2022 - Sjúkra - Inngangur að lögfræði

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/1/prof/768 .

1. Þingræðisreglan felur í sér að...

1 point

a) Það er ákvörðun þingsins hversu mörg ráðuneytin skuli vera.

b) Samþykki meirihluti þingmanna vantraustsyfirlýsingu á ráðherra ber viðkomandi ráðherra að víkja úr embætti.

c) Þingið setur reglur um skipan ráðuneyta og dómstóla.

d) Þingið ræður sjálft hvenær á kjörtímabilinu skuli gengið til kosninga.

*) ATH: Rétt svar hefur ekki verið skráð við þessa spurningu

Clear selection

2. Hver eftirfarandi fullyrðinga er rétt?:

1 point

a) Afskipti forseta af stjórnarmyndun er eina dæmið um aðstæður þar sem forseti getur sem handhafi framkvæmdarvalds gripið til jákvæðra athafna, sem hafa pólitíska þýðingu, án atbeina ráðherra.

b) Forseti þarf ekki atbeina ráðherra við skipun ráðherra.

c) Einstaklingur verður ekki skipaður í embætti dómsmálaráðherra nema hafa fyrst lokið meistaraprófi frá lagadeild í viðurkenndum háskóla.

d) Í stjórnarskránni er ítarlega fjallað um störf ráðherra og skiptingu málefna eftir ólíkum ráðuneytum.

*) ATH: Rétt svar hefur ekki verið skráð við þessa spurningu

Clear selection

3. Hver eftirfarandi fullyrðinga er rétt?:

1 point

a) Ef forseti Íslands synjar lagafrumvarpi staðfestingar tekur það ekki gildi nema kjósendur samþykki það í þjóðaratkvæðagreiðslu.

b) Ef frumvarp til breytinga á stjórnarskránni er samþykkt, skal rjúfa þing og ganga til kosninga. Samhliða Alþingiskosningunum skal halda þjóðaratkvæðagreiðslu um stjórnarskrárbreytinguna. Sé hún samþykkt í þjóðaratkvæðagreiðslunni tekur breytingin gildi sem stjórnskipunarlög.

c) Forseti Íslands lætur ráðherra ekki framkvæmda vald sitt samkvæmt 26. gr. Synjunarvaldið er því í reynd í höndum forseta sjálfs en ekki ráðherra.

d) Forseti Íslands hefur aldrei beitt synjunarvaldi sínu samkvæmt 26. gr. stjórnarskrárinnar.

*) ATH: Rétt svar hefur ekki verið skráð við þessa spurningu

Clear selection

4. Hver eftirfarandi ályktana um 2. gr. stjórnarskrárinnar verður dregin af dómi Hrd. frá 25. febrúar 2016 (mál nr. 628/2015) (Endurupptökunefnd)?:

1 point

a) Löggjafinn getur ekki falið ráðherra að skipa dómara við Hæstarétt Íslands.

b) Dómstólar geta ekki fellt fyrri dóma Hæstaréttar Íslands úr gildi.

c) Ráðherra getur ekki falið dómstólum að skera úr álitaefnum um stjórnskipulegt gildi laga.

d) Löggjafinn getur ekki falið stjórnsýslunefnd það verkefni að fella dóma úr gildi.

*) ATH: Rétt svar hefur ekki verið skráð við þessa spurningu

Clear selection

5. Hver eftirfarandi fullyrðinga er rétt?:

1 point

a) Á Íslandi er það ekki í höndum Hæstaréttar Íslands að skera úr um hvort almenn lög fari í bága við stjórnarskrána. Það verkefni er í höndum sérstaks stjórnskipunardómstóls sem nefnist Landsdómur.

b) Landsdómur hefur einu sinni komið saman.

c) Landsréttur er æðsti dómstóll þjóðarinnar.

d) Samkvæmt stjórnarskránni skipar Hæstiréttur Íslands dómara við héraðsdómstólana.

*) ATH: Rétt svar hefur ekki verið skráð við þessa spurningu

Clear selection

6. Í Hrd. 2000, bls. 4394 (viðurkenning á faðerni)...

1 point

a) Var niðurstaðan sú að takmarkanir í lögum við rétti manns til að höfða faðernismál færu í bága við 70. gr. stjórnarskrárinnar.

b) Var talið að málshöfðun til viðurkenningar á faðerni bryti gegn friðhelgi einkalífs móðurinnar skv. 71. gr. stjórnarskrárinnar.

c) Var talið að lagaheimildin til takmörkunar á rétti til að höfða faðernismál væri ekki nægjanlega skýr og afdráttarlaus.

d) Var niðurstaðan sú að í ljósi afdráttarlauss orðalags 43. gr. barnalaga, þar sem aðilar faðernismáls væru tæmandi taldir, yrði að vísa málinu frá dómi.

