Umsókn um úthlutun úr höfundarsjóði Félags kvikmyndagerðarmanna fyrir kvikmyndaverk* sem frumsýnd voru í sjónvarpi, kvikmyndahúsi, streymisveitum eða gefin út og birt opinberlega árið 2024. Eingöngu er veitt höfundagreiðsla fyrir fyrstu sýningu verksins.

Úthlutað er fyrir fyrstu frumsýningu kvikmyndverka með undantekningu á endursýningu eldri verka sem hefur verið endursamið um sýningar á (miðað við minnst 10 ár  frá upphaflegri frumsýningu). Úthlutunarnefnd  metur í hverju tilviki hvort slík endursýning teljist „ný“ sýning.

Með rétt höfunda fer samkvæmt samþykktum og úthlutunarreglum Félags kvikmyndagerðarmanna samber 11. gr. höfundalaga nr. 73/1972 og laga nr. 88/2019 um sameiginlega umsýslu. Eingögnu er veittur styrkur til eftirfarandi aðalhöfunda með vísan í úrskurði gerðadóma IHM 1999 og 2020.

Eftirfarandi höfundar kvikmyndaverka eiga rétt á höfundagreiðslum fyrir hlut sinn í gerð bíómynda, heimildamynda, sjónvarpsþátta, fræðslumynda, tilraunamynda, tónlistarmyndbanda, fréttamynda, hreyfimynda og annarra kvikmyndaverka sem voru frumsýnd 2024.

-  Kvikmyndastjórar (fyrir stjórn á kvikmyndum* sem ekki eru leiknar (nonfiction).

-  Kvikmyndatökumenn (allar kvikmyndir)

-  Klipparar (allar kvikmyndir)

-  Hljóðhöfundar (allar kvikmyndir)

-  Ljósahönnuðir (allar kvikmyndir)