Ola!
Se está(de)s neste formulario é porque se che/vos convidou ou te(de)s interese en participar como artista(s) na Taberna da Parroquia. Antes de responder ás preguntas (leva menos de 5 minutos), hai que ter en conta a seguinte información:
A Taberna da Parroquia é efímera. Abre unha vez ao mes durante 4 horas. Nese tempo haberá artistas que participen de maneira programada e outras que participen de maneira espontánea durante a quenda de micro aberto. Ao rexistrarte/vos neste formulario, estase mostrando interese en participar como artista(s) programada(s). Nesta Tabernada que celebraremos o 5 de outubro, renderemos homenaxe a unha inconfundible icona da cultura galega: o narrador, ensaísta, dramaturgo, debuxante e político Alfonso Daniel Rodríguez Castelao, polo que se che/vos inspira para formular unha proposta artística, é o momento ideal para compartila con todas "nós".
- Formato: non é un teatro con público, é unha taberna con xente que vai e vén con intención de pasalo ben e distraerse.
- Duración da performance: 10 minutos aprox.
- Compensación: dúas consumicións + unha porción de empanada por persoa.
- Data e hora de participación: será concretada por WhatsApp coa persoa de contacto. En calquera caso, podes ver a programación e temáticas das tabernadas nas redes da @ACGB / https://acgb.gal/ /
- Liberdade artística: a performance pode ser sobre o que se queira, pero cómpre lembrar que cada tabernada ten a súa propia temática. Sería xenial que as performances se poidesen ligar a ela.