*) ATH: Rétt svar hefur ekki verið skráð við þessa spurningu

Clear selection

7. Ein eftirtalinna fullyrðinga er rétt:

1 point

a) Aðallega er fjallað um rétt aðila máls, þar sem fyrirhugað er að taka stjórnvaldsákvörðun, til aðgangs að gögnum máls í upplýsingalögum nr. 140/2012.

b) Aðili máls á ávallt rétt á öllum gögnum máls á grundvelli stjórnsýslulaga.

c) Réttur aðila til aðgangs að gögnum máls tekur að meginstefnu ekki til vinnuskjala skv. upplýsingalögum nr. 140/2012.

d) Umsækjendur um opinbert starf eiga ekki rétt til aðgangs að gögnum um aðra umsækjendur um starfið en þá sjálfa.

*) ATH: Rétt svar hefur ekki verið skráð við þessa spurningu

Clear selection

8. Hver eftirtalinna fullyrðinga er rétt?:

1 point

a) Í [i]Hrd. 8. desember 2005, nr. 175/2005 (framkvæmdastjóri Jafnréttisstofu)[/i] var félagsmálaráðherra talinn hafa brotið gegn andmælareglu 13. gr. stjórnsýslulaga nr. 37/1993.

b) Faglegt embættismannakerfi felur í sér að ráðherrar velja undirmenn sína á persónulegum forsendum.

c) Ákvörðun hvaða lesefni lagt sé til grundvallar í námskeiði við Háskóla Íslands myndi almennt ekki teljast til stjórnvaldsákvarðana.

d) Ákvörðun stjórnvalds um hvort aðili eigi rétt á bótum samkvæmt lögum um almannatryggingar telst almennt ekki til svokallaðra stjórnvaldsákvarðana.

*) ATH: Rétt svar hefur ekki verið skráð við þessa spurningu

Clear selection

9. Eftirfarandi er eitt af einkennum ráðherrastjórnsýslu:

1 point

a) Reglan um sjálfræði ráðherra.

b) Lægra sett stjórnvöld eru sjálfstæð gagnvart ráðherra.

c) Æðra sett stjórnvöld eru sjálfstæð stjórnvöld.

d) Sjálfstæðar úrskurðarnefndir eru ávallt lægra sett stjórnvöld.

*) ATH: Rétt svar hefur ekki verið skráð við þessa spurningu

Clear selection

10. Hver eftirfarandi fullyrðinga um réttmætisregluna er rétt?:

1 point

a) Reglan felur í sér að allar ákvarðanir stjórnvalda verða að vera réttar eða því sem næst, sbr. 10. gr. stjórnsýslulaga nr. 37/1993.

b) Regluna er að finna í 13. gr. stjórnsýslulaga nr. 37/1993.

c) Reglan felur m.a. í sér að stjórnvaldsákvarðanir verða að byggjast á málefnalegum sjónarmiðum.

d) Reglan er annað heiti yfir efnisgrundvöll andmælareglunnar.

*) ATH: Rétt svar hefur ekki verið skráð við þessa spurningu

Clear selection

11. Heimildarregla lögmætisreglunnar kveður á um:

1 point

a) Að stjórnvald megi ekki taka ákvörðun sem fer í bága við lög.

b) Að stjórnvald megi ekki taka ákvörðun þegar mál er til umfjöllunar hjá dómstólum.

c) Að einstaklingur verði að hafa heimild fyrir athöfnum sínum gagnvart stjórnvöldum.

d) Að ákvarðanir stjórnvalda verði að eiga stoð í lögum.

Clear selection

12. Eftirfarandi er almennt skilyrði fyrir því að stjórnsýslulög nr. 37/1993 gildi:

1 point

a) Að maður eigi beinna, verulegra, sérstakra og lögvarinna hagsmuna að gæta.

b) Að um sé að ræða útgáfu stjórnvaldsfyrirmæla, s.s. reglugerðar.

c) Að um sé að ræða sölu eigna.

d) Að um sé að ræða ákvörðun sem varðar fjölda manna.

*) ATH: Rétt svar hefur ekki verið skráð við þessa spurningu

Clear selection

13. Í Hrd. 18. september 2008 í máli nr. 430/2007 (hjúkrunarfræðingur á geðsviði):

1 point

a) Komst Hæstiréttur að þeirri niðurstöðu að áminning opinbers starfsmanns, sbr. 21. gr. laga nr. 70/1996 um réttindi og skyldur starfsmanna ríkisins, væri stjórnvaldsákvörðun.

b) Leit Hæstiréttur til þess hvaða þýðingu umrædd ákvörðun um að flytja hjúkrunarfræðinginn á milli deilda hafði fyrir hann og komst að þeirri niðurstöðu að um stjórnvaldsákvörðun hefði verið að ræða í skilningi 2. mgr. 1. gr. stjórnsýslulaga nr. 37/1993.

c) Var talið að málefnalegar og faglegar ástæður hefðu réttlætt flutning hjúkrunarfræðingsins yfir á aðra deild.

d) Komst Hæstiréttur að þeirri niðurstöðu að þótt umrædd ákvörðun um að flytja hjúkrunarfræðinginn á milli deilda væri stjórnvaldsákvörðun í skilningi 2. mgr. 1. gr. stjórnsýslulaga nr. 37/1993 ætti sú undantekning sem getið er í niðurlagi 13. gr. við og því hefði andmælaréttur ekki verið brotinn á honum.

*) ATH: Rétt svar hefur ekki verið skráð við þessa spurningu

Clear selection

14. Tveir einstaklingar mega almennt ganga í hjúskap:

1 point

a) Með því skilyrði að þeir eigi börn saman.

b) Óháð kyni.

c) Með því skilyrði að þeir geri kaupmála.

d) Nema þeir hafi áður verið í hjúskap.

Clear selection

15. Séreignir í hjúskap:

1 point

a) Stofnast eingöngu með kaupmála.

b) Eru allar eignir hjóna aðrar en þær sem þau eiga sem sameign.

c) Koma alltaf til skipta við skilnað.

d) Geta breyst í hjúskapareignir við andlát annars hjóna.

Clear selection

16. Lögskilnaður:

1 point

a) Er aldrei veittur nema báðir samþykki.

b) Er aldrei veittur nema að undangengnum skilnaði að borði og sæng.

c) Er eingöngu veittur án fyrirliggjandi skilnaðar að borði og sæng ef annað hjóna hefur framið hjúskaparbrot.

d) Getur grundvallast á sök annars hjóna.

*) ATH: Rétt svar hefur ekki verið skráð við þessa spurningu

Clear selection

17. Forsjárlaust foreldri:

1 point

a) Getur neitað að samþykkja að forsjárforeldri megi flytja með barn úr landi.

b) Ræður persónulegum högum barnsins ásamt forsjárforeldri þegar um meiriháttar ákvarðanir er að ræða.

c) Nýtur almennt ekki umgengnisréttar.

d) Á rétt á upplýsingum um barn sitt.

Clear selection

18. Hver af eftirtöldum fullyrðingum um umgengnisrétt er rétt?:

1 point

a) Í barnalögum eru beinar lagareglur um inntak umgengni.

b) Samningur foreldra um umgengni er alltaf háður staðfestingu sýslumanns.

c) Í barnalögum eru beinar lagareglur um lágmarksumgengni.

d) Umgengnisrétt er unnt að knýja fram með aðför.

Clear selection

19. Skylduerfingi:

1 point

a) Er aldrei lögerfingi.

b) Getur tekið arf samkvæmt erfðaskrá.

c) Getur t.d. verið fósturbarn hins látna.

d) Kemur í veg fyrir að hægt sé að gera erfðaskrá.

Clear selection

20. Hver eftirtalinna fullyrðinga er röng?:

1 point

a) Skaðabótaréttur fjallar um skaðabætur utan samninga.

b) Skaðabótaréttur er það réttarsvið sem fjallar um réttindi til skaðabóta og skaðabótakrafa er oftast peningakrafa.

c) Skaðabótaréttur er ein af megingreinum fjármunaréttar, þar sem fjárhagsleg eða efnahagsleg gæði af einhverju taki eru meginviðfangsefnið, og skaðabótakrafa er alltaf peningakrafa.

d) Réttarsamband tjónvalds og tjónþola stofnast fyrst þegar tjónsatvik verður, án nokkurs samningssambands.

*) ATH: Rétt svar hefur ekki verið skráð við þessa spurningu

Clear selection

21. Hver eftirtalinn fullyrðinga um frumskilyrði skaðabótaábyrgðar er röng?:

1 point

a) Frumskilyrði skaðabótaábyrgðar eru þrjú talsins og þau þurfa alltaf að vera fyrir hendi til þess að skaðabótaábyrgð geti komið til álita.

b) Skaðabótaábyrgð kemur ekki til álita nema tjónvaldur og tjónþoli séu sami aðilinn.

c) Háttsemi sem veldur tjóni þarf að vera ólögmæt til þess að skaðabótaábyrgð geti komið til álita.

d) Það er meginregla í skaðabótarétti að athafnaleysi sé ekki skaðabótaskylt en reglan á aðeins við um eiginlegt athafnaleysi.

