Imla din il-formola sabiex tipparteċipa fl-edizzjoni ta' Żanżan Kelma (ŻK) 2024, spelling bee għat-tfal li għandhom bejn 8 snin u 13-il sena.
Il-kompetizzjoni se tinqasam f'żewġ kategoriji:
Kategorija A: Bejn it-8 u 10 snin (Y3-Y6 l-Iskola)
Kategorija B: Bejn il-11 u t-13-il sena (Y7-Y9 l-Iskola)
Il-kliem tal-kategorija taż-żgħar se jkun eħfef mill-kliem li l-kbar iridu jispellu.
Is-semifinali għandha ssir fl-20 ta' Settembru fl-Aġenzija Żgħażagħ Santa Venera fil-5pm, u l-finali fit-22 ta' Settembru filgħaxija. Il-ħin u l-post se jkunu kkonfermati 'l quddiem. L-applikazzjonijiet jagħlqu fil-15 ta' Settembru 2023.
ŻK hija attività anċillari għall-Jum Ewropew tal-Lingwi f'Malta li jiġi ċċelebrat fil-25 ta' Settembru.
Il-parteċipanti u r-rebbieħa li ħadu sehem fis-snin preċedenti jistgħu jerġgħu jieħdu sehem. Il-parteċipanti mhumiex se jingħataw lista ta' kliem minn qabel biex jistudjawha imma jridu jkunu preparati għal kollox. Nitolbukom tavżawna f'każ li l-parteċipant ikollu xi impediment fit-taħdit jew impediment ieħor ħalli nagħmlu l-arranġamenti meħtieġa.
Aktar dettalji fuq l-attività fuq Facebook.