Duela 25 urte sortu zen Uhagon kultur elkartea, herritar talde batek proiektua herrian ezinbestekoa zela sinetsi eta horren alde lan egin zuelako. Harrezkero, 25 negu, udaberri, uda eta udazken ezagutu izan ditu proiektuak, Markina-Xemein eta inguruari kulturarako espazio bat eskaintzea ardatz. Mende laurden honetan denetarik bizi izan du proiektuak, lagun eta kide askoren bultzadaren laguntzaz. Bakoitzak beretik, bakoitzak bere ahalmenaren arabera.

Bide horretan jarraitu nahi dugu, komunitatea hazten jarraitzea eta jende gehiagoren parte izatea nahi dugu. Horregatik, oraindik ez bazara, egin zaitez bazkide, erein ezazu hazia. Zure nahien eta ahalmenen arabera, parte hartu ezazu Uhagonen.