*) ATH: Rétt svar hefur ekki verið skráð við þessa spurningu

Clear selection

22. Hver eftirtalinna fullyrðinga um mat á saknæmi (gáleysi) er röng?:

1 point

a) Þegar tjón verður af háttsemi sem þó nær því ekki að teljast gáleysisleg er um óhappatilvik að ræða.

b) Þótt gáleysi sé huglægt ástand þá er það samt í seinni tíð almennt metið út frá hlutlægum mælikvörðum sem felast í eða leiða af skráðum reglum um hátterni manna á þeim sviðum sem um er að ræða.

c) Mat á saknæmi (gáleysi) fer þannig fram að þegar tjón verður er háttsemi tjónvalds borin saman við þá háttsemi sem tjónvaldur átti að viðhafa við þær aðstæður sem um ræðir.

d) Niðurstaða um þá háttsemi sem tjónvaldur átti að viðhafa þegar tjón varð ræðst af því sem góður og gegn maður myndi hafa gert við sömu aðstæður.

*) ATH: Rétt svar hefur ekki verið skráð við þessa spurningu

Clear selection

23. Hver eftirtalinna fullyrðinga um vinnuveitandaábyrgð er rétt?:

1 point

a) Vinnuveitandaábyrgð er skaðabótaábyrgð starfsmanns á tjóni sem hann veldur við framkvæmd starfa í þágu vinnuveitanda með saknæmri og ólögmætri háttsemi.

b) Vinnuveitandaábyrgð leysir vinnuveitanda starfsmanns sem veldur tjóni við framkvæmd starfans undan skaðabótaábyrgð.

c) Reglan um vinnuveitandaábyrgð eykur valkosti tjónþola og leiðir til þess að mun meiri líkur eru fyrir hann til að fá fullnustu kröfu sinnar.

d) Hafi starfsmaður greitt bætur á grundvelli reglunnar um vinnuveitandaábyrgð hefur hann afar takmarkaðar heimildir til að beina endurkröfu að vinnuveitanda sínum vegna fyrirmæla 23. gr. skaðabótalaga nr. 50/1993.

*) ATH: Rétt svar hefur ekki verið skráð við þessa spurningu

Clear selection

24. Hver eftirtalinna fullyrðinga er röng?:

1 point

a) Orsakatengsl þurfa að vera á milli hinnar saknæmu og ólögmætu háttsemi (eða þeirrar háttsemi sem hlutlæg ábyrgðarregla tekur til) og þess tjóns sem verður.

b) Orsök þarf ekki að vera eina orsök tjóns og jafnan nægir að hún sé meðorsök.

c) Hagsmunir þriðja manns njóta fortakslausrar verndar skaðabótareglna, t.d. óbeint tjón þriðja manns.

d) Reglan um meðábyrgð tjónþola kveður á um að tjónþoli skuli bera tjón sitt í réttu hlutfalli við þann þátt sem hann á í því að það varð og tjónþoli sem er meðábyrgur að tjóni sínu getur ekki vænst þess að fá fullar bætur úr hendi tjónvalds.

*) ATH: Rétt svar hefur ekki verið skráð við þessa spurningu

Clear selection

25. Hver eftirtalinna fullyrðinga er röng?:

1 point

a) Bætur fyrir tímabundið atvinnutjón taka til fjárhagslegs tjóns samkvæmt skaðabótalögum nr. 50/1993 og er ætlað að mæta missi launatekna.

b) Bætur fyrir varanlega örorku taka samkvæmt skaðabótalögum til fjárhagslegs tjóns sem fellur til frá batahvörfum og er ætlað að mæta varanlegri starfsorkuskerðingu sem líkamstjónið veldur tjónþola.

c) Þjáningabætur taka til ófjárhagslegt tjón samkvæmt skaðabótalögum og er ætlað að mæta þjáningum tjónþola og lýtum sem hann hlýtur frá tjónsatviki til batahvarfa.

d) Bætur fyrir annað fjártjón samkvæmt skaðabótalögum taka til fjárhagslegs tjóns, t.d. vegna seinkunar náms, lögfræðiráðgjafar og annars en þess tjóns sem bætt er eftir öðrum bótaliðum, og er einvörðungu ætlað að mæta tjóni sem fellur til skömmu eftir tjónsatvik.

