Čohkket dieđuid sámi skuvlaovttasbarggus – bivdit vástidit!
Sámi parlamentáralaš ráđđi lea ásahan oktan ulbmilin sámi skuvlaovttasbarggu viiddideami ja nannema. Norgga Sámediggi lea ásahan davviriikkalaš bargojoavkku, mii lea dál čielggadeame ášši ja válmmaštallame evttohusaid rájáhis sámi skuvlaovttasbarggu ovddideapmái. Barggu duohken ja vuođđun lea Suoma Ohcejoga ja Norgga Sirpmá skuvllaid guhkes ovttasbargu, man vásáhusaid lea vejolaš ávkkástallat maid eará sajiin. Barggu ulbmilin lea láhčit vejolašvuođa ovddidit sámegielaid, sámi álbmoga oahpu, sámiid fuolkevuođa, oktasaš ealáhusaid ja maiddái boahtteáiggi bargovejolašvuođaid riikarájáid rastá.

Bargojoavku bargá 1.1.2019–31.12.2019, man áigge dat kárte ja čohkke dieđuid dálá skuvlaovttasbarggus iešguđet guovllus Sámis. Dán lassin bargojoavku árvvoštallá dáláš ovttasbarggu doaibmanmálliid, čuolmmaid, dásiid, oahpaheaidiliid ja boahttevaš vejolašvuođaid viiddidit skuvlaovttasbargguid. Bargojoavkku ulbmilin lea ráhkadit konkrehta evttohusaid oahpahuslágaid rievdadeamis (jos dárbu), oahppoplánaid ja -fágaid (ávdnasiid) oktiiheiveheamis ja oahppoplánanorpmaid rievdadeamis (jos dárbu) ja eará ovttasbarggu eastagiin, olles Sápmái.

Bargojoavkku ságadoallin lea Inger Anne Klemetsen Norgga Sámedikkis, čállin bargá Arla Magga Suoma Sámedikkis. Bargojoavkkus leat vel čuovvovaš lahtut: Ulla Aikio-Puoskari, Laura Arola, Eila Tapiola, Torkel Rasmussen, Aura Pieski, Jon-Christer Mudenia ja Leif Erik Varsi.
JEARALDAGAT, MAIDDA SÁVVAT DIN VÁSTIDIT
Vástideaddji dieđut *
Namma, sajádat (rektor, oahpaheaddji, vánhen, eará), epoasta, telefonnummir
Leago din skuvllas/gielddas (leamašan) ovttasbargu nuppi riikka skuvllain, gos lea sámeoahpahus?
Clear selection
Jos vástidit juo, de namut dán ovttasbargoskuvlla:
Mo dii lehpet geavatlaččat ollašuhttán dán ovttasbarggu?
Man dávjá dis lea (leamašan) ovttasbargu?
Maid áššiid lehpet váldán vuhtii ovttasbarggus ja mo?
Mat áššit leat eastán dahje caggan ovttasbarggu nuppiin skuvllain?
Mat áššit leat ovddidan dahje dorjon ovttasbarggu nuppiin skuvllain?
Man olu ovttasbarggu ollašuvvan lea gitta dihto oahpaheaddjiin/ mánáid fuolaheaddjiin/ skuvlahoavdda miehtemielas?
Mo dát skuvlaovttasbargu lea váikkuhan din skuvlii, ohppiide, giellageavaheapmái, sámiid oktiigullevašvuhtii, identitehttii?
Livččiigo din skuvllas beroštupmi bargat eanet ovttas nuppiin rádjeskuvllain?
Clear selection
Mat leat áššit, maid dii háliidivččiidet ovddidit skuvlaovttasbargguin?
Maid eará hálidivččet deattuhit ovttasbarggus dahje muitalit earáide:
Gulahallanolbmot:
Ságajođiheaddji Inger Anne Klemetsen
Sámediggi (NO)
inger.anne.klemetsen@samediggi.no,
+47 78 47 40 94

Čálli Arla Magga
Sámediggi (FI)
arla.magga@samediggi.fi,
+358 401 985 033
Submit
Never submit passwords through Google Forms.
This content is neither created nor endorsed by Google. Report Abuse - Terms of Service - Privacy Policy