ՀՀ շրջակա միջավայրի նախարարությունը «Կանայք կլիմայում և էներգետիկայում» կազմակերպության հետ համատեղ, Միավորված ազգերի կազմակերպության զարգացման ծրագրի ֆինանսավորմամբ՝ ՀՀ աշխատանքի և սոցիալական հարցերի նախարարության հետ համագործակցությամբ կազմակերպում է «Կլիմայի փոփոխությունը և կանայք Հայաստանում» խորագիրը կրող միջոցառում - մրցանակաբաշխությունը՝ նպատակ ունենալով ճանաչել կանանց ներդրումը և առաջնորդությունը կլիմայի փոփոխության մեղմմանը և հարմարվողականությանն ուղղված գործողություններում և լուծումներում։
Մրցանակաբաշխության ընթացքում կանցկացվի կլիմայական լուծումների խրախուսմանը նվիրված պարգևատրում, որի նպատակն է խրախուսել կանանց կամ աղջիկների կողմից ղեկավարվող/համակարգվող նոր նախագծերը։
Մտքերի կամ սկսնակ նախագծերի շրջանում նախատեսվում են հաղթողներ հետևյալ երկու անվանակարգերում`
🔸 Լավագույն լուծում տեխնիկական/տեխնոլոգիական լուծումներ
🔸 Լավագույն լուծում ոչ տեխնիկական լուծումներ
Գնահատման չափորոշիչներ
🔸 Կլիմայի փոփոխության ոլորտում ազդեցություն
🔸 Առաջնորդություն և կառավարում
🔸 Նորարարություն և ստեղծարարություն
🔸 Կրկնօրինակելիություն
🗓️ Ժամկետներ
Կլիմայի փոփոխության բնագավառում լուծումների ներկայացման մրցույթին մասնակցելու համար հարկավոր է լրացնել էլեկտրոնային հայտադիմումը մինչև 2024թ. հուլիսի 15-ը։
Հունիսի 15-ին և 22-ին կարող եք մասնակցել մրցանակաբաշխության մանրամասների ներկայացման առցանց հանդիպմանը, որի համար հարկավոր է նախապես գրանցել հետևյալ հղումով` https://forms.gle/UJSPpsFxh78vF4M38
Խնդրում ենք կազմակերպության լոգոտիպը, գործողությանը կամ լուծմանն առընչվող 2-3 լուսանկար և մինչև 2 րոպե տևողությամբ տեսահոլովակ (ոչ պարտադիր) ուղարկել awards@wice.am էլ հասցեին։ Նամակի վերնագրում պարտադիր նշեք ձեր անունը և ազգանունը։
📧 📞 Էլեկտրոնային հայտադիմումի ներկայացման և այլ մանրամասների համար կարող եք զանգահարել (041) 102 221 հեռախոսահամարով, ինչպես նաև դրանք ուղղել awards@wice.am էլեկտրոնային հասցեին։
🔗 Լրացուցիչ տեղեկությունների, ընթացիկ նորություններին ծանոթանալու համար կարող եք այցելել մրցանակաբաշխության կայքէջ՝
https://www.wice.am/awards