*) ATH: Rétt svar hefur ekki verið skráð við þessa spurningu

Clear selection

26. Hver eftirtalinna fullyrðinga er rétt?:

1 point

a) Eignarréttur merkir þær réttarreglur sem fjalla um eignir, þ. á m. ýmis konar réttindi og kröfur.

b) Eignarréttur merkir ákveðin réttindi, þ.e. þær heimildir sem réttarreglur veita eigandanum, og eignarréttindi hafa almennt fjárhagslegt gildi og aðilaskipti geta orðið að þeim.

c) Hugtakið eignarréttur í merkingu eignarréttarákvæðis 1. mgr. 72. gr. stjórnarskrárinnar er afstætt og þrengra en sama hugtak í hefðbundinni merkingu fræðigreinarinnar eignarréttar.

d) Hugtakið eign felur í sér að hagsmunir eða verðmæti þurfi að vera í nánum tengslum við ákveðinn aðila (eigandann), einn eða fleiri, sem getur t.d. verið einstaklingur, lögaðili, hið opinbera eða almenningur.

*) ATH: Rétt svar hefur ekki verið skráð við þessa spurningu

Clear selection

27. Hver eftirtalinna fullyrðinga er rétt?:

1 point

a) Með neikvæðri skilgreiningu eignarréttar er átt við einkarétt ákveðins aðila, eigandans, til þess að ráða yfir tilteknu verðmæti, innan þeirra marka sem þessum rétti eru sett í lögum og af beinum eignarrétti annarra manna sem stofnað hefur verið til yfir verðmætinu.

b) Þegar stuðst er við neikvæða skilgreiningu á eignarrétti er tiltekið með tæmandi hætti hvað felist í tilteknum heimildum eignarréttar.

c) Neikvæð skilgreining eignarréttar tilgreinir ekki nákvæmlega hvaða heimildir eigandinn hefur yfir verðmætinu, heldur er lagt til grundvallar að eigandinn njóti allra heimilda nema þeirra sem eru með beinum hætti undanskildar eignarráðum hans, hvort heldur er með lögum eða samningi.

d) Þegar lög styðjast við jákvæða skilgreiningu á eignarrétti er byggt á því að á bak við eignarrétt búi heimildir til hvers konar nýtingar og ráðstafana nema sérstakar takmarkanir séu á því gerðar.

*) ATH: Rétt svar hefur ekki verið skráð við þessa spurningu

Clear selection

28. Hver eftirtalinna fullyrðinga um útrýmandi stofnun eignarréttinda er röng?:

1 point

a) Þegar eignarréttindi stofnast með útrýmandi stofnun leiðir það jafnframt til þess að eldri eignarréttindi falla niður.

b) Traustfangsreglur leiða til þess að aðili, sem fær rétt yfir hlut, öðlast þann rétt enda þótt hann fari í bága við einhver eignarréttindi þriðja manns yfir sama hlut sem verða samkvæmt því að víkja.

c) Þegar eignarréttur stofnast fyrir hefð stofnast ný eignarréttindi sem svara til umráðanna en eldri eignarréttindi, sem samrýmast ekki hinum nýju eignarráðum, falla niður.

d) Hefð felst í því að maður hefur um lögmæltan tíma farið með einhvern hlut sem sína eign á sama tíma og fyrri eigandi hefur beitt eignarrétti sínum.

*) ATH: Rétt svar hefur ekki verið skráð við þessa spurningu

Clear selection

29. Hver eftirtalinna fullyrðinga um landamerki fasteigna er röng?:

1 point

a) Landamerki fasteigna takmarka eignarráð fasteignareigandans, því hann á einungis þau réttindi sem eru innan landamerkja fasteignar hans.

b) Landamerki fasteigna í dreifbýli ráðast af lögum nr. 41/1919 um landamerki o.fl. og náttúrulegum merkjum.

c) Náttúruleg merki fasteigna gagnvart ám, lækjum og jöklum eru breytileg því þau miðast við stöðu merkjanna eins og þau eru á hverjum tíma.

d) Merki fasteigna í þéttbýli ráðast af lögsagnarumdæmum sveitarfélaga og skipulagsuppdráttum þeirra.

*) ATH: Rétt svar hefur ekki verið skráð við þessa spurningu

Clear selection

30. Hver eftirtalinna fullyrðinga er röng?:

1 point

a) Forkaupsréttur er dæmi um óbein eignarréttindi og samningsbundinn forkaupsréttur bindur ekki rétthafa og eiganda eignar nema honum hafi verið þinglýst á viðkomandi eign.

b) Eigandi eignar verður að upplýsa forkaupsréttarhafann þegar hann hefur komist að samkomulagi við þriðja mann og bjóða forkaupsréttarhafanum að ganga inn í kaupin.

c) Forkaupsréttur getur verið persónubundinn eða framseljanlegur.

d) Kaupréttur er meira íþyngjandi en forkaupsréttur því hann heimilar rétthafanum að kaupa eign án tillit til þess hvort eigandi hennar hefur tekið ákvörðun um að selja hana.

