15 დეკემბერს, 16:00 საათზე,  Booster Talks-ის ფარგლებში შეხვედრას გამართავს საერთაშორისო კომპანიის Majorel შერჩევისა და დასაქმების ჯგუფის ხელმძღვანელი შორენა ქუთათელაძე.

კომპანია Majorel-მა საქართველოში 2016 წლის სექტემბერში დაიწყო ოპერირება და ამჟამად სამი ოფისითაა წარმოდგენილი, მათ შორის ორი თბილისშია და ერთი ქუთაისში. კომპანია ემსახურება კლიენტებს მოგზაურობის, ელექტრონული კომერციის, ინფორმაციული და ციფრული ტექნოლოგიებისა და ავტოინდუსტრიის მიმართულებით.

BOOSTER Talks გულისხმობს ექსკლუზიურად ილიაუნის სტუდენტებისა და კურსდამთავრებულებისთვის საქართველოში მოქმედ კერძო, საჯარო და არასამთავრობო სტრუქტურების წარმომადგენელებთან ონლაინშეხვედრებს.

 მომხსენებელი განიხილავს შემდეგ საკითხებს:

Majorel მსოფლიოსა და საქართველოში;
რას სთავაზობს Majorel Georgia დასაქმებულებს?
 კომპანიის  ვაკანსიები;
როგორ დავსაქმდეთ Majorel Georgia-ში?
მნიშვნელოვანი რჩევები სამუშაოს მაძიებელთათვის.

შეხვედრა საინტერესო იქნება ნებისმიერი მიმართულების სტუდენტებისა და  კურსდამთავრებულებისთვის.

შეხვედრაზე დასწრების მსურველებმა შეავსეთ სარეგისტრაციო ფორმა არა უგვიანეს 15 დეკემბრის 12:00 საათისა.

შეხვედრის ბმულს გამოგიგზავნით შეხვედრის დაწყებამდე ერთი საათით ადრე.

დრო:15 დეკემბერი, 16:00 საათი.