Təhsil İşçilərinin Peşəkar İnkişafı İnstitutu müəllimləri “Refleksiv müəllim” adlı yeni layihədə iştiraka dəvət edir. Layihə çərçivəsində TİPİİ-də ayda bir dəfə cümə günləri saat 16.00-da başlamaqla 90 dəqiqəlik sessiyalar keçiriləcək. İştirak könüllüdür.

Psixoloji rahat mühitdə dərs planlarını, icmallarını, ideyalarını həmkarlarına və ekspertlərə təqdim etmək  və onun müzakirəsində iştirakla öz şəxsi təcrübəsini genişləndirmək istəyən ibtidai sinif müəllimləri sessiyaya dəvətlidir. Özünü və təcrübəsini təqdim etməyə tərəddüd edənləri isə qonaq qismində dəvət edirik.

Auditoriyamıza orta məktəb müəllimləri ilə yanaşı tələbələri, ali məktəb müəllimlərini, alim-metodistləri, təhsil sahəsində ixtisaslaşmış jurnalistləri qəbul etməyə hazırıq.

Qeyd: Fənn müəllimləri qrup şəklində müraciət etdiyi təqdirdə onlar üçün xüsusi  sessiya keçiriləcəkdir.
Əziz təhsil işçiləri, D.Poznerin inkişaf formuluna diqqət edin  və qeydiyyatdan keçməyə tələsin:
TƏCRÜBƏ + REFLEKSİYA = İNKİŞAF