*) ATH: Rétt svar hefur ekki verið skráð við þessa spurningu

Clear selection

31. Hver eftirtalinna fullyrðinga er rétt um það þegar skjal er afhent til þinglýsingar og fært í svokallaða dagbók?:

1 point

a) Dagbókarfærsla hefur enga þýðingu að lögum.

b) Dagbók er haldin til hagræðis fyrir þinglýsingarstjóra.

c) Dagbókarfærslan ræður forgangsáhrifum þinglýsingar.

d) Í dagbók er skráð hvort skjali skuli þinglýst, vísað frá þinglýsingu eða þinglýst með athugasemd.

*) ATH: Rétt svar hefur ekki verið skráð við þessa spurningu

Clear selection

32. Merkið við rétta fullyrðingu:

1 point

a) Kröfu telst lokið með vanefnd.

b) Kröfu getur lokið með efndum in natura.

c) Kröfu getur lokið með tómlæti.

d) Svör b) og c) eru bæði rétt.

*) ATH: Rétt svar hefur ekki verið skráð við þessa spurningu

Clear selection

33. Merkið við rétta fullyrðingu:

1 point

a) Kröfuhafaskipti eru ekki heimil án samþykkis skuldara.

b) Kröfuhafaskipti eru aðeins heimil með samþykki skuldara.

c) Skuldaraskipti eru aðeins heimil með samþykki skuldara.

d) Engin framangreindra fullyrðinga er rétt.

*) ATH: Rétt svar hefur ekki verið skráð við þessa spurningu

Clear selection

34. Unnt er að beita 36. gr. samningalaga til að:

1 point

a) Fá samning ógiltan.

b) Fá samningi breytt.

c) Knýja fram efndir við greiðsludrátt viðsemjanda.

d) Svör a) og b) eru bæði rétt.

*) ATH: Rétt svar hefur ekki verið skráð við þessa spurningu

Clear selection

35. Merkið við rétta fullyrðingu. Í Hrd. 1997, bls. 3510 (teppadómur):

1 point

a) Gat seljandi teppis ekki borið fyrir sig ákvæði heimlánsseðils.

b) Gat einstaklingur hafnað því að þurfa að sæta ákvæði heimlánsseðils.

c) Þurfti einstaklingur að sæta því að teljast bundinn við ákvæði heimlánsseðils.

d) Þurfti einstaklingur ekki að sæta því að umboðsmaður hans hefði skuldbundið hann með undirritun á skjal verslunar.

*) ATH: Rétt svar hefur ekki verið skráð við þessa spurningu

Clear selection

36. Merkið við rétta fullyrðingu.

1 point

a) Dómstólar hafa vald til að ógilda ósanngjarna samninga, en einungis ef þeir teljast ekki andstæðir góðri viðskiptavenju.

b) Meginreglan um skuldbindingargildi samninga kemur í veg fyrir að dómstólar geti ógilt samninga.

c) Samkvæmt meginreglunni um samningsfrelsið geta menn að meginstefnu ekki valið sér viðsemjanda.

d) Lög nr. 7/1936 um samningsgerð, umboð og ógilda löggerninga mæla ekki með tæmandi hætti fyrir um ógildingarreglur íslensks samningaréttar.

*) ATH: Rétt svar hefur ekki verið skráð við þessa spurningu

Clear selection

37. Merkið við rétta fullyrðingu.

1 point

a) Eindagi og lausnardagur falla ávallt saman í kröfurétti.

b) Hugtökin greiðslustaður og greiðslutími tengjast réttum efndum í kröfurétti.

c) Force majeure (vis major) aðstæður á gjalddaga færa lausnardag fram í tíma.

d) Efndir in natura teljast sjaldnast vanefnd.

*) ATH: Rétt svar hefur ekki verið skráð við þessa spurningu

Clear selection

38. Hver af eftirtöldum fullyrðingum er röng?:

1 point

a) Samkvæmt almennum hegningarlögum er aðeins heimilt að refsa fyrir athafnabrot þegar athafnaleysi er berum orðum lýst refsivert.

b) Refsinæmi er ávallt skilyrði fyrir því að maður sæti refsingu.

c) Saknæmi er oft skilyrði fyrir því að maður sæti refsingu.

d) Sakhæfi er ávallt skilyrði fyrir því að maður sæti refsingu.

