Berriki Oria ibaiko sahatsen mozketatik soberan geratutako sutarako
egur loteak banatuko ditu Alegiako Udalak. Horretarako interesa duten
herritarrek eskaera egin beharko dute udalean, honako baldintzapean:
Eskaera egin ahal izateko baldintzak:
-
18 urte beteta izatea.
-
Alegian erroldatua egotea.
-
Udal tasa, zerga eta bestelako ordainketak egunean izatea.
-
Familia unitate bakoitzak eskaera bakarra aurkeztu ahal izango du.
Eskaerak aurkezteko epea: Martxoaren 27a, arratsaldeko 14:00ak arte.
Egur loteak jasotzeko baldintzak:
-
Egur loteak Belostegiko ekarpen gunearen ondoko belazean egongo dira prestatuak.
-
Norberak bere baliabide propioekin joan beharko du egur loteak hartzera.
-
Loteak udalak zehazturiko epeen barruan jaso beharko dira.
-
Egurra norbere aprobetxamendurako izango da eta inolako kasutan ezingo da saldu edo hirugarren bati eman.
Jasotako eskaera kopurua eskuragarri dagoen egur lote kopurua baino
handiagoa bada, zozketa publiko bat egingo da loteak banatzeko.
Zozketaren egun eta data bere momentuan argitaratuko da.
Izen-ematen duen orok bando honetan eta Udalak argitaratzen dituen
bestelako agirietan zehazturiko neurri eta arauak errespetatzeko
konpromisoa hartzen du.
