O próximo 4 de xullo, as falangulleiras e falangulleiros (podcasteiras/os galegas/os) organizamos as Galipod, Encontro galego de podcasting, das que xa se fixeron varias edicións anteriores, na Coruña, Santiago e Marín.

Nesta edición o encontro galego de podcasting será en Ourense, e complementarase o encontro con obradoiros e un debate asembleario, no que falar sobre a organización do podcasting en Galicia.

A intención é poder xuntarnos tanto falangulleiras e falangulleiros como ouvintes, para poder compartir un espazo de aprendizaxe e de traballo.

Sempre que poidades interesaríanos coñecer o número de persoas que van asistir e o seu perfil, para iso temos creado este formulario.

Agardamos por vós!!