*) ATH: Rétt svar hefur ekki verið skráð við þessa spurningu

Clear selection

39. Samkvæmt íslenskum refsilögum...

1 point

a) Teljast þeir einir ósakhæfir sem ekki hafa náð 15 ára aldri.

b) Hafa dómarar lítið sem ekkert svigrúm til að taka tillit til málsbóta við ákvörðun refsingar.

c) Verður ekki dæmd þyngri refsing en 16 ára fangelsi.

d) Eru tegundir refsinga tvær, þ.e. fésektir og fangelsi.

*) ATH: Rétt svar hefur ekki verið skráð við þessa spurningu

Clear selection

40. Hver eftirfarandi fullyrðinga er rétt?:

1 point

a) Refsiskilyrði tengd verknaðarlýsingu eru refsinæmi, saknæmi og lögmæti.

b) Samkvæmt íslenskum refsilögum geta dýr sætt refsiábyrgð.

c) Stjórnsýsluviðurlög eru refsingar samkvæmt hegningarlögum.

d) Samkvæmt íslenskum refsilögum er bannað að dæma í ævilangt fangelsi.

*) ATH: Rétt svar hefur ekki verið skráð við þessa spurningu

Clear selection

41. Hver eftirtalinna fullyrðinga um fyrningu sakar er röng?:

1 point

a) Fyrningarreglur byggja meðal annars á hagsmunum geranda.

b) Þörfin fyrir fyrningarreglur byggir meðal annars á því að erfitt getur verið að sanna mjög gömul brot.

c) Rökin að baki fyrningarreglum eru meðal annars þau að reglurnar veiti refsivörslukerfinu hæfilegt aðhald um að reka refsimál með eðlilegum og nægilegum hraða.

d) Sakarfyrning er refsibrottfallsástæða. Ef mál er höfðað leiðir fyrning sakar því til þess að hinn ákærði verður sakfelldur en ekki gerð refsing.

*) ATH: Rétt svar hefur ekki verið skráð við þessa spurningu

Clear selection

42. Hver eftirfarandi fullyrðinga er rétt?:

1 point

a) Í [i]Hrd. 1987, bls. 769 (Ríkisútvarpið)[/i] var það niðurstaða Hæstaréttar að háttsemi ákærðu hefði verið refsiverð.

b) Í [i]Hrd. 2000, bls. 2957 (gaffallyftari)[/i] komst Hæstiréttur að þeirri niðurstöðu að sýkna bæri ákærða enda skorti viðhlítandi lagastoð.

c) Í [i]Hrd. 30. mars 2006, nr. 532/2005 (framkvæmdastjóri Fjórðungssambands Vestfirðinga)[/i] var talið að I, sem hafði orðið uppvís að fjárdrætti í starfi sínu sem framkvæmdastjóri staðbundinna landshlutasamtaka sveitarfélaga, hefði ekki verið opinber starfsmaður í skilningi 138. gr., sbr. 141. gr. a almennra hegningarlaga nr. 19/1940.

d) Í [i]Hrd. 28. apríl 2005, nr. 510/2004 (líkfundarmál)[/i] voru þrír menn ákærðir og sakfelldir fyrir að hafa fundið lík sem var illa farið.

*) ATH: Rétt svar hefur ekki verið skráð við þessa spurningu

Clear selection

43. Í dómi Hæstaréttar, Hrd. 1999, bls. 2327 (útafakstur við Búrfellsvirkjun)...

1 point

a) Var ákærði sýknaður, enda hefði sú háttsemi hans að aka bifreið undir áhrifum áfengis verið nauðsynleg í þeim tilgangi að vernda lögmæta hagsmuni fyrir yfirvofandi hættu, þótt með því væru skertir aðrir hagsmunir, sem telja yrði að miklum mun minni.

b) Var ekki fallist á varnir ákærða þess efnis að hann hefði verið á flótta undan eiturlyfjagengi.

c) Var ákærði sýknaður þar sem ekki var talið sannað að hann hefði ekið bifreiðinni í umrætt sinn.

d) Var ákærði sýknaður því refsiheimild þótti ekki uppfylla skilyrði meginreglunnar um skýrleika refsiheimilda.

*) ATH: Rétt svar hefur ekki verið skráð við þessa spurningu

Clear selection

44. Hver eftirfarandi fullyrðinga er rétt?:

1 point

a) Í 1. mgr. 70. gr. stjórnarskrárinnar er að finna meginregluna um opinbera málsmeðferð.

b) Í 1. mgr. 6. gr. mannréttindasáttmála Evrópu er kveðið á um meginreglur fullnusturéttarfars.

c) Í 1. mgr. 70. gr. stjórnarskrárinnar er mælt fyrir um meginregluna um frjálst sönnunarmat dómara.

d) Í 1. mgr. 70. gr. stjórnarskrárinnar er mælt fyrir um meginreglur gjaldþrotaskiptaréttar.

