განაცხადი SKYE წევრის მიღებაზე
გახდი SKYE CLUB-ის წევრი!
ადგილმდებარეობა: თბილისი (რუსთაველის #21)
პაქტრიარქის ფონდისა და World Vision საქართველოს მიერ 2016-2022 წლებში წარმატებით განხორციელდა SKYE (Skills and Knowledge for Youth Economic Empowerment) პროგრამა. 2022 წლიდან პროექტი გრძელდება და ცხადდება მიღება ახალი SKYE კლუბების წევრების პოზიციაზე!
• SKYE კლუბი არის „ახალგაზრდების ეკონომიკური გაძლიერებისთვის საჭირო უნარებისა და ცოდნის კლუბი“ (SKYE)
• SKYE კლუბების წევრების ასაკი: 16-25 წელი
• SKYE კლუბის ხანგრძლივობა - 9 თვე
(ოქტომბერი 2022 - ივნისი 2023)
• SKYE კლუბის წევრობა უფასოა!
კლუბის შეხვედრებს გაუძღვებიან წინასწარ შერჩეული, შესაბამისი კვალიფიკაციისა და გამოცდილების მქონე ლიდერები/ფასილიტატორები. კლუბის ფარგლებში შეხვედრები აგებულია ინტერაქტიულ მეთოდებზე და მონაწილეთა მაქსიმალურ ჩართულობაზე. პროგრამა მოიცავს: ლიდერობის, დასაქმების და აქტიური მოქალაქეობის თემატიკებს.
SKYE კლუბის შერჩეული წევრები:
• კვირაში ერთხელ წინასწარ განსაზღვრულ დროს და სივრცეში შეიკრიბებიან და მათთვის მნიშვნელოვან თემებზე იმსჯელებენ;
• მოისმენენ საინტერესო ტრენინგებს მოწვეული სტუმრებისა და SKYE კლუბის ფასილიტატორებისგან;
• დაგეგმავენ სასწავლო მიმართულებების მიხედვით სოციალურ პროექტებს;
• შეხვდებიან სხვადასხვა სფეროს ცნობილ და წარმატებულ ადამიანებს;
გამართავენ დისკუსია/დებატებს აქტუალურ საკითხებზე;
• ჩაერთვებიან გასვლით ღონისძიებებში და სხვადასხვა სახალისო გუნდური სავარჯიშოების შესრულებაში;
• SKYE კლუბის ლიდერებთან და სხვა მონაწილეებთან ერთად დაგეგმავენ და განხორციელებენ მათთვის საინტერესო სხვა აქტივობებს.
SKYE პროგრამა შემუშავებულია რუმინეთის „New Horizons Foundation“-ის და World Vision Australia-ის მიერ და აგებულია მოხალისეობრივ საწყისებზე. ამჟამად პროგრამა 10 ქვეყანაში მოქმედებს.
განაცხადები მიიღება 2022 წლის 13 ოქტომბრის ჩათვლით.
გისურვებთ წარმატებებს! :)