მიუსაფარი და მარტოხელა ქალების მხარდასაჭერად!
სამოქალაქო საზოგადოების განვითარების ცენტრი (CSDC) აგრძელებს კამპანიას "ჩაერთე და ჩართე" მიუსაფარი და/ან მარტოხელა ქალების მხარდასაჭერად.
კამპანიის მიზანია ქალების სოციალური ინკლუზია და მხარდაჭერა COVID -19 პანდემიით გამოწვეული სირთულეების დასაძლევად. ვირუსის გავრცელების შედეგად, პანდემიისა თუ პოსტ-პანდემიის პირობებში ყველაზე მეტად სწორედ, სოციალურად მოწყვლადი ჯგუფები დაზარალდნენ. მათ შორის არიან მიუსაფარი ქალები და მათი ოჯახები, რომელთაც სხვადასხვა მიმართულებით ესაჭიროებათ დახმარება.
მიმდინარეობს აქტიური ფანდრაიზინგისა და ადვოკატირების კამპანიას სახელად "ჩერთე და ჩართე". მზადდება ქალების ფოტო და ვიდეო ისტორიები, საზოგადოებას მიეწოდება ინფორმაცია მათი პრობლემებისა და საჭიროებების შესახებ. კამპანიაში ჩართვა ნებისმიერ მსურველს შეუძლიაა. ცხადია, ფანდრაიზინგის შედეგად მიღებული თანხა სრულად ხმარდება მიუსაფარ და მარტოხელა ქალთა საჭიროებებს.
თუ იცნობთ მარტოხელა და/ან მიუსაფარ ქალებს, რომლებიც ცხოვრობენ ქალაქ თბილისის ტერიტორიაზე და საჭიროებენ გადაუდებელ დახმარებას, გთხოვთ, შეავსოთ გაუზიაროთ მათ მოცემული ფორმა ან დაეხმაროთ კითხვარის შევსებაში.
შენიშვნა: CSDC-ის მიერ დაცული იქნება კითხვარებით მიღებული ინფორმაციის კონფიდენციალურობა.