*) ATH: Rétt svar hefur ekki verið skráð við þessa spurningu

Clear selection

45. Guðmundur Guðmundsson lánaði Sigurði Sigurðssyni peninga til bílakaupa. Þegar Sigurður greiddi ekki lánið stefndi Guðmundur honum og vinnuveitanda hans til greiðslu kröfunnar. Óumdeilt er að lánið sem og bílakaupin voru vinnuveitandanum algjörlega óviðkomandi. Hvað ber dómaranum að gera?

1 point

a) Að vísa kröfunni á hendur vinnuveitandanum frá dómi vegna skorts á lögvörðum hagsmunum.

b) Að sýkna báða aðila þar sem skilyrði samlagsaðildar eru ekki fyrir hendi.

c) Sýkna vinnuveitandann vegna aðildarskorts.

d) Sýkna bæði Sigurð og vinnuveitandann vegna aðildarskorts.

*) ATH: Rétt svar hefur ekki verið skráð við þessa spurningu

Clear selection

46. Hver af eftirfarandi reglum er á meðal meginreglna sakamálaréttarfars?:

1 point

a) Málsforræðisreglan.

b) Útilokunarreglan.

c) Sameignarreglan.

d) Málshraðareglan.

*) ATH: Rétt svar hefur ekki verið skráð við þessa spurningu

Clear selection

47. Hver eftirtalinna fullyrðinga um sakamálaréttarfar er röng?:

1 point

a) Aðilar máls hafa forræði á sönnunarfærslu sinni.

b) Sönnunarfærsla er milliliðalaus.

c) Strangari kröfur eru gerðar til sönnunar í sakamálum en í einkamálum.

d) Sönnunarbyrði um sekt ákærða hvílir á ákæruvaldinu.

*) ATH: Rétt svar hefur ekki verið skráð við þessa spurningu

Clear selection

48. Hver eftirfarandi fullyrðinga er röng?:

1 point

a) Vald héraðsdómstóla er bundið við landfræðileg afmörkuð dómsumdæmi.

b) Almennir dómstólar hér á landi eru níu talsins.

c) Dómstig hér á landi eru þrjú.

d) Félagsdómur og Landsdómur teljast sérdómstólar.

*) ATH: Rétt svar hefur ekki verið skráð við þessa spurningu

Clear selection

49. Hvaða fullyrðing um fullnusturéttarfar er röng?

1 point

a) Ef gerðarbeiðandi fær fram kyrrsetningu eða lögbann hjá sýslumanni þarf hann að höfða mál til staðfestingar gerðinni innan viku.

b) Sá sem er dæmdur til að greiða skuld samkvæmt dómi gæti þurft að hlíta því, í kjölfar fjárnáms, að eignir hans séu seldar þvert gegn vilja hans með nauðungarsölu.

c) Þegar skuldari er tekinn til gjaldþrotaskipta þarf hann sjálfur að sjá um að koma eignum í verð og úthluta til kröfuhafa.

d) Aðfararmál eru almennt rekin á skemmri tíma en hefðbundin einkamál og þau sætu kæru, en ekki áfrýjun, til æðri dóms.

*) ATH: Rétt svar hefur ekki verið skráð við þessa spurningu

Clear selection

50. Arna Arnardóttir höfðaði mál gegn Birnu Bjarkadóttur og við aðalmeðferð málsins hlustaði dómarinn Ceres Cesilsson á allar skýrslur og málflutning aðilanna. Áður en Ceres kvað upp dóm í málinu, ákvað hann að láta af störfum og hefur dómarinn Daníel Dufþaksson tekið við því. Daníel hefur lesið öll gögn málsins og horft á allar vitnaskýrslurnar á myndbandi og ætlar sér að kveða upp dóm í málinu. Hver eftirfarandi fullyrðinga er rétt?:

1 point

a) Daníel er rétt að kveða upp dóm í málinu til þess að forðast að brjóta gegn málshraðareglunni.

b) Daníel er óheimilt að kveða upp dóm vegna meginreglunnar um milliliðalausa málsmeðferð.

c) Daníel er heimilt að kveða upp dóm í málinu vegna þess að vitnaskýrslurnar eru allar til á myndbandi.

d) Daníel er óheimilt að kveða upp dóm vegna meginreglunnar um opinbera málsmeðferð.

*) ATH: Rétt svar hefur ekki verið skráð við þessa spurningu

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms