Вітаем!

Дзякуем за інтарэс да ініцыятывы і падтрымкі нашай каляжанкі і сяброўкі Марфы Рабковай, якая за сваю праваабарончую дезйнасць была ўзята пад варту ў сярэдзіне верасня 2020 году. Зараз ёй умяняюць некалькі артыкулаў Крымінальнага кодэксу Рэспублікі Беларусь, па якіх сумарна ёй пагражае да 12 год пазбаўлення волі.

Марфа - каардынатрка Валанцёрскай Службы ПЦ "Вясна". Мы сумуем па ёй, а яна - па нашым валанцёрскім руху і кожным_ай датычнаму_ай. Мы заклікаем даслаць ёй паштоўку з цёплым прыветам за подпісам валанцёра ці валанцёркі. Упэўнены, гэта сагрэе яе сэрца ў гэту вясну.

Прыклад:

Шаноўная Марфа! Мы з табой знаёмыя мала - я назірала за выбарамі ў гэтым годзе. Дзякуй, што была побач пад час тысяч пытанняў і мільярдаў казусаў. Ты сонейка, якое дагэтуль грэе сэрца!
Мы памятаем пра цябе і моцна хвалюемся. А яшчэ сумуем. Вяртайся, калі ласка, як мага хутчэй.
Валанцёрка Васіліна.