ATH - Það er orðið uppselt á þingið! Hægt er þó að horfa á málþingið í gegnum streymi. Mikilvægt að skrá sig hér að neðan ef þú ætlar að horfa á streymið.
Í tilefni af því að úrslitakeppni Bestu deildar kvenna hefst í lok ágúst, standa HKK og KSÍ fyrir málþingi um þjálfun á konum í knattspyrnu.
Umfjöllunarefni ráðstefnunnar er þjálfun á knattspyrnukonum með tilliti til frammistöðu og heilsu leikmanna, með áherslu á álagsstýringu, líkamlegar kröfur, meiðsli, svefn, næringu og hugræna getu. Ræddar verða helstu áskoranir í þjálfun kvenna, stöðu rannsókna og mun á milli kynjanna, m.a. með tilliti til tíðahringsins.
