Klubi i Etikës fton studentët e Universitetit të Prishtinës të aplikojnë për pjesëmarrje në një vizitë studimore në Gjykatën Kushtetuese të Republikës së Kosovës.

Kjo vizitë ka për qëllim të ofrojë njohuri praktike dhe përvojë të drejtpërdrejtë mbi mënyrën se si funksionon Gjykata Kushtetuese, proceset që zhvillohen brenda saj dhe rëndësinë që ky institucion ka në sistemin juridik të vendit.

Pjesëmarrësit do të kenë mundësinë të njihen më afër me rolet e gjyqtarëve kushtetues, mënyrën e trajtimit të rasteve, si dhe me rëndësinë e këtij institucioni në garantimin e Kushtetutës, mbrojtjen e të drejtave themelore dhe forcimin e shtetit të së drejtës.

Vendi: Gjykata Kushtetuese e Republikës së Kosovës, Prishtinë

Numri i pjesëmarrësve është i limituar.

Vërejtje: Kjo thirrje vlen për studentët e Universitetit të Prishtinës “Hasan Prishtina”.