2017 - Sjúkra - Réttarfar II

JavaScript isn't enabled in your browser, so this file can't be opened. Enable and reload.

Fyrirvari: Þetta krossapróf á Google forms er fengið frá ýmsum stöðum, aðallega þó frá prófasafni HÍ sem aðgengilegt er nemendum og frá þeirri snilldarsíðu gomulprof.stuff.is.

Þegar þú smellir á submit verða rétt og röng svör birt, ásamt rökstuðningi ef hann er skráður.

Ekki treysta í blindni á þessi svör! Athugaðu rökstuðninginn á bak við svörin, ef hann er ósannfærandi eða vantar, af hverju þá að treysta svarinu? Svörin sem skráð eru sem rétt svör eru aðeins ágiskun annars nemenda, stundum með rökstuðningi, og gætu hæglega verið röng. Þannig geta verið villur í svörunum og jafnvel í spurningunum enda eru þær, ásamt svörunum skráðar semi-handvirkt.

Endilega hjálpaðu til við að bæta gæði svarana með því að rökræða þau á Discord rásinni fyrir námskeiðið (linkur sýndur við svörin). Ef þú hefur góðan rökstuðning fyrir breyttu svari komdu þá endilega með tillögu að nýju svari á forminu sem linkað er á í svörunum.

Þetta próf er líka á https://gomulprof.stuff.is/namskeid/17/prof/531 .

1. Taktu afstöðu til þess hver eftirfarandi fullyrðinga um sakamál er [b]rétt[/b]:

1 point

a) Ákærða er bæði rétt og skylt að mæta fyrir dóm og sakamáli getur ekki lokið að honum fjarstöddum.

b) Til allra þvingunarúrræða þarf að meginreglu dómsúrskurð, enda fela þær í sér skerðingu á stjórnarskrárvörðum réttindum.

c) Dómari er óbundinn af kröfum málsaðila og yfirlýsingum þeirra, að undanskildum kröfum og lýsingu ákæruvaldsins í ákæru.

d) Ef brot er smávægilegt og dómari telur hafið yfir allan vafa að neitun ákærða sé ekki sannleikanum samkvæm getur hann lokið málinu með sektargerð.

Clear selection

2. Það leiðir af hlutlægnisskyldu ákæruvaldsins að:

1 point

a) Ákæranda ber fremur að gæta að atriðum sem horfa til sektar.

b) Ákæranda ber að gæta jafnt að atriðum sem horfa til sýknu og sektar.

c) Ákæranda ber fremur að gæta að atriðum sem horfa til sýknu.

d) Engin framangreindra fullyrðinga er rétt.

Clear selection

3. Ein af eftirfarandi fullyrðingum er röng:

1 point

a) Sú skylda hvílir á dómara að hafa frumkvæði að því að upplýsa þau atriði í sakamáli sem hann telur óljós.

b) Jafnræði á að vera með aðilum við meðferð sakamáls fyrir dómi eftir því sem kostur er.

c) Dómara er ekki heimilt að líta til upplýsinga sem fengist hafa með ólögmætum símhlustunum við sönnunarmat.

d) Sérstakar rannsóknaraðgerðir teljast ekki til þvingunarráðstafana.

Clear selection

4. „Sakborningur“ er samkvæmt íslenskum rétti sá sem:

1 point

a) Hefur verið sakaður um refsiverða háttsemi af lögreglu eða þar til bæru stjórnvaldi.

b) Er sakaður eða grunaður um refsiverða háttsemi.

c) Er grunaður um refsiverða háttsemi, enda sé sá grunur rökstuddur.

d) Hefur verið kærður fyrir refsiverða háttsemi af aðila sem er til þess bær.

Clear selection

5. Ein af eftirtöldum fullyrðingum um skýrslutöku fyrir dómi er [b]rétt[/b]:

1 point

a) Ákærði getur þurft að hlíta því að vera vikið úr þinghaldi meðan vitni gefur skýrslu og er þá ekki nauðsynlegt að gefa honum kost á að fylgjast með skýrslutökunni um leið og hún fer fram.

b) Réttargæslumaður brotaþola getur spurt eða látið spyrja skjólstæðing sinn þegar skýrsla er tekin af honum.

c) Heimilt er að víkja ákærða auk ákæranda og verjanda úr þinghaldi ef dómari telur að nærvera þeirra geti orðið vitni sérstaklega til íþyngingar og haft áhrif á framburð þess, án tillits til aldurs vitnisins.

d) Dómari getur ákveðið að skýrslutaka af vitni, sem er yngra en 15 ára, fari fram annars staðar en í dómsal.

Clear selection

6. Ákvörðun ríkissaksóknara um niðurfellingu máls sætir endurskoðun:

1 point

a) Dómstóla sem geta fellt ákvörðun úr gildi.

b) Héraðssaksóknara sem æðra stjórnvalds sem getur fellt ákvörðun úr gildi.

c) Innanríkisráðuneytis sem æðra stjórnvalds sem getur fellt ákvörðun úr gildi.

d) Engin framangreindra fullyrðinga er rétt.

*) ATH: Rétt svar hefur ekki verið skráð við þessa spurningu

Clear selection

7. Ein af eftirtöldum fullyrðingum um símhlustun og sambærileg úrræði er [b]röng[/b]:

1 point

a) Skilyrði þess að gripið verði til slíkra aðgerða er að fyrir hendi sé rökstuddur grunur um refsivert brot.

b) Nægilegt er að beina kröfu um aðgerðir samkvæmt 81. gr. laga nr. 88/2008 að umráðamanni og notanda síma eða annars fjarskiptatækis, ellegar tilteknu fjarskiptatæki sé umráðamaður þess óþekktur.

c) Skilyrði fyrir aðgerðum samkvæmt 80. gr. laga nr. 88/2008 er að rannsókn beinist að broti sem varðað getur að lögum sex ára fangelsi og að ríkir almannahagsmunir eða einkahagsmunir krefjist þess.

d) Aðgerðir samkvæmt 80. gr. laga nr. 88/2008 verða að styðjast við dómsúrskurð, nema fyrir liggi ótvírætt samþykki umráðamanns og eiginlegs notanda síma. Eðli málsins samkvæmt þarf þó alltaf dómsúrskurð til aðgerða samkvæmt 81. og 82. gr. laga nr. 88/2008.

Clear selection

8. Dómara ber að vísa einkaréttarkröfu, sem höfð hefur verið uppi í sakamáli, frá dómi ef:

1 point

a) Ákærði er sýknaður af refsikröfu vegna þess að hann er talinn ósakhæfur.

b) Hann telur að meðferð kröfunnar geti leitt til teljandi tafa eða óhagræðis við rekstur málsins.

c) Lögmaður kröfuhafa sækir ekki þing, án þess að hafa lögmæt forföll, þrátt fyrir að ákærandi krefjist þess að svo verði ekki gert.

d) Málið er fellt niður vegna þess að ákærandi hefur ekki sótt þing, þrátt fyrir að lögmaður kröfuhafa krefjist þess að svo verði ekki gert.

Clear selection

9. Endurupptökuheimild til að taka upp sakamál sem hefur verið fellt niður af ákæruvaldinu er meðal annars bundin því skilyrði:

1 point

a) Að ný sakargögn séu komin fram að mati ákæranda.

b) Að ný sakargögn séu komin fram að mati dómstóla.

c) Að ný sakargögn séu komin fram að mati ákæranda og það mat sé staðfest af dómstólum.

d) Að ný sakargögn séu komin fram að mati endurupptökunefndar.

Clear selection

10. Hvert eftirtalinna atriða er ekki skilyrði fyrir því að maður verði úrskurðaður í gæsluvarðhald fyrir brot sem hann er sakaður um að hafa framið?:

1 point

a) Að hann hafi náð 15 ára aldri.

b) Að ástæða þyki til þess að ætla að hann hafi framið brotið.

c) Að fangelsisrefsing sé lögð við brotinu.

d) Að fyrir liggi, samkvæmt dómvenju, miðað við eðli brotsins og aðrar aðstæður, að hann verði dæmdur í óskilorðsbundið fangelsi.

*) ATH: Rétt svar hefur ekki verið skráð við þessa spurningu

Clear selection

Submit

Clear form

This content is neither created nor endorsed by Google. - Terms of Service - Privacy Policy

Does this form look suspicious? Report

Forms