Háskólanum á AkureyriÞriðjudaginn 23. apríl 2024
Klukkan 13.00 - 16.00
Háskóli Íslands, Háskólinn á Akureyri og Öryrkjabandalag Íslands boða til samráðsfundar um inngildandi háskólanám í Háskólanum á Akureyri. Fundinum stjórna nemendur í starfstengdu diplómanámi fyrir fólk með þroskahömlun á Menntavísindasviði HÍ. Þar munu þau deila reynslu sinni af háskólanámi og kynna námið ásamt því að stýra umræðuhópum sem eru öllum opnir. Markmið fundarins er að vekja athygli á mikilvægi háskólanáms fyrir fólk með þroskahömlun og hvetja stjórnvöld og háskóla landsins til að auka námstækifæri á háskólastigi.
Boðið verður upp á kaffi og léttar veitingar að fundi loknum.