Txiklearen kontrako gerra hasi dute Britainia Handiko hainbat hiritan.

Britainia Handian urtero 150 milioi libra (217 milioi euro) erabiltzen dituzte, espaloian itsatsita gelditzen diren txikleak kentzeko. Horregatik, txikleak egiten dituzten enpresei zerga berezi bat ezartzea eskatu dute.
Txikleak egiten dituzten enpresen aurkako gerra hasi dute Britainia Handiko hainbat hiritan, batetik, amorragarria delako kalean txiklea zapaldu eta oinetakoetan itsastea, eta, bestetik, diru asko uzten dutelako kalean gelditzen diren txikle horiek kentzeko.
Britainia Handian urtero 150 milioi libra, 217 milioi euro, erabiltzen dituzte zeregin horretan. Horregatik, gastu horri aurre egiteko, txikleak egiten dituzten enpresei zerga berezi bat ezartzea proposatu dute Britainia Handiko hainbat hirik. Neurri horren alde daude, besteak beste, Londres, Edinburgo edo Cardiff hiriak.
Londresen bakarrik urtean 180 milioi txikle pakete saltzen dira. Bi britainiarretatik batek txiklea mastekatzen omen du, eta ingurumenaren babeserako elkarteek salatu dutenez, txikle batek bost urte behar ditu desegiteko.

Bartzelonak ibilgailuen zirkulazioa mugatu nahi du, kutsadura handia bada.

Bartzelonako Udalean, Airearen Kutsaduraren aurkako Mahaiko adituek ibilgailuen zirkulazioa mugatu nahi dute. Matrikula-zenbakia bakoitia edo bikoitia bada, horren arabera mugatu nahi dute, baina bakarrik kutsadura handia badago.
Ekologia, Urbanismo eta Mugikortasuneko arduradunak, Janet Sanz alkateordeak, osteguneko prentsaurrekoan adierazi du autoak matrikula-zenbakiaren arabera zirkulatzeko muga proposamen bat dela, adituek aurkeztu duten neurrietako bat, eta neurri hori udalak aztertuko dituen proposamen artean dagoela.
Udala pentsatzen ari da hirian sartzeko ibilgailu-kopurua mugatzea, alde batetik, semaforoak erregulatuz eta, bestetik, VAO* izeneko bideak jarrita. Horrela, garraio publikoari lehentasuna eman nahi dio.
Gainera, kanpokoek nola aparkatu ere arautu nahi du, zer egin hutsik doazen taxiekin, eta kutsadura-ordu nagusietan, goizeko 07.00etatik 11:00ak arte, zamalanak debekatu. Hori guztia kutsadura handia baldin bada.
Udalak hurrengo hilabeteetan aztertuko ditu neurriok, eta agian urte-bukaerarako onartuko ditu.

New Yorkera joaten dira asko bere buruaz beste egitera.

NEW YORK bere buruaz beste egiteko toki egokia da jende ___1____, eta hara joaten dira propio asmo horrekin. Horixe dio New York Academy of Medicine erakundearen txosten ___2____. __3____ arabera, New Yorken haien burua hiltzen duten hamar pertsonetatik bat ___4____ da. lzena ere jarri diete: suicide tourists. Turista ___5___ gazteagoak izan ohi dira bertako suizidak ___6____ -35 urtetik beherakoak ia erdia dira; bertakoen artean, %30 baino ez-. Mendebaldeko kulturaren ikono ___7____ tokietatik salto egitea da, kanpotar horientzat, suizidatzeko modurik __8____: Empire State, Times Square...