2019 - Sjúkra - Fjölskyldu- og erfðaréttur

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/5/prof/553 .

1. Hver eftirtalinna fullyrðinga um samning Sameinuðu þjóðanna um réttindi barnsins er rétt?:

1 point

a) Samningurinn er fullgiltur og hefur verið lögfestur hér á landi.

b) Dómstólar á Íslandi vísa aldrei til samningsins í dómum.

c) Mannréttindadómstóll Sameinuðu þjóðanna hefur eftirlit með framkvæmd samningsins.

d) Samningurinn fjallar aðallega um hvernig tryggja beri börnum vernd og rétt til þjónustu.

e) Allar ofangreindar fullyrðingar eru réttar.

Clear selection

2. Hver af eftirtöldum fullyrðingum er rétt?:

1 point

a) Reglur I. kafla a barnalaga um foreldra barns eiga að öllu leyti við um þá sem eignast barn óháð kynhneigð.

b) Kona sem samþykkt hefur að tæknifrjóvgun fari fram á eiginkonu sinni, samkvæmt ákvæðum laga um tæknifrjóvgun o.fl., telst móðir barns sem þannig er getið.

c) Maður sem gefur sæði sem notað er við tæknifrjóvgun, samkvæmt ákvæðum laga um tæknifrjóvgun o.fl., telst sjálfkrafa faðir barns sem getið er með sæði hans.

d) Eiginkona móður barns telst sjálfkrafa foreldri þess ef það er alið í hjúskap þeirra.

e) Allar ofangreindar fullyrðingar eru rangar.

Clear selection

3. Hver af eftirtöldum fullyrðingum er rétt?:

1 point

a) Stjúpfaðir getur aldrei orðið skráður faðir barns að lögum.

b) Stjúpfaðir fer aldrei með forsjá barns ef annar maður er skráður faðir þess samkvæmt ákvæðum barnalaga.

c) Pater-est reglan á alltaf við um óvígða sambúð.

d) Faðernisviðurkenning er einungis heimil ef niðurstöður mannerfðafræðilegrar rannsóknar benda eindregið til þess að viðkomandi sé faðir barns.

e) Allar ofangreindar fullyrðingar eru rangar.

Clear selection

4. Pater-est reglan:

1 point

a) Á aldrei við um óvígða sambúð.

b) Er meginreglan sem gildir um faðerni barna sem getin eru með tæknifrjóvgun.

c) Á aldrei við um óvígða sambúð samkynhneigðra.

d) Á einungis við um óvígða sambúð samkynhneigðra ef hún er skráð í Þjóðskrá.

e) Allar ofangreindar fullyrðingar eru rangar.

Clear selection

5. Hver af eftirtöldum fullyrðingum er rétt?:

1 point

a) Ógildingarmál samkvæmt ákvæðum barnalaga eru dómsmál til feðrunar barns.

b) Sá sem telur sig föður barns getur alltaf höfðað ógildingarmál til þess að fá ákvörðun um faðerni barns.

c) Sá sem telur sig föður barns getur höfðað vefengingarmál ef annar maður er skráður faðir barns á grundvelli faðernisviðurkenningar skv. ákvæðum barnalaga.

d) Eiginmaður móður barns sem alið er í hjúskap þeirra getur höfðað mál til ógildingar á faðerni barnsins.

e) Allar ofangreindar fullyrðingar eru rangar.

Clear selection

6. Hver af eftirtöldum fullyrðingum er rétt?:

1 point

a) Samkvæmt íslenskum lögum telst sú kona, sem samþykkir að ganga með barn fyrir par og láta það af hendi eftir fæðingu, ekki móðir barnsins ef getnaður á sér stað skv. ákvæðum laga um tæknifrjóvgun o.fl.

b) Hugtakið staðgöngumæðrun nær að lögum til þess þegar lesbía gengst undir tæknifrjóvgun með því að fá frjóvgað gjafaegg.

c) Staðgöngumæðrun er heimil á Íslandi í velgjörðarskyni ef gerður er skriflegur samningur um réttarstöðu allra aðila og tæknifrjóvgunin fer fram skv. lögum um tæknifrjóvgun.

d) Svör a. og c. eru rétt.

e) Allar ofangreindar fullyrðingar eru rangar.

Clear selection

7. Hver af eftirtöldum fullyrðingum er rétt?:

1 point

a) Samkvæmt ákvæðum barnalaga nr. 76/2003 er meginreglan sú að foreldrar fara sameiginlega með forsjá barns frá því að barn er feðrað.

b) Maður, sem fer einn með forsjá barns síns, getur gengið í hjúskap með öðrum manni og samið við hann um að þeir fari eftir það sameiginlega með forsjá barnsins.

c) Foreldri, sem fer sameiginlega með forsjá barns eftir skilnað við hitt foreldrið, getur samið við nýjan maka sinn um að þeir fari sameiginlega með forsjá barns.

d) Svör a., b. og c rétt.

e) Svör a. og b. eru rétt.

Clear selection

8. Hver af eftirtöldum fullyrðingum er rétt?:

1 point

a) Sameiginleg forsjá getur verið lögbundin, umsamin eða dæmd.

b) Foreldrar barns í óvígðri sambúð fara alltaf sameiginlega með forsjá barnsins.

c) Hugtakið sameiginleg forsjá á einungis við þegar foreldrar barns semja um það við skilnað eða slit á skráðri óvígðri sambúð að fara sameiginlega með forsjá barnsins.

d) Sameiginleg forsjá kemur einungis til greina ef foreldrar barns eru í hjúskap eða skráðri óvígðri sambúð.

e) Svör a. og b. eru rétt.

Clear selection

9. Hver af eftirtöldum fullyrðingum er rétt?:

1 point

a) Forsjárlaust foreldri á rétt á skriflegum gögnum um skólagöngu barns.

b) Forsjárlaust foreldri getur krafist úrskurðar um umgengni við barn sitt.

c) Forsjárlaust foreldri ber ekki ábyrgð á framfærslu barns ef forsjá þess er sameiginleg í höndum kynforeldris og stjúpforeldris.

d) Sá sem fer með forsjá barns getur ekki krafist úrskurðar um umgengni.

e) Svör a. og b. eru rétt.

Clear selection

10. Sameiginleg forsjá:

1 point

a) Er meginreglan við skilnað eða sambúðarslit foreldra sem fóru sameiginlega með forsjá barns meðan hjúskapur eða skráð sambúð varði.

b) Gerir foreldrum kleift að semja um að barn eigi lögheimili hjá þeim báðum.

c) Hefur engin áhrif á ákvörðun um meðlag sem greitt er með barni.

d) Svör a. og c. eru rétt.

e) Allar ofangreindar fullyrðingar eru réttar.

Clear selection

11. Hver af eftirtöldum fullyrðingum er rétt?:

1 point

a) Þegar foreldrar fara sameiginlega með forsjá barns er öðru þeirra óheimilt að flytja með barnið innanlands án samþykkis hins.

b) Þegar foreldrar fara sameiginlega með forsjá barns verður að liggja fyrir samþykki beggja ef lögheimilisforeldri vill flytja lögheimili barnsins til þriðja manns.

c) Foreldrum sem fara sameiginlega með forsjá barns ber að taka í sameiningu allar afgerandi ákvarðanir um daglegt líf barnsins.

d) Foreldrar sem fara sameiginlega með forsjá barns mega semja um að skyldan til að greiða meðlag með barninu falli niður.

e) Allar framangreindar fullyrðingar eru rangar.

Clear selection

12. Hver eftirtalinna fullyrðinga er rétt?:

1 point

a) Samningar um umgengni öðlast gildi við staðfestingu sýslumanns.

b) Sýslumaður getur óskað umsagnar barnaverndarnefndar áður en hann staðfestir samning um umgengni.

c) Umgengni í viku og viku í senn verður aldrei úrskurðuð eða dæmd.

d) Sýslumaður getur kveðið upp úrskurð um umgengni til bráðabirgða.

e) Allar ofangreindar fullyrðingar eru réttar.

Clear selection

13. Hver eftirtalinna fullyrðinga er rétt?:

1 point

a) Dómstólar geta dæmt um umgengnisrétt foreldris við barn sitt.

b) Dómstólar geta ekki dæmt um hvort foreldra skuli bera kostnað af ferðum barns.

c) Dómstólar geta ekki dæmt að barn njóti umgengni í viku og viku í senn hjá hvoru foreldri sínu.

d) Foreldrar barns eru þeir einu sem geta krafist úrskurðar um umgengni við barn.

e) Allar ofangreindar fullyrðingar eru réttar.

Clear selection

14. Hver eftirtalinna fullyrðinga er rétt?:

1 point

a) Umgengnistálmanir koma sjálfkrafa í veg fyrir að dæmd verði sameiginleg forsjá.

b) Umgengnistálmanir geta haft áhrif á niðurstöðu í forsjármáli.

c) Sameiginleg forsjá kemur alltaf í veg fyrir kröfu um viðbótarmeðlag.

d) Umgengni við barn verður þvinguð fram með dagsektum gegn því foreldri sem rækir ekki umgengni við barn sitt.

e) Allar ofangreindar fullyrðingar eru réttar.

Clear selection

15. Hver eftirtalinna fullyrðinga er rétt?:

1 point

a) Umgengni hefur sjálfkrafa áhrif á ákvörðun meðlags.

b) Umgengnistálmanir koma í veg fyrir kröfu um viðbótarmeðlag.

c) Forsjá getur haft áhrif á ákvörðun meðlags.

d) Krafa um að umgengni verði komið á með aðför er háð því að fjárnám hafi verið gert vegna viðbótarmeðlags.

e) Svör a. og c. eru rétt.

Clear selection

16. Hver eftirtalinna fullyrðinga er rétt?:

1 point

a) Stjúpforeldri ber aldrei ábyrgð á framfærslu stjúpbarns eftir skilnað við foreldri barnsins.

b) Gildi samnings um meira en einfalt meðlag með barni er óháður staðfestingu sýslumanns.

c) Framfærsluskylda er háð því að foreldri fari með forsjá barns.

d) Barn sem orðið er 16 ára gamalt og er flutt að heiman getur sjálft krafist meðlags úr hendi foreldra sinna ef barnið er í námi.

e) Allar ofangreindar fullyrðingar eru rangar.

Clear selection

17. Hver eftirtalinna fullyrðinga er rétt?:

1 point

a) Heimilt er að úrskurða þann sem er meðlagsskyldur með barni til að taka þátt í að greiða sérstök útgjöld vegna fótboltaæfinga barns ef um umtalsverðan kostnað er að ræða.

b) Foreldrar sem fara sameiginlega með forsjá skulu taka í sameiningu ákvörðun um reglubundnar tómstundir barns ef þeim fylgir verulegur kostnaður.

c) Heimilt er að úrskurða þann sem er meðlagsskyldur með barni til að taka þátt í að greiða sérstök útgjöld vegna sértækra námserfiðleika hjá barni.

d) Heimilt er að úrskurða foreldri til að greiða ungmenni 18-20 ára fjárhæð vegna sérstakra útgjalda í tengslum við brúðkaup ungmennisins.

e) Allar ofangreindar fullyrðingar eru rangar.

Clear selection

18. Hver af eftirtöldum fullyrðingum er rétt?:

1 point

a) Einhleypir mega einungis ættleiða barn ef þeir eiga barn fyrir.

b) Samkynhneigðir mega lögum samkvæmt einungis ættleiða barn maka síns.

c) Dómstólar veita leyfi til ættleiðingar á Íslandi.

d) Barnaverndarnefnd gefur almennt umsögn um hæfi þeirra sem óska þess að ættleiða barn.

e) Svör b. og d. eru rétt.

Clear selection

19. Hver eftirtalinna fullyrðinga er rétt?:

1 point

a) Barnaverndarstofa getur svipt foreldri forsjá barns ef daglegri umönnun eða uppeldi barns er alvarlega ábótavant.

b) Samþykki barns sem á í hlut er skilyrði þess að grípa megi til þeirra úrræða, sem mælt er fyrir um í barnaverndarlögum nr. 80/2002, ef barnið hefur náð 15 ára aldri.

c) Sýslumaður getur leitað umsagnar barnaverndarnefndar áður en hann kveður upp úrskurð um umgengni skv. ákvæðum barnalaga nr. 76/2003.

d) Úrskurði sýslumanns um umgengni má skjóta til kærunefndar barnaverndarmála.

e) Öll framangreind svör eru röng.

Clear selection

20. Hver eftirtalinna fullyrðinga er rétt?:

1 point

a) Afskiptum barnaverndarnefndar af málefnum barns lýkur alltaf í síðasta lagi þegar barn nær 18 ára aldri.

b) Afskipti barnaverndarnefndar geta hafist í fyrsta lagi við fæðingu barns.

c) Umgengnistálmanir ber alltaf að tilkynna til barnaverndarnefndar.

d) Barnaverndarnefndir starfa á vegum Barnaverndarstofu.

e) Öll framangreind svör eru röng.

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms