"ეკოსოფელი საქართველო" არის მიზანმიმართული საზოგადოება, რომლის მიზანია შექმნას მდგრადი ეკოლოგიური და გარემოზე დაბალი ზემოქმედების მქონე თემი საქართველოში. პროექტის გუნდი შედგება, როგორც ქართველი ასევე უცხოელი წევრებისგან.
ვთვლით რომ, ჩვენს მიერ მოძიებული 6,5 ჰექტარი მიწის ნაკვეთი, რომელიც მდებარეობს ლაგოდეხის მუნიციპალიტეტში, (კახეთი) აკმაყოფილებს ეკოსოფლისთვის საჭირო ყველა კრიტერიუმს.
ადგილმდებარეობა:
ნინიგორი, ლაგოდეხის რაიონი. ტურისტულად აქტიური რეგიონი,
დაახლოებით 2,5 საათის მანძილზე თბილისიდან ჩრდილო-აღმოსავლეთით.
ფართობი:
6,5 ჰექტარი სასოფლო-სამეურნეო მიწის ნაკვეთი (საძოვარი), რომელიც მოიცავს 1000 მ2 ფერმის შენობას და ორ პატარა, ერთოთახიან სახლს ნეკვეთის შესასვლელში;
ინფრასტრუქტურა: ბუნებრივი აირი, ელექტროენერგია, წყალი (მათ შორის ნაკვეთის ტერიტორიაზე არსებული მოქმედი სარწყავი სისტემა), ინტერნეტი, პროდუქტის მაღაზიები. მიწის ნაკვეთამდე მიდის ასფალტის გზა, რომელიც უკავშირდება თბილისსა და სხვა მიმდებარე ქალაქებს: გურჯაანს, წნორსა და ლაგოდეხს. საზოგადოებრივი ტრანსპორტი მოძრაობს ცენტრალურ გზაზე.
ჩვენი ხედვა:
"ჩვენ ვართ მოხალისეობრივი, თვითორგანიზებული, არაიერარქიული, ინკლუზიური თემი, რომელიც ვითარდება ურთიერთპატივისცემით და ერთმანეთის მხარდაჭერით. ჩვენ ვსწავლობთ ერთმანეთისგან და ვახორციელებთ რეგენერაციული ეკოლოგიის მიდგომებს. გვსურს შევქმნათ მდგრადი საცხოვრებელი თემი
ფართო საზოგადოებებთან ურთიერთკავშირით“.
რა არის ჩვენი მიზანი?
ჩვენ გვსურს შევქმნათ ინოვაციური საცხოვრებელი, სასწავლო და სამუშაო სივრცე 10-30 ოჯახისთვის. გვქონდეს საერთო ბაღი, ავაშენოთ ინდივიდუალური და საერთო საცხოვრებლები, ვაპირებთ მიწის ნაკვეთზე არსებული შენობის გარდაქმნას საზოგადოებრივ/საგანმანათლებლო ცენტრად, საერთო სახელოსნო და
ღია სასწავლო სივრცის მოწყობას ნებისმიერი ასაკის ადამინისთვის, მცირე და ეკო-მეგობრული ბიზნესების დაარსებას.
როგორ?
ეკოსოფლის მიწის ნაკვეთი იქნება თემის წევრების მფლობელობაში, რომლებიც გაერთიანდებიან საქართველოს კანონმდებლობით დაშვებულ შესაბამის იურიდიულ გაერთიანებაში. თითოეულ მაცხოვრებელს ექნება წილი, გადაწყვეტილების მიღების დროს ხმის მიცემის უფლება და განსაზღვრული მიწის ნაკვეთი, რომელზეც შეეძლება სახლის აშენება.
იურიდიული ფორმა დააფინანსებს ინფრასტრუქტურის მოწყობასა და მოვლა-პატრონობას მისი მაცხოვრებლების და სხვა წევრების პირველადი შენატანების და ეკოსოფლის ტერიტორიაზე განვითარებული ბიზნესების მეშვეობით.
რატომ?
ჩვენ გვაერთიანებს საერთო მიზანი, რომ ჩვენი კვალი ადგილობრივ და გლობალურ გარემოზე იყოს მინიმალური.
ამავე დროს, ჩვენი მიზანია ჯანსაღი თემის და მდგრადი საცხოვრებელი გარემოს შექმნა, მუდმივად განვვითარდეთ და ვისწავლოთ ერთად და ერთმანეთისგან.
ჩვენ ვიაზრებთ რომ ეკოსოფელში საცხოვრებლად
გადასვლის გადაწყვეტილება დიდი ცვლილება შეიძლება იყოს ადამიანის
ცხოვრებაში, და გვესმის რომ მსურველებს შესაძლოა არ ჰქონდეთ პასუხი ყველა
კითხვაზე.
ამ კითხვარის მიზანია დავრწმუნდეთ თანხვედრაშია თუ არა თქვენი მოლოდინები ეკოსოფლის ჯგუფის მიერ შემუშავებულ იდეებთან და სტრუქტურასთან. თუ გსურთ მონაწილეობა მიიღოთ ამ პროექტში, გახდეთ ეკოსოფლის მაცხოვრებელი, ინვესტორი, მრჩეველი, მოხალისე ან სხვა, გთხოვოთ შეავსოთ შემდეგი ფორმა.
მადლობა თქვენი დროისთვის!
ეკოსოფელი საქართველოს გუნდი
