jafna þannig að sé einstaklingur með sjúkratryggingu þá tekur hún til hvers konar sjúkdóma sem viðkomandi getur fengið og stofnast þá réttur til bóta við það að viðkomandi veikist.

Clear selection

20. Hver eftirtalinn fullyrðinga er röng?:

1 point

a) Lög um vátryggingasamninga veita almennt frelsi til að tilnefna rétthafa í líftryggingum.

b) Í lögum um vátryggingasamninga er vátryggingartaka í líftryggingu veittar mjög litlar skorður til að velja rétthafa tryggingarinnar sjálfur.

c) Í skaðatryggingum er réttur meðvátryggðs reistur á lögum um vátryggingasamninga.

d) Staða maka var styrkt með ákvæðum um réttindi þriðja manns í persónutryggingum þegar lög um vátryggingasamninga voru sett.

e) Ef rétthafi í líftryggingu er ekki tilnefndur þá gilda ákvæði 100. gr. laga um vátryggingasamninga.

Clear selection

21. Hver eftirfarandi skýringarreglna hefur þýðingu í almennum hluta samningaréttar en að sama skapi litla þýðingu í vátryggingarétti?:

1 point

a) Andskýringarreglan.

b) Reglan um samræmisskýringu.

c) Meðskýringarreglan.

d) 36. gr. laga nr. 7/1936 með síðari breytingum.

e) Markmiðsskýringarreglan.

Clear selection

22. Við það er miðað að brunatrygging fyrir hús í smíðum taki gildi:

1 point

a) Þegar félagið hefur samþykkt vátrygginguna.

b) Þegar beiðni um vátrygginguna er afhent félaginu.

c) Þegar félagið krefur vátryggingartaka um iðgjaldið.

d) Þegar byggingarframkvæmdir hefjast.

e) Þegar byggingarleyfi er veitt fyrir byggingu hússins.

Clear selection

23. Ef vátryggingafélag gerir fyrirvara um að ábyrgð þess í líftryggingu hefjist fyrst þegar iðgjaldið hefur verið greitt, skal félagið:

1 point

a) Bjóða sérstaka bráðabirgðavernd vegna tiltekinna sjúkdóma.

b) Bjóða sérstaka bráðabirgðavernd vegna slysa og veikinda.

c) Bjóða að iðgjaldið megi greiða strax án þess að áhættumat fari fram.

d) Bjóða sérstaka bráðabirgðavernd vegna andláts.

e) Gefa vátryggingartaka kost á að greiða iðgjaldið í áföngum þegar þess hefur verið krafist.

Clear selection

24. Hver eftirtalinna fullyrðinga er röng?:

1 point

a) Það er einkum við tvenns konar tækifæri sem upplýsingaskylda vátryggingafélags verður virk; í fyrsta lagi fyrir og við gerð vátryggingarsamnings og í öðru lagi við endurnýjun hans.

b) Í vsl. er mælt fyrir um þá meginreglu að tungumál vátryggingarskilmála skuli vera íslenska.

c) Samkvæmt ákvæðum vsl. hvílir sérstök skylda á vátryggingafélögum til að upplýsa ungt fólk og nýbúa um meginatriði íslenskrar löggjafar sem gildir um það réttarsamband sem verið er að stofna til.

d) Almennt má segja að upplýsingaskylda vátryggingafélags sé víðtækari í persónutryggingum en skaðatryggingum.

e) Vsl. hafa ekki að geyma bein fyrirmæli um að upplýsingar sem félagið á að veita, vátryggingarsamningurinn eða vátryggingarskírteinið, skuli aðeins vera á skriflegu pappírsformi.

Clear selection

25. Hver af eftirfarandi fullyrðingum er röng um vexti?:

1 point

a) Meginreglan er sú að vátryggður á rétt á almennum vöxtum af kröfu sinni, þegar liðnir eru tveir mánuðir frá því að tilkynning um vátryggingaratburð var send félaginu.

b) Frá meginreglunni er að finna undantekningu í 5. mgr. 50. gr. og 4. mgr. 123. gr. vsl., sem er sama efnis og 2. mgr. 8. gr. laga nr. 38/2001.

c) Sérregla gildir skv. 3. mgr. 50. gr. vsl. um tilvik þegar félaginu ber að bæta tjón vegna rekstrarstöðvunar eða afnotamissis, en þá stofnast skylda til greiðslu vaxta einum mánuði eftir lok þess tímabils, sem félaginu ber að bæta.

d) Þá gildir sú undantekning í skaðatryggingum að ef félagið á að greiða tiltekna fjárhæð og gjalddagi hennar er fyrirfram ákveðinn, þá skuli greiða vexti frá gjalddaga.

e) Engin af framangreindum fullyrðingum er röng.

Clear selection

26. Starfsmaður sem verður fyrir slysi af völdum saknæmrar háttsemi vinnufélaga síns getur krafist bóta beint frá vátryggingafélagi sem ábyrgðartryggir vinnuveitandann, en vátryggður er þá:

1 point

a) Vátryggingafélag þess sem slysinu olli.

b) Vinnufélaginn sem olli slysinu.

c) Starfsmaðurinn sem slasaðist.

d) Vinnuveitandi þess slasaða.

e) Vátryggingafélag vinnuveitandans.

Clear selection

27. Hver eftirtalinna fullyrðinga er réttust varðandi atvik sem ráða niðurstöðu mats á því hvort um einn eða fleiri vátryggingaratburði er að ræða?:

1 point

a) Minni líkur eru til þess að um einn vátryggingaratburð sé að ræða ef tjónin verða á stuttum tíma og á sama stað eða á sama svæði.

b) Það ber að horfa til þess hvort um eina orsök eða fleiri sé að ræða og hve nærri atvikin séu í tíma og rúmi.

c) Almennt er gengið út frá því í ábyrgðartryggingum að mörg tjónstilvik, sem leiða af einni og sömu orsök teljast fleiri en einn vátryggingaratburður.

d) Í Hrd. 17. nóvember 2011 (123/2011) spannaði vanræksla byggingarstjóra tímabilið í næstum tvö og hálft ár. Gallar voru á sameign fjöleignarhússins og á séreign að minnsta kosti þriggja íbúða. Samt var talið að um marga vátryggingaratburði væri að ræða.

e) Engin framangreindra fullyrðinga er rétt.

Clear selection

28. Hver eftirtalinna fullyrðinga er réttust?:

1 point

a) Reglan í 1. mgr. 25. gr. skaðabótalaga nr. 50/1993 á við þegar annað hvort enginn eða allir hinna skaðabótaskyldu eru ábyrgðartryggðir.

b) Ef sá sem tjóni veldur er ábyrgðartryggður kæmi til álita að lækka eða fella niður skaðabótaábyrgð hans á grundvelli 24. gr. skaðabótalaga nr. 50/1993, enda yrði bótaskyldan honum þá verulega þungbær.

c) Reglan í 1. mgr. 22. gr. skaðabótalaga nr. 50/1993 felur í sér víðtækan endurkröfurétt vátryggingafélaga, enda er gildissvið ákvæðisins rúmt þar sem það víkur ekki fyrir reglum 19. og 20. gr.

d) Ef vátryggingafélag hefur greitt bætur úr slysatryggingu, vegna vátryggingaratburðar sem verður fyrir tilstilli skaðabótaskyldrar háttsemi, öðlast það kröfu á hendur hinum skaðabótaskylda.

e) Engin framangreindra fullyrðinga er rétt.

Clear selection

29. Slysatryggingar almannatrygginga:

1 point

a) Teljast til skyldubundinnar einkavátryggingar.

b) Eru sá þáttur almannatrygginga sem á sér hvað lengsta sögu hér á landi.

c) Fela í sér lakari réttindi en III. kafli atl. um lífeyristryggingar.

d) Tryggja bætur vegna örorku sem eru meira tekjutengdar en aðrar bætur.

e) Ekkert af framangreindu er rétt.

Clear selection

30. Hver eftirtalinna fullyrðinga er réttust?:

1 point

a) Ákvörðunum Tryggingastofnunar ríkisins og Sjúkratrygginga Íslands verður almennt skotið til úrskurðarnefndar í vátryggingamálum.

b) Ólíkt því sem gildir á sviði skaðabótaréttar og vátryggingaréttar hvílir engin skylda á bótaþega til að takmarka tjón sitt samkvæmt reglum almannatryggingaréttar.

c) Á sviði almannatrygginga gilda mun minni takmarkanir á framsali krafna en á sviði skaðabótaréttar og vátryggingaréttar.

d) Til bótagreiðslna úr almannatryggingum kemur almennt ekki nema sótt sé um þær.

e) Almannatryggingar falla í meginatriðum undir svið einkaréttar.

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms