Request edit access
【全港九新界離島師奶反送中聯署】
名單為手動更新,提交表格後,請耐心等待師奶團隊晌湊B及家務空檔期間為您更新。

【全港九新界離島師奶反送中聯署】

師奶每日都好盡力去完成照顧家庭的工作,但唔代表我地唔關心社會。無論幾疲憊,作為社會一份子,我地有責任出黎反送中。

■咁大條逃犯條例,得20日低調諮詢期?2019 年 2 月政府提出修訂《逃犯條例》,允許引渡在港人士到中國內地受審。表面上,政府話係要解決陳同佳案件。但人地台灣都已經話行唔通,不同的大律師和議員,也提出過處理陳案的其他可行方法,政府係都唔聽。無得唔懷疑,政府係借故要練住市民條頸。二十多年前通過既《逃犯條例》,並唔係政府所指的「漏洞」。師奶都知,當年立法會刻意咁做,係因為擔心中國人權保障、法治水平及刑事司法制度不足。反觀目前擬訂草案,容許由行政長官一人揸權,發出證明書便可展開移交安排。變相讓行政長官繞過立法會,自行決定移交細節,削去現時立法機關對個案移交既監察功能。咁重要,咁大爭議,有十幾萬人上街反對既事,得20日諮詢? 一個經期既週期都不足呀!最終,「走程序」也只是參照了商界的意見。然後,政府不理種種反對聲音和行動,「跳程序」直上二讀。咁樣樣,仲唔係身有屎?

■驚香港好快變到大陸咁?條例修訂好影響我地師奶既生活:終日提心吊膽。中國內地政治審查的底線隨時變,司法制度深不可測。我地知道內地啲師奶,唔見左律師老公好耐好耐,千里尋夫不果,審訊無得睇,係監獄都不能探。我地知道內地師奶,不能公開拜祭川震死難女兒,揭豆腐渣尋冤未雪被封殺。我地知道內地啲師奶,為左假疫苗問題被監控,有冤不能訴。我地知道內地師奶,為強拆被非法拘禁。除左敬佩和支持這些師奶外,我地盡量唔想成為下一個。

■為下一代?但,老實講,我地仲有幾多年命呀? 老套啲講,更擔心既係下一代,佢地條路仲好長。如果生活環境越來越差,苦既係佢地。我哋既下一代以後會做好反動的大事,所以擔心嗎?當然,如果為公義,不得不做大事,邊代人都應該互相支持。但也不單如此。修例就正正話我知,無論下一代將來想做生意、開書店、當律師、成為記者、搞藝術也好,都會失去保障。最好,亦唔好做善良及腳踏實地既職業,例如社工及工人,隨時被消失。

■報答老一輩?我地既父母、祖父母或長輩,有啲都經歷過中國的種種壓迫,我地有責任守護佢地,唔好咁快走舊路。我地既父母,辛苦養大我地,教我地人人為我,我為人人,我地做人唔可以埋沒良心。

■一國兩制蕩然無存?當然,一國兩制未必保障到師奶整體既權利。正如婚姻制度一樣,最終可能都只係鞏固緊國家、資本主義及父權。但,至少現階段,在種種空間被收窄、被壓榨下,我地要守住自己的良知。

■師奶的參與?或者我地因為要照顧屋企,未必去到6月9日的遊行。但,反對不義的修法,反對把香港送終,是肯定的。無論是全職師奶、兼職師奶、傷殘師奶、老師奶、單親師奶、新來港師奶、不同種族師奶、任何階層要照顧老幼殘既師奶,互相呼籲,各盡所能。假若強權一意孤行,惡法不撤,師奶罷工,暴政必亡。

■發起人:官塘師奶黃彩鳳 (家有兩位傷殘)2019年5月28日
聯署名單
直至2019年6月6日 13:30,聯署人數共「6,010人」,名單見下:

https://sites.google.com/view/c9antiextradition/聯署名單
師奶心聲
以下為節錄心聲,全部心聲可於此處閱讀︰
https://sites.google.com/view/c9antiextradition/心聲分享

■當D師奶係阿炳, 我呸!

■唔好以為師奶好似不問世事,就可以亂來。到最後關頭,我地會企出來伸張正義。

■為左下一代,唔想只做關起門既"好"媽媽。唔想第時自己d細路大左問 "阿媽你果時可以出聲時去左邊?"相信香港需要既唔係倒退。

■終於有一個啱我身份的聯署! 我都幾十歲,死就一世,唔死就大半世,但係下一代點行落去呢?如果一條影響深遠的逃犯條例夾硬通過,就真係好對佢哋唔住,趁仲可以發聲就出聲,做得幾多就幾多啦!

■好想去遊行,但係遇著測驗考試,一係就阿仔唔肯去,無奈。。。

■希望下一代生活仍有自由和盼望!

■到了關鍵時刻,大家要走出來守護香港,讓下一代繼續有尊嚴地在這片土地上生活。

■我是兼職幼稚園社工,全職媽咪,兼職社會參與者,今日向公司請病假了,咳左成個星期都仲要聯署。親愛的政府。比我休息一下可以嗎?在公在私,我們有責任保障孩子健康成長和自由的權利。呢個是國際人權,也是身為這一代要發揮的力量。這一刻,我們能安然在香港選擇作為社工作為媽媽作為有良知的市民不是必然。我感謝大家團結起來,守護我孩守護我城!

■為何要不能自理才可申請政府安老院舍宿位?為何要起三跑?為何要起東大嶼?為何病人要自資藥物?

■人的一生有些可以妥協,但有些必定堅持!

■唔想任何一個阿媽第日冇左個仔女!

■無機會移民!請為我們的下一代想想!

■師奶是默默地以愛為家庭和社會付出的一群。家人和社會安穩是最重要的,但自由,民主和公義同樣重要。

■絕對認同師奶唔代表乜都唔知乜都唔識的!唔好亂L咁嚟先得架?

■不聽民意的特首和政府令市民有前所未有嘅無力感,好心痛。本人生於斯,長於斯,亦應該老於斯,死於斯; 極不想看見我城毀於逃犯條例。

■我憤怒!撤回惡法!

■照顧家庭不妨礙關注社會。不關注社會,才是對家庭的長遠傷害。

■阿爺曾在文革時期受迫害,希望香港不會有這一天。

■唔可以再忍氣吞聲,唔岩就要出聲。我唔想香港變到令人討厭的地方。

■全職師奶,9/6見

■作為單親雙職師奶,對以上聲明感受甚深;可說是完全道出了心聲。

■我覺得為了我們下一代著想需要為他們發聲,建立一個美好的地方給下一代,極多人像我們一樣沒錢移民,不似其他議員一樣,他們支持完立法及通過後最終受害的是我們及下一代。香港人需要團結起來為我們土生土長的地方立起來了,為我們的下一代建造一個公平的地方給予他們。現在我都開始慢慢解說當年64事件給小孩知道。 畢竟將來書本及資訊都可能未必找回這些歷史。只好靠父母私下教育及給他們看清楚黑暗及橫行霸道的中國。( 我是一名單親媽媽,生活已經艱難,社會民不聊生,政府不理民生,這個政府現只關心政治討好中央)

■唔好以為師奶好似不問世事,就可以亂來。到最後關頭,我地會企出來伸張正義。

■好想去遊行,但係遇著測驗考試,一係就阿仔唔肯去,無奈。。。

■希望下一代生活仍有自由和盼望!

■我唔想比個小朋友係無法治保障的社會長大。法治係道德嘅基礎同底線。連法治都無,香港還有什麼?

■當D師奶係阿炳, 我呸!

■唔想被蒸發

■到了關鍵時刻,大家要走出來守護香港,讓下一代繼續有尊嚴地在這片土地上生活。

■我是兼職幼稚園社工,全職媽咪,兼職社會參與者,今日向公司請病假了,咳左成個星期都仲要聯署。親愛的政府。比我休息一下可以嗎?在公在私,我們有責任保障孩子健康成長和自由的權利。呢個是國際人權,也是身為這一代要發揮的力量。這一刻,我們能安然在香港選擇作為社工作為媽媽作為有良知的市民不是必然。我感謝大家團結起來,守護我孩守護我城!

■為何要不能自理才可申請政府安老院舍宿位?為何要起三跑?為何要起東大嶼?為何病人要自資藥物?

■賣豬仔

■人的一生有些可以妥協,但有些必定堅持!

■唔想任何一個阿媽第日冇左個仔女!

■無機會移民!請為我們的下一代想想!

■雖然我無下一代,亦為現今年青人著緊,可恨那些有兒女的反而漠不關心!

■全職師奶,9/6見

■師奶是默默地以愛為家庭和社會付出的一群。家人和社會安穩是最重要的,但自由,民主和公義同樣重要。

■絕對認同師奶唔代表乜都唔知乜都唔識的!唔好亂L咁嚟先得架?

■不聽民意的特首和政府令市民有前所未有嘅無力感,好心痛。本人生於斯,長於斯,亦應該老於斯,死於斯; 極不想看見我城毀於逃犯條例。

■我憤怒!撤回惡法!

■照顧家庭不妨礙關注社會。不關注社會,才是對家庭的長遠傷害。

■阿爺曾在文革時期受迫害,希望香港不會有這一天。

■唔可以再忍氣吞聲,唔岩就要出聲。我唔想香港變到令人討厭的地方。

■為左下一代,唔想只做關起門既"好"媽媽。唔想第時自己d細路大左問 "阿媽你果時可以出聲時去左邊?"相信香港需要既唔係倒退。

■終於有一個啱我身份的聯署! 我都幾十歲,死就一世,唔死就大半世,但係下一代點行落去呢?如果一條影響深遠的逃犯條例夾硬通過,就真係好對佢哋唔住,趁仲可以發聲就出聲,做得幾多就幾多啦!

●一路都希望以和為貴,但係到咗而家真係冇得再退,冇得再忍。連我亞媽,八十幾歲都識講,林鄭咁做係害咗香港將來的人。

●港難當前!師奶有責!講完!

●師奶是默默地以愛為家庭和社會付出的一群。家人和社會安穩是最重要的,但自由,民主和公義同樣重要。

●不聽民意的特首和政府令市民有前所未有嘅無力感,好心痛。本人生於斯,長於斯,亦應該老於斯,死於斯; 極不想看見我城毀於逃犯條例。

●感恩老師奶有機會聯署

●為左我肚入面既bb,我會努力旱衛香港最後一片天!

●只想香港這地方仍然可以生活到、仲可以讓下一代有自由空間、不要像某個國度的是非不分、生命像不是自己的、要聽那個話、跟那個走、我仍然很愛這地方、要是有一天這裡不能再逗留的話、一定會很傷心,十分擔心,香港一向奉行普通法,我不要僭建法律

●其實我只是平平無其一位師奶仔, 但政府攪到現在香港亂晒, 為了下一代, 一定要要表達下意見

●哩條例,仲衰過 廿三 條,一定唔可以畀佢咁順攤過到立法會──雖然我知道建制已經無法無天,但,泛民一定要努力,撐到底,撐到幾多得幾多。

●痛心

●當資金及企業撤離,我們和下一代都會失業。當外國不信任特區護照,我們就不獲得免簽証,去旅行都難。誓要反送中,包圍立法會,不要讓出賣港人的議員入去強行通過惡法。

●本来對香港已死心,但仍感到有很多人有良知

●香港人對中共法制零信任,個政權毫無法治可言,龍門任搬;香港人生命,財產,名譽都受回歸以來最大威脅。作為一個家庭主婦,都唔可以置身事外,我地忍夠啦!!!香港人要捍衛我地土生土長嘅家園,向傀儡政權説不!!!!!
...............

●呢個團體好!不分學歷不分職業!反送中就反送中!!個政府真係送緊香港人去死!

●做咗師奶都係一個關心社會嘅香港人

●自己細路自己救

●香港人係時間醒覺,唔好成日話政治唔關我事,你以為唔講就唔關你事,其實政府大大小小嘅決策都影響緊每一個香港人,宜家嘅香港政府已經唔再為“香港人”服務,而是為“祖國”服務,你唔發聲,只會任人魚肉。

●等大陸建立到 跟香港三權分立的真實制度與運作,才説什麽引渡條例吧!

●其實可以好簡單,泥水佬做橋,要過得自己過得人?
姓名 *
Your answer
電郵 *
Your answer
住邊區 *
Your answer
師奶年資 *
Your answer
照顧對象 *
Your answer
你的意見或感想
Your answer
Submit
Never submit passwords through Google Forms.
This content is neither created nor endorsed by Google. Report Abuse - Terms of Service