Este “Punto Laranxa” pretende ser unha vía de denuncia de situacións irregulares relacionadas coa aplicación do "Acordo sobre medidas de mellora".
Aínda que desde o momento da sinatura do Acordo fixemos seguimento das incidencias en todos os centros galegos, é fundamental a colaboración do profesorado e mesmo das familias, polo que habilitamos esta vía alternativa ao correo institucional dos centros para que calquera persoa, a título individual, axude a detectar e corrixir estas posibles irregularidades e abusos.
Os datos que solicitamos responden a tres finalidades básicas:
- Evitar denuncias anónimas que dificulten o funcionamento desta iniciativa e que non terían percorrido como reclamacións ante a Consellería de Educación ou a xustiza.
- Recoller información fiel á realidade, ben argumentada e que poida ser ampliada desde as organizacións sindicais mediante o contacto telefónico ou a través do correo electrónico.
- Establecer unha primeira vía de soporte e axuda sindical para solventar as situacións